Joshua 22:9 - ŊWÀʼ NYÙY

⁹ Áwune vee rám Ruben wùn à yé Gad, à kintoʼnìn ke rám Manassèe nèn màʼtì wír veé Isray e Shilo, e wòŋ Kanan, a dù ji á kfə́n aáwuné melaʼ e nsay Gilead, nsay ye vé‑eè yòvìn ji vitsə́ʼ vév mo Nyùy Tàr‑iì yòŋèn e Mooser.

Joshua 22:9 Iomraidhean Croise

2 Samuel 2:9

Wù nèn kòʼór wun ji fon ji wù wáa saʼ a mbìv wòŋ yee Gilead wùn à yee Asher, à yeé Jesreel, à yeé Efrayim, e lì yeé Benjamin, dzə̀ ji woŋ Isray e dzə̀m.

1 Wòŋ 5:9

Áwune kfə̀n‑eè sùm nsay yeé mbìv yee fo shùy yii tó, e dù, e mèé mo wóʼó ndzə̀yìn é shùu ndzəv yee Yufret. Vé‑eè sáŋri bèy, bìʼ fo nyám sév sí‑iì loòn ne, a dzəə́, a kùʼ e wòŋ Gilead.

Nsùyrì Nyùy 60:7

Kér mo nsay Gilead, a rám Manassèe dzə̀ yém. Yé Efrayime wáa dzə tán yém kishàa, a yé Judàa dzə̀ kitoómé kém.

Kintaŋ 32:1

Rám Ruben wùn à yé Gadi‑iì dzə̀, aá kér nyám si nyanyày. Áwune lòo yen ji nsay Jaser wùn à ye Gilead dzə̀ á virə́ʼ, a ví bòŋ, e lèm a nyám si fó,

Kintaŋ 32:20

Mooser nèn yòŋ aáwune jii, «Vèn yii ri bèy. Vèn fəə́ rə́r e Nyùy Tǎr yir.

Kintaŋ 32:22

Lóo dzə, a nsay sí néŋ e wun sar, é vèn nèn kfə̀nkír, e bòy fo Nyùy Tàr, à fo wír veé Israyí wo, é nsay rə̀n nèn a dzə vitsə́ʼ vén ve Nyùy Tàr foon e vèn.

Kintaŋ 32:26

Wón vér wùn à vikìy vérí yíi gòʼ fèn e ŋkà se laʼ seé Gilead.

Kintaŋ 32:29

Wù‑uù sùúy aáwune jii, «A wír veé rám Gad, à veé ram Ruben ve dzə̀ á màʼ rə́r e Nyùy Tǎr yirí yiì lìysín Jordan, vèn áwune maʼ rə́r, e sò nsay, bo vèn wíy fo nsay yeé Gilead aáwune ji vitsə́ʼ vév.

Remrí 3:18

«Wáa dzə e ghan fóo fèy, m fó sáʼ, e sùúy aáwune jii, ‹Nyùy Tàr woo Nyùy wòsən fò ne nsay yeé mbìv Jordan ye yì kiʼ fo shùy yii tó ji vèn yov. Lèn, vèn baʼri shúu rərí, e tsə̀nsí e ndzə̀n Jordan fèsə, é wú du, a tiy e mbìy rə̀r, e fíʼ sə afə́r vén vee Isray, aáwune yov yéev yee nsay.

Remrí 3:20

Vèn kù kér fóo sə afə́r vén, e dù, e meé mo áwune wíy yòv nsay ye Nyùy Tàr fó aáwune é ndzə̀n Jordan, e mbìv yee fo shùy yii nəə. Kí kù wíy a dzə bèy, e meé mo Nyùy Tàr wíy yiì, aáwune wáa dzə fo ji nyaáŋ mo wù yiìn e vèn é mbìv fen. Kee shooy ki shaa, bo a dzə̀ vèn kfə̀nkír é mbìv fen, e nsay ye m toʼtin e vèn.›

Remrí 34:1

Mooser nèn yiì lò, e ŋàʼáy fo mboʼ yeé Moav, e kòʼ áàgwan veé Nebo, e dù, e bìʼír e ntoò Gwan Pisga. Fóo dzə̀ é ŋkìʼnìn Jeriko, a liysín ndzə́v yee Jordan. Nyùy Tàr nèn dìn wun woŋ wóv e dzə̀m. Wù dìn mbìv Gilead, e dù duùn é taa, e bàʼ e Dan,

Joshua 13:11

Yì‑iì tàtí Gilead, à ŋgvən se wìr veé Geshur wùn à seé Maakat si, e lì Gwan Hermon e dzə̀m, à Bashan e dzə̀m, e dù, e mèé e Saleka.

Joshua 13:25

Nsay yev tàtí ŋkàlaʼ yee Jaser wùn à seé Gilead si sidzə̀m, e lì kintoʼnìn ke wòŋ Ammon, e dù e meé e Aroyer wo wù dzəə̀n é mbìv Rabba yee fo shùy yii tó.

Joshua 13:31

Yì kfən tàtí sa kintoʼnìn ke Gilead wùn à Ashtarot, à Edrey, a dzə̀ ntèʼ se sí‑iì tíy vitú e Fòn Og woó Bashan wòŋ. Á nsay ye vé‑eè foon e kintoʼnìn ke rám Manasse ki mo kfə́ə sév sí‑iì dzə̀kìn, a yí‑iì sàn fo Makir woo wan Manasse.

Joshua 22:10

Áwune vee rám Ruben wùn à yé Gadi, à kintoʼnìn ke yé Manassèe nèn lò, a dù, e lòo meé e ŋgvən yeé ghaa Jordan, a kù dzə̀ə́ e nsay Kanan, e nèn bòm *kíy cù wo wiyí fó.

Atǎr Nsaʼ 20:1

Wír veé Israyi ku nèn fəə̀ wir dzə̀m, e kèʼ fo Dan, e dù, e mèé e Beersheba, à fó nsay Gilead, e bàʼtí e Nyùy Tǎr si e Mispa ji kitú kimòʼón.

Atǎr Nsaʼ 5:17

Gilead‑iì gòʼ kfə́ é ndzən Jordan, Rám Dane ku gòʼ a dzə̀ é shùu vikoŋ. Rám Asheri‑iì gòʼ kév é ŋguùŋè rìbà ndzə̀v, a laáy e shuù se ndzəv fo á tsəər vikóŋ.