Joshua 23:10 - ŊWÀʼ NYÙY

¹⁰ Wìr mòʼón fo vèn kù wíy fùnèn wír nsə̀kì, aá léʼkír, bìʼ fo funèn Nyùy Tàr woo Nyùy won vindzəʼ vén mo wù‑uù kàʼàn.

Joshua 23:10 Iomraidhean Croise

2 Samuel 23:8

Yír sé antav Fòn Davir si dzə̀ jii, Joshev‑Baashebet woo wír woó Ta‑Kemon, a dzə̀ kitú ke antav vee ataár. Wù‑uù lì kòŋ rə́, e laàr wíri shó ghií waamé é shùu rər.

1 Wòŋ 5:20

Áwune‑eè maʼ rə́r sin, tiir a dzə̀ Nyùy fo mbìy, tóŋ ji wù sə́ á áwune. Wù nèn yù tóŋ yév, e yiì, áwune tón wír veé Hagri wùn à vé ntom véví.

1 Wòŋ 5:22

Nyùy Tàr‑iì màʼ rə́r sév, áwune yúyrí wír nyanyày, e nèn sə̀ nsay yev, a dzə sho, e dù, e meé mo wír veé Assiriyàa‑aà kuuyin áwune, e dù sho aáwuné wòŋ.

Nsùyrì Nyùy 35:1

Éè Nyùy Tàr, ku kìnèn kinyo ke wìr ve á kinèn kinyo kémé. Ku fùnèn wír ve á funèn moó.

Nsùyrì Nyùy 46:7

Nyùy Tàr woo Taà Mànjòŋ dzə̀ vèr áwune. Wun woo Nyùy Jakov dzə̀ kikiŋ kér.

Ŋwàʼ Fəə 14:14

Nyùy Tàr yíi màʼ rə́r sén, kù dzə̀ cáʼcáʼ ji vèn tiím á ji nyaáŋ.»

Aysaya 30:17

Ŋgaà won vibàn wíy tiím e mòʼón, e taʼár ven wír nsə̀kì, áwune tiim atàn, é vèn sám wír adzə̀m. Kimaysì kí dzə̀ jii, vèn wíy a leʼ, aá bér ne ashàr, é ku gòʼ shicícíwàr, a tiy e kitu ke gwan.»

Cù 26:7

Vèn wíy a ghaʼ aŋgaà vén vibàn é shùu rər.

Cù 26:8

Wír vén atàne wíy a tòn aŋgaà vén vibàn wií, é wír vén vee wií wáa tòn vee nsə̀kì e ghvə̀m. Dzə́n sév sí wíy a neŋnín e shùu rər.

Sekariya 12:8

Wíy lòo dzə e kishiíy fóo fèy, é mo woo Nyùy Tàr wáa kìŋsìn wír veé Jerusalem e shùu rər, é njoó wo wù dzəə̀n aáwuné mvəm táv réŋréŋ moo Davir, é wír vee rám Daviri wáa màʼ fo mbìy moo nshìylav Nyùy Tàr, a màʼ moo Nyùy kitú kfə́.

Ŋwàʼ woó Rom 8:31

Mo Nyùy yii vinyo vìn e vèsən ben, bo vèsən dzə̀ é le lèn? Wìr wo dzə̀ wù kfə̀n yiì vèsən e kinyo ki dzə̀ la?

Remrí 20:3

‹Haà, wìr veé Isray, vèn yuúrí. Vèn sí du, e tam vèn aàŋgaà vén vibàné e kishiíy ké lán ki. Lá kindzə́m kí yòʼ gwàr wír. Lá wìr yòʼ fàn, kìn ji wù yaʼ. Lá vèn yòʼ biìmé ji áwune bémér ven.

Remrí 20:4

Nyùy Tàr woo Nyùy won dzə̀ vèn áwune. Wù maʼ rə́r sén, yii, a vèn ton aŋgaà vén vibàn.›

Remrí 28:7

«Nyùy Tàr wíy tòn aŋgaà vén vibàn e věn si. Á lóo wìy ji á ghíʼ ven, bo á kù yíi bvəə́rí, a leʼkír, é wìr wáa tùr dzə́ə rə.

Remrí 3:22

Lá vèn yòʼ fàn áwune, bìʼ fo kù yíi a fùnèn Nyùy Tàr woo Nyùy won, a fo e vèn.›

Remrí 32:20

Nyùy Tàr nèn sùúy e Isray jii, «Vèn dzə̀ ŋgwàʼ liì kisaŋ, a bó m yòʼ dzəə́ tíy e věn kinyò. Bó m yòʼ kfə̀n dzəə́ yiì a sə ven. M yíi koʼ a dzə̀ ŋkiy, a leéy mo kí yíi a kìʼ e věn kitu.

Remrí 32:30

A dzə̀ wir rə̀r e mòʼón, wù tòn wír nsə̀kì a? A dzə̀ abaà wìr, tàʼár wír nsə̀kì e ghvə̀m a? Àáyiì, la wáa dzə ji Nyùy Tàr woo Kilán kér màʼày ne ver, e wày áàŋgaà vér vibàné wo.

Joshua 10:42

Wù‑uù tòn afon veé wòŋ fèn adzə̀m, e sə̀ nsay yev ghan mòʼón, bìʼ fo yì‑iì maʼ Nyùy Tàr, wun woo Nyùy wìr veé Isray rə́r sév.

Joshua 23:11

Vèn ku nèn a kìm vitú vén ví, a kòŋ Nyùy Tàr woo Nyùy won.

Joshua 23:3

Vèn‑eè lo yèn kinyo kidzə̀m ke Nyùy Tàr woo Nyùy wòsən‑eè yiìn e vitúm vìn vi, e fò e vèsən. Yì‑iì funèn wun woo Nyùy Tàr woo Nyùy wòsən áwune, e fò e vèsən.

Atǎr Nsaʼ 15:15

Samson yén kighvə́r ké kimbèʼbìy keé kijèʼ, a kí néŋé, e ràmsì kiwó, e lì, e yùyrí vilum veé Filistia sho nsə̀kì,

Atǎr Nsaʼ 3:31

Ehud‑iì bòyìr wír veé Isray, Shamgar woo wan Anat nèn kòʼ e wun bàm, e bòyìr sa wír veé Isray. Wù‑uù lì ŋgwàn wo á yii bánri ambòŋ sho, aá lim súm, e yùyrí wír veé Filistia sho wír ghií ntuùfú.

1 Samuel 14:6

Jonatan kfən sùúy e wánlè nsùm wo wù‑uù kér ŋkeè və rə̀r jii, «Wòsò líysín fésə e kilaʼáy ké améŋnyùy veé Filistia vìsə, ghanmóʼ, é Nyùy Tàr sə́ wòsò. Yòʼ dzə̀ kinyo ki jìvír Nyùy Tàr fo wù luŋer wíri, e shaà fo wír vee aníne, kìn fo vee ashàri.»