Joshua 22:6 - ŊWÀʼ NYÙY

⁶ Joshua yòŋ bèy, e səə̀vì áwune, e nèn màʼtì, á wáa dù aáwuné melaʼ.

Joshua 22:6 Iomraidhean Croise

Kèʼlo 14:19

Wù nèn a səə̀vì Abram, a ka jii: «Nyùy woo Taà Vitu, wo bomen wun yúv wùn à nsay, ku səə̀vì wò.

Kèʼlo 47:10

Jakov kfən fò fon kisəəvì kfə́, bó a lò.

Kèʼlo 47:7

Joosev nèn lì tàr wov Jakov, e wìy sho, e dìn e fòn. Jakov bùn, e yòŋ ji Nyùy səəvi á fon.

2 Samuel 6:18

Davir màysì, e yiì cu sìy, e səə̀vì wíri e yír Nyùy Tàr woo Taà Mànjòŋ,

2 Samuel 6:19

e nèn tàr áwune, a wìr mòʼón mòʼón sə́ kibán, sə́ nyám, kfə̀n sə́ shintuʼ she baŋ se *vayin se saŋèn sí. Wìr dzə̀m nèn a dùkìr aáwuné melaʼ.

2 Samuel 6:20

Davir kfə́n é ntoʼ ji wun səəvi á wír vee wun kfəə, Mikal woo wan Saul fəə́ ji wùn wun wàá tárnín. Á tárnín, wù suúy jii, «Fòn woó Isray kòóy yír ye kuʼùné lán. Wù dìn kinshóʼ kfə́ moo kiyúŋ e vikǐy akwàné si.»

1 Afòn 8:66

Kishiíy kí meé ji waamé, Fòn Solomon siìr wíri é bàm aáwuné melaʼ. Á wáa dù, a burí wun, a wìr dzə̀m yú vijuŋ, shéʼri vinyo ve juŋ vi ve Nyùy Tàr yiìn e Davir woo ŋgaà lìm və, e yiì sa e wír və́ veé Israyi.

2 Wòŋ 30:18

Kùʼùn wìr wo wù yòʼ‑oò lo kfə̀mrí kitú‑uù lò fó nsay Efrayim, e lò fo ye Manasse, à fo ye Issakar wùn à ye Sebulun. Áwune‑eè wìy, e yì Ŋkǎʼ Yáʼayshaà və̀n, a bó á yòʼ‑oò yíi yi. Vé‑eè yì, bìʼ fo Fòn Hesekiya kì bùnrìn ne fo áwune, e lòn Nyùy Tàr ji wun wo wù dzəə̀n e juŋ, wù ku làysìn a ajay wìr vìn.

Ŋwàʼ Fəə 39:43

Mooser nèn wày sí e vifa vidzə̀m, e yèn ji á fèr a vidzə̀m réŋréŋ mo Nyùy Tàr‑iì suuyin. Wù nèn səə̀vì áwune.

Ŋwàʼ Luk 2:34

Wù kfən yiì lò, a suŋnín, a way áwune e Nyùy kiwo. Wù lò, e yòŋ Maria woo yeè wàn jii, «Yuúrí, Nyùy shòʼ ne wan wò və̀n ji wù yii, é wír veé Israyi gbukir anín, aámóʼó nankir nánkin. Wù kfən lèm ji kisəəm ké wun woo Nyùy, a wíri wíy a kay wun.

Ŋwàʼ Luk 24:50

Wù nèn lì áwune, e fəə̀ shó fo mvə̀mlaʼ fèy. Wùn áwune dù, e mèé e ntèʼ yee Betani, wù nàn wó rə́, a shàʼtì, a suŋnín aáwuné vitu.

Joshua 14:13

Joshua nèn səə̀vì Kalev woo wan Jefunne, e fò Hebron sho ji vitsə́ʼ və́.

Joshua 24:28

Joshua nèn tàʼár wíri, á wáa dùkìr, wìr wáa kfən e wun kirə̀ʼ, wìr wáa kfən e wun kirə̀ʼ.

1 Samuel 10:25

Samuel nèn naàrì gháy fòn wùn à lím rəə́, e sàŋ vinyo vee shooy e ŋwàʼ, e neèr e Nyùy Tǎr si, e nèn sùúy, wìr dzə̀m wáa kfən e bàm. Á nèn a kfənkír aáwuné melaʼ.

1 Samuel 2:20

Á wiyì, Eli səə̀vì Elkana wùn wiíy, a suúy e Elkana jii, «Nyùy Tàr ku fò wò wón ámóʼó. Wù ku yiì, é wiíy və̀n dzəə́ wón ámóʼó, aá li kirə́ʼ ké wan wo wò‑oò foon ji wo Nyùy Tàr.» Áwune maysì, á nèn a kfən e bàm fó laʼ.