Joshua 22:4 - ŊWÀʼ NYÙY

⁴ Ké lèn ki, Nyùy Tàr woo Nyùy won fò ne meemè aàfə́r véné mo wù‑uù kàʼàn áwune. Á bèy, vèn kfə́n ri e věn melaʼ e nsay ye Mooser woo ŋgaà lìm Nyùy Tàr‑iì foon e vèn é ndzə̀n Jordan fèsə, e mbìv yee fo shùy yii tó.

Joshua 22:4 Iomraidhean Croise

1 Wòŋ 22:18

e sùúy aáwune jii, «Nyùy Tàr woo Nyùy won dzə̀ vèn áwune. Wù fò ne ven nyaáŋ mbìv sidzə̀m. Wù wày ne wír veé wòŋ fèn ve dzəə̀n vé nsayi e mǒ kiwo, m tón áwune, nsay yev kfə́n ji ye Nyùy Tàr wùn à wír vəə́.

Ŋwàʼ Fəə 33:14

Nyùy Tàr bìnèr jii, «Mómò kitú kém, m yíi shem mbìy, e yiì, áà wáa ker rəsìn.»

Kintaŋ 32:18

Bó vèr yòʼ wíy kfən e bàm e věr melaʼ, a bó wìr dzə̀m woó Isray koóy ne kirə́ʼ ji vitsə́ʼ və́.

Remrí 12:9

Kí dzə̀ bey, bìʼ fo bó vèn yóʼ ne nə̀ə́ e wòŋ wo Nyùy Tàr woo Nyùy won fó e vèn. Kirə́ʼ, a dzə̀ fo vèn wíy a dzə nyaáŋ.

Remrí 29:8

e tòn bèy, e faàsì nsay yev, e jàv e rám Ruben wùn à yé Gadi, à kintoʼnìn ke yé Manassèe ji vitsə́ʼ vév.

Remrí 3:20

Vèn kù kér fóo sə afə́r vén, e dù, e meé mo áwune wíy yòv nsay ye Nyùy Tàr fó aáwune é ndzə̀n Jordan, e mbìv yee fo shùy yii nəə. Kí kù wíy a dzə bèy, e meé mo Nyùy Tàr wíy yiì, aáwune wáa dzə fo ji nyaáŋ mo wù yiìn e vèn é mbìv fen. Kee shooy ki shaa, bo a dzə̀ vèn kfə̀nkír é mbìv fen, e nsay ye m toʼtin e vèn.›

Hibru 4:8

A bo kirə́ʼ ké meèmè ke Nyùy yoŋ kìn ki yòʼ dzə̀ ke Joshua‑aà liìn wíri, e nə̀ə́ sho e wòŋ wo Nyùy‑iì foon aáwune. A vé‑eè nə̀ə́ é ghan see shooy, bo bó Nyùy yòʼ‑oò lo kfə̀n a kàʼ fo bàm ji kishiíy kímóʼ kí wíy a dzə, aá nəə́ é kirə̀ʼ ké meèmè foo fèy.

Joshua 1:15

e meé mo Nyùy Tàr yíi yiì, vèn maʼ rə́r, sí bórí, aá yov nsay ye Nyùy Tàr‑iì foon aáwune. Á yovì, é bo vèn kfə́n é bàm, e yòv yéen yee nsay ye Mooser woo ŋgaà lìm Nyùy‑iì foon e vèn ji yéen é ndzə̀n Jordan fèn, e mbìv yee fo shùy yii tó.»

Joshua 12:6

Á afon vee abaà ve Mooser woo ŋgaà lìm Nyùy Tàr wùn à wír veé Israyi‑iì tònèn. Mooser woo ŋgaà lìm Nyùy Tàr nèn fò nsay yev e kfə́ə Rubene, à yé Gadi, à kintoʼnìn ke yé Manasse ki, ji vitsə́ʼ vév.

Joshua 13:15

Mooser‑iì tòʼtí nsay yeé ndzə̀n Jordan rə̀n, e fò kimbày e rám Rubene ji vitsə́ʼ vév mo kfəə sév sí dzə̀kìn.

Joshua 13:8

A dzə̀ fo kintoʼnìn ke rám Manasse ki wùn à rám Rubene, à yé Gadi, bo Mooser woo ŋgaà lìm Nyùy Tàr‑iì fò ne vév vee vitsə́ʼ a dzə̀ é mbìv Jordan yee fo shùy yii tó.

Joshua 22:3

Fo ghan sin sidzə̀m, bó vèn yòʼ‑oò lo yàr fó a sə afə́r vén, e wìy shem lán. Vèn kù‑uù sə́ áwune, a dzə̀ mo Nyùy Tàr woo Nyùy won‑eè yòŋèn e vèn.