Joshua 22:31 - ŊWÀʼ NYÙY

³¹ Á bèy, Finehas woo wan taà cù Eleasar nèn sùúy aáwune jii, «Vèr kìíy ne lán və̀n ji Nyùy Tàr dzə̀ vèsən áwune, bìʼ fo vèn yoʼ tàv kitú, e yiì jay e Nyùy. Vèn sə̀ ne wír veé Isray lèn fo Nyùy Tàr maʼ ŋgeʼ aáwuné kitu.»

Joshua 22:31 Iomraidhean Croise

2 Wòŋ 15:2

Wù fəə́, e dù, e yèn Fòn Asa, e sùúy sho jii, «Wò woo Fòn Asa, e lì wír veé Juda, à veé Benjamine, vèn yuúrí kinyo ke m yoŋ ki. Nyùy kù yíi a dzə vèn áwune, a vèn fèn yéʼti e wun wùn. A vèn lò, a tàʼ wun, wù dìn kitú kfə́ e vèn. Vèn bin ndzə̀m e wun, wù bìn sá e vèn.

Esra 7:5

Bukki‑iì dzə̀ wan Abishua woo wan Finehas, wo wù‑uù ràmèn fo Eleasar, woo wan Aaron woo kitú ke atàá cù.

Nsùyrì Nyùy 68:17

Nyùy Tàr‑iì sə̀ʼə́y fó Sinay, sə́ʼəy, kér *viténtén və́ vé rər ansə̀kì ansə̀kì, e wìy, e dzə̀ʼə̀m e wun kirə̀ʼ ke ranén kí.

Ŋwàʼ Fəə 25:8

M taʼ ji áwune baʼri kibàn kímóʼ kí kee jeéy, ke m wáa dzə sho e wír vémé mvəm.

Aysaya 12:6

Wír veé Sion, vèn wáa ndzəʼ, a yòv e kishéʼrì ki. Nyùy woo Ŋgaà wo Ranén woó Isray dzə̀ vèn áwune. Wù dìn ne ji wun dzə̀ e gháʼtín.»

Sekariya 8:23

A ke suuy mo woo Nyùy Tàr woo Taà Mànjòŋ ki dzə̀ jii, wíy lòo dzə e ghan fóo fèy, é wíri wáa fəə fo vitum, a fə̀m dzə̀ ve ví súŋnin lám vəneé. Wíri lo e ghvə̀m, aá ghár ndzə̀y sé wìr woó Juda, a suúy ji vèsən kú a dù, vèr yú ji Nyùy dzə̀ á vèn áwune.»

Matio 1:23

«Wánlè ŋgòn wùmòʼ wíy tiím bvəm, a bó wù yóʼ ne kìíy lumèn, e dzəə́ wán lumèn, aá wíy a yòŋ ji Emmanuel.» A nsàv yìr rən dzə̀ jii, «Nyùy sì vèsən áwune.»

1 Korin 14:25

Mo kí sáʼ bèy, é wù nèn kuùmé vinyo ve wù litì e wùn shiliv vidzə̀m, e tsə̀m fó nsay, a fo ghvə́m e Nyùy, a binsí ji Nyùy dzə̀ rú e věn mvəm.

Joshua 22:30

Mo taà cù Finehas wùn à vilìmbìy ve vintatì vi, à vitú ve ram seé Isray ve wùn áwune kì dzəə̀né yuun kinyo ke rám Ruben wùn à ye Gad, à yé Manassèe yòŋèn, kí gheén áwune féyì.

Joshua 22:32

Á bèy, Finehas woo wan taà cù Eleasar wùn à vilìmbìy ve wìr veé Isray vi nèn màʼtì rám Ruben wùn à yé Gadi, à yé Manassèe é nsay yee Gilead, e nèn kfə̀n é bàm é nsay Kanan, e fò binèr làm e wír veé Israyi.

Joshua 3:10

Á wìy, wù wáa suúy aáwune jii, «Vèn yuúrí kinyo ke kí yíi yiì, é vèn kiíy ji Nyùy wo tin dzə̀ á vèn áwune, a wù kù yíi jùm vitúm fo nsay mo vèn nəə. Wù yíi jùm wír veé Kanan wùn à veé Hiti, à veé Hivi, à veé Perisi, à veé Girgashi, à veé Amori, à veé Jebusi.