Joshua 23:11 - ŊWÀʼ NYÙY

¹¹ Vèn ku nèn a kìm vitú vén ví, a kòŋ Nyùy Tàr woo Nyùy won.

Joshua 23:11 Iomraidhean Croise

Ŋwàʼ Fəə 20:6

Yii bèy, a m din koŋ yém e wóné, e ŋgwàʼ sí ŋgwàʼ si, e dù, e meé nsə̀kì, bìʼ koŋ ye atàr véví koŋ mo, lem nsər sém.

Ŋgàn 4:23

Kìm kitú ké ki fó yiì ye bií, ku kìm, bìʼ fo yíi wìri kù lo a dzə̀ fó kinyò ke wù kwàʼtìn.

Ŋwàʼ Luk 21:34

«Vèn wáa leéy fo věn vitu, a yen fó a ghan, a yi a dzə̀ vitú, a nonín, a baa, a way vifií a dzə̀ é dzə̀ʼə̀m yee fen fo melív men mè rəə́y, é kishiíy kee shooy ki wìy sàsìn, e koò ven moo kitám.

Ŋwàʼ woó Rom 8:28

A vèsən kì jii, Nyùy yii sə́ vèsən ve á koŋ wun, yii, a vinyo ve ví kooy vèsən vidzə̀m vi binkìr fo vèsən ji ve juŋ vi. Dzə̀ vèsən vin ve Nyùy liìn ji wír və́, á wáa yiì vinyo ve wù‑uù sìysìn vidzə̀m.

1 Korin 16:22

a tir ven jii, a wìr dzə̀ làa yòʼ a kòŋ Tàr wòsən Jesus, bo lǒn Nyùyi dzə̀ á e ŋgaàŋ kitu. M nén a lon ji Tàr wòsən Jesus ku kfə̀n á cér.

1 Korin 8:3

Wìr wo Nyùy kiìn ji dzə̀ wír dzə̀ wo wù koŋ a dzə̀ wun woo Nyùy.

Efesor 5:15

Vèn ku nèn a tiír rì kiwuú kén, a fìʼ, a ghan moo wír ve á kér vifií, e làa yòʼ a ghan moo viyúŋ.

Remrí 30:16

A vèn wìy a lèm nsər se Nyùy Tàr woo Nyùy won se m fó e vèn lán və̀n, a kòŋ wun, a ghan e wun mbòv, a lèm nsər sə́, a yu sáʼ rə́, a yiì vinyo ve wù tinen, bo vèn wíy dzə̀ʼə̀m ntàmda, e kfə̀n a dzə wír nyanyày, é Nyùy Tàr woo Nyùy won nèn wìy səə̀vì ven é nsay ye vèn du, e nəə́ sho, e yòv.

Remrí 30:20

Kù dzə̀ ji vèn kú a kòŋ Nyùy Tàr woo Nyùy won, a yunín wun, e kù lùm a dzə̀ wun, e kpù shó. Kee shooy ki sì luŋ fo vèn, à dzəʼə̀m ye dáa, a kí wíy yiì, é vèn bónén, e shìíy bèn, e kòŋrí e nsay ye Nyùy Tàr‑iì lìʼìn ji wun wíy fo aàtàr vén vee Abraham wùn à Aysi, à Jakovi.»

Remrí 4:15

«Kí nén a dzə jii, vèn kim vitú vén ví, fó jay. Vèn yòʼ‑oò lo yèn nshwìnin Nyùy Tàr é ghan se wù‑uù súŋnin e vèn fó mvə̀m və̀y é Gwan Horev.

Remrí 4:9

«Kinyo kimòʼón ki nén a dzə jii, vèn kim vitú vén ví, a tiír kiwuú kén, a fìʼ, a yen fóo làysìn kinyo ke vèn‑eè yenen e sí yéné. Lá vèn yòʼ biìmé, é kí fəə́ fo věn meliv mo vèn wíy a dzə sho. Vèn naari kinyo kee shooy ki e wón véné, e naàrì e wón woné.

Hibru 12:15

Vèn wáa yen fo wìr maʼay Nyùy, e ràn kilíŋ ke wù bùʼùn wun sho, a yen sa fo wìr wáa màʼ ŋgoòy kinyò ke bi kí, é kí ram e věn mvəm, e bìvír wír anín.

Joshua 22:5

Kù dzə̀ cáʼ ji vèn kú a yen ji á yúnín á nsər se Mooser woo ŋgaà lìm Nyùy Tàr‑iì foon e vèn, a yu ntir sə́, a kòŋ Nyùy Tàr woo Nyùy won, a ghan e wun mbòv, a yunín nsər sə́, a bar e wun wùn, a lìm fo fo shilív shidzə̀m, e fò kitú kén shó kidzə̀m.»

Joshua 23:10

Wìr mòʼón fo vèn kù wíy fùnèn wír nsə̀kì, aá léʼkír, bìʼ fo funèn Nyùy Tàr woo Nyùy won vindzəʼ vén mo wù‑uù kàʼàn.

Joshua 23:12

A kí shaà fo bèy, vèn yiì lò, e bìnkìr, a suusín vèn à vitúm ve ví berin e věn mvəm vin, a tatí vijín vèn áwune, à lì wón vév, áwune wáa lì vén,