Joshua 22:8 - ŊWÀʼ NYÙY

⁸ a suúy jii, «Vèn sí kfə́n e věn melaʼ, kér bùʼ wùn à nyám si nyanyày, à *kisha ke mbàm ke fəvír kí, à ke baar kí, à kisha kee *brons ki, à kee kiy ki, à ndzə̀y sí nyanyày. Vèn du, á jàv nsàʼmboʼ wo vèn‑eè keerin fo aŋgaà vén vibàné vèn aàfə́r véné.»

Joshua 22:8 Iomraidhean Croise

1 Wòŋ 5:9

Áwune kfə̀n‑eè sùm nsay yeé mbìv yee fo shùy yii tó, e dù, e mèé mo wóʼó ndzə̀yìn é shùu ndzəv yee Yufret. Vé‑eè sáŋri bèy, bìʼ fo nyám sév sí‑iì loòn ne, a dzəə́, a kùʼ e wòŋ Gilead.

2 Wòŋ 17:5

Nyùy Tàr nèn yiì, sáʼa tuúy e Jehoshafat kiwo, wír veé Judàa wáa fo nsùʼ e wun. Á bèy, wù nèn a ker káv e gháʼán, wíri kfə́n a ghvəm wun.

2 Wòŋ 32:27

Fòn Hesekiya‑aà kér bùʼ wo wù‑uù meen é bùʼ, a wíri kóʼor yír rə́ é ŋàŋ. Wù‑uù bàʼrì vitáv ve á wáa lèm bùʼ və woo kisha ke mbàm ke fəvír kí wùn à ke baar kí, à *síbaŋé, à virə̀ʼtìn ve bìʼ vi, e bóo lì aŋkeè wùn à vifá veé kilùm vímóʼ ví vidzə̀m.

Nsùyrì Nyùy 68:12

«Afon wùn à vé rər véví sí nyéŋkirì. Á sí nyéŋkir nyèŋkín.» Vikìy sí jav vifá ve á kuuyin fó kwaʼ rər melav medzə̀m.

Ŋgàn 3:16

Vifií ví fó dzəʼə̀m e wìr a dzə̀ ye dáa, buʼ wun e vikuʼùy ví wùn à ghvə́me.

Kintaŋ 31:27

Á táŋé, aá tóʼnín é ntìntìn, é mbìv yìmòʼ du e vé rərí, é yìmòʼ du e kibér ke màŋgòŋ ki.

1 Korin 15:58

Á bèy lèn, ŋkar sém sé sày, vèn wáy ri shilív, a tiy kitávín, a yu kinyo kimòʼón cáʼ ji kinyo ke Tàr wòsən Jesus Kristu, a kiíy ji kinyo kidzə̀m ke wìr yii bìʼ wun woo Kristu ki yòʼ dzə̀ á kí lày kisáŋ.

Hibru 11:26

Wù‑uù yén kfə́ ji ŋgeʼ se dzə̀ wun wàa yen wùn à wír véví, a shìy Mfə̀ə́r wo Nyùy‑iì kàʼàn áwune shó, si bòŋ fo wun, e shaà bùʼ woó wòŋ Ejiv e dzə̀m, bìʼ fo wù‑uù leey kfə́ a dzə̀ fó mbìy, shiy və́ vee vikuʼùy a dzə̀ ve wíy fo Nyùy.

1 Samuel 30:16

Wù lì Davir, e sə̀y shó fo ŋgoo rə̀r‑iì dzəə̀n, a yì sáŋrí fó e dzə̀m, a yikír, a nonín, a cèŋ, bìʼ vifá ve vé‑eè kuuyin vigháʼán fó wòŋ woo Filistia wùn à woo Judàa.

1 Samuel 30:24

A dzə̀ yuùrí la kinyo ke vèn suuy kìn? Wír ve á kì gòʼòn, a shìy vifá e kilaʼáy wùn à ve á kì duùn é shùu rərí kù lo, e jàv réŋréŋ.»