Joshua 23:1 - ŊWÀʼ NYÙY

¹ Ntàm wìy dàr mo Nyùy Tàr‑iì yiìn, wír veé Israyi meèmè fo aŋgaà vév vibàné wo, a vé‑eè kaàrí áwune, e tàr. Yì‑iì dzə̀ é ghan fen, a Joshua dzə́n ne e ŋàŋ.

Joshua 23:1 Iomraidhean Croise

Kèʼlo 25:8

e kpù, e dù tàtí atàr və́. Wù‑uù dzə̀n ben, e kòŋrí, e yiì vinyo, e bóo kpu.

1 Afòn 1:1

Fòn Davir wìy dzə̀n, e kòŋrí, nsheèlav sə́ sí wáa kfəvsí wun e bvə̀ràŋgí, a wù yòʼ fə̀m yú lum.

1 Wòŋ 23:25

Kí‑iì dzə̀ bey, bìʼ fo Fòn Davir‑iì suuyin jii, «Nyùy Tàr woo Nyùy wìr veé Isray fò ne nyaáŋ e wír vəə́, a wù sí wìy a dzə e Jerusalem, e wìy dù, e jòʼsì.

1 Wòŋ 27:1

Wír veé Isray ve vé‑eè rə́si fon, leey kinyo ke akáŋ ve rərí ámóʼó‑oò dzə̀ atǎr kfəə, ámóʼó amfòómé ve á wám wíri nsə̀kì nsə̀kì, à ve á wám wíri wií wií, e bóo lì antav vév. Vé rərí‑iì dzə̀ akáŋ jeéy jeéy, aá wiy e kitu ke ŋwee, e kitu ke ŋwee, kiyá kidzə̀m, a káŋ mòʼón mòʼón kér wíri nsə̀kì nshòv sikweè e mbaà (24,000).

2 Wòŋ 14:1

Fòn Abija‑aà lày, á lìtì wun e Ŋkàlaʼ Davir. Asa woo wán və nèn yì vifon, a saʼ e wun ntaʼ, nyaáŋ wáa dzə e wòŋ, e dù, e meé kiyá e ghvə̀m.

2 Wòŋ 14:5

Wù ku nèn laàr virə́ʼ vé cù, e laàr kíy se cù kilay fó ntèʼ seé Juda sidzə̀m. Á bèy, nyaáŋ nèn a dzə e wòŋ, e wun sar saʼ.

2 Wòŋ 20:30

Á bèy, woŋ Jehoshafati nèn a ker nyaáŋ, bìʼ fo Nyùy və‑əə̀ foon wun rəsìn mbìv sidzə̀m.

Nsùyrì Nyùy 46:9

Wù mayìr rə́r fó kitu ke nsay, béʼti vinte, kívti kòŋ sí kivtín, ton *viténtén vé rər e və́yí.

Aysaya 63:14

Kiyoy ke Nyùy Tàr kí‑iì yiì, wír veé Israyi ghán kijuŋ ji nyaáŋ nyaáŋ, kù moo nyám se sí səyin é kiwoóy, e nò mendzə́v, e neèm, a meèmè. Nyùy Tàr, á mo wò‑oò danèrìn wír vé ji weè weè, e bóo koʼór yír yé, é wíri wáa ghvəm wò.

Remrí 31:2

Wù wáa suŋnín, a suúy aáwune jii, «M sì lèn kiyá kishóv mbaà e wiì, bó yòʼ dzə̀ m kfə̀n yù fó a tsəəné ven. Á ku nàʼ kee shooy, Nyùy Tàr kù‑uù yòŋ ne e mò ji bó m yòʼ wíy liysín a ndzə́v yee Jordan rə̀n.

Joshua 11:23

Á mo Joshua‑aà səən nsay e dzə̀m, kù réŋréŋ mo Nyùy Tàr‑iì suuyin e Mooser ji á kù wíy yiì. Joshua nèn fò ji vitsə́ʼ vé wìr veé Isray, e jàvtì aáwune mo kfə́ə sév sí dzə̀kìn. Dzə̀ é ghan sin se wír veé Israyi‑iì meèmèn fó rər.

Joshua 13:1

Yì‑iì dzə̀ a Joshua dzə́n ne, a viyá və́ ví sì vidzərìn, Nyùy Tàr yòŋ wun, e sùúy sho jii, «À dzə̀n ne e ŋàŋ, a nsay kù dzə̀ə́ sho e nín ye dzə̀ á sə̀.

Joshua 21:44

Nyùy Tàr nèn fò áwune meemè mbìv sidzə̀m, kù mo wù‑uù lìʼìn ne aàtàr véví. Bó ŋgaà vibàn wov yòʼ‑oò lo ghàʼ áwune, fə̀m e mòʼón. Nyùy Tàr‑iì wày aŋgàa vibàn vév adzə̀m aáwuné kiwo.

Joshua 22:4

Ké lèn ki, Nyùy Tàr woo Nyùy won fò ne meemè aàfə́r véné mo wù‑uù kàʼàn áwune. Á bèy, vèn kfə́n ri e věn melaʼ e nsay ye Mooser woo ŋgaà lìm Nyùy Tàr‑iì foon e vèn é ndzə̀n Jordan fèsə, e mbìv yee fo shùy yii tó.

1 Samuel 12:2

Vèn sí kér wun lèn ji kilìmbìy kén. M dzə̀n ne kém, e fə̀r fə́rín, a wón vémé dzə̀kìr fen vèn áwune. Mò‑oò dzə̀ kilìmbìy kén, e kèʼ fo meterí, e wìy shem lán.