Joshua 22:29 - ŊWÀʼ NYÙY

²⁹ Bó yòʼ dzə̀ kí kòóy ji vèr táv kitú fo Nyùy Tàr, e bìn ndzə̀m e wun, a bom kíy cù ji wó cù ye tonèné, kìn yé meŋkfə̀ŋe, kìn ye seeríné, a bó yòʼ dzə̀ kíy cù Nyùy Tàr woo Nyùy wòsən wo wú tíy e wun shùu kibàn.»

Joshua 22:29 Iomraidhean Croise

Kèʼlo 44:17

Joosev bìnèr jii, «Àáy, yòʼ dzə̀ m mùm bey. Kù jòʼsì wír wo á yenen bàr e wun, wo wù lo, a dzə kwàn wóm. Vèn wáa kfən kén kí é bàm ji nyaáŋ, e dù yèn tàr won.»

Kèʼlo 44:7

Á bìnèr jii, «Kí ghàn é le, bo tàr wor wáa yòŋ kin kee kinyo? Bó yòʼ dzə̀ kí kòóy ji ver moo akwàn vəə́ yii kinyo kee bey.

1 Afòn 21:3

Nabot bìnèr jii, «Dzə̀ vitsə́ʼ vé atàr vém, Nyùy Tàr wáa teér fo m fó súm vən e fòn.»

2 Afòn 18:22

Mfòómé kfə́n a suúy jii, «A vèn yoŋ e mò ji vèn tíy a dzə̀ e Nyùy Tàr woo Nyùy wón wùn, kí bo dzə̀ wun wo Hesekiya‑aà kètìn virə́ʼ və́ vé cù wùn à kíy sə́ sé cù si, ketì, suuy e wír veé Juda wùn à veé Jerusaleme ji á kù kér fó a cù Nyùy cáʼcáʼ a dzə̀ é mbìy kiy cù wo wú dzəə̀n é Jerusalem.

2 Wòŋ 32:12

Bó yòʼ kù dzə̀ wun woo Hesekiya və̀n wo wù kètìn virə́ʼ vé cù ve Nyùy Tàr wùn à kíy sə́ sé cù si, e kètì bèy, e yòŋ e wír veé Jerusalem wùn à veé Judàa ji á kú a cù Nyùy e kiy cù e mòʼón, aá kù yíi a tòn cu si a dzə̀ fó à?

Ŋwàʼ woó Rom 3:6

Bó yòʼ dzə̀ bey gheéy. A Nyùy dzə̀ là fóo yen kinyo ke bi kí, e saʼ ji jay, bo wù kfə̀n wíy a saʼ wír veé ndzə adzə̀m fo gha?

Ŋwàʼ woó Rom 6:2

Bó yòʼ dzə̀ vèsən kfə̀n a yiì bèy. Vèsən kpù ne fo mbìv vinyò ve bi ví, a bó yòʼ dzə̀ vèsən kfə̀n a dzə, a yiì vinyo vee shooy.

Ŋwàʼ woó Rom 9:14

Mo Nyùy yii bèy, a dzə̀ wìr wùmòʼ wàa suúy kfə́ ji wù yòʼ yii a réŋ. A bó yòʼ dzə̀ bey gheéy.

Remrí 12:11

Nyùy Tàr woo Nyùy won wíy shóʼ kirə́ʼ ke wù shoʼon ji á wáa ghvəm wun fo, bo dzə̀ fo vèn wíy a wìy e kifá ke m yòŋèn e vèn kí kidzə̀m, a dzə̀ ji cu yén ye tonèné wùn à ye seeríné, à nsùʼ woo kintóʼ ke kifa kimòʼón fo vee ghvə̀m vi, à cu seé dzəə sí dzəə sí, à yé ŋkàʼmée.

Joshua 22:23

A fèn dzə̀ ji vèr kì bóm kíy cù və̀n ji vèr wáa tsəy kóy vèr à Nyùy Tàr, a yiì cu ye tonèné, kìn yé meŋkfə̀ŋe, kìn yé kikòŋnìne, e kiy cù fèn, bo wúnwun woo Nyùy Tàr kù‑úù maʼ ŋgeʼ e věr kitu.

Joshua 22:26

Á bèy, vèr nen yèn ji vèr‑íì bóm á kíy cù lèn, a bó yòʼ dzə̀ jii, vèr kì wíy a yiì cu sho, kìn dzə̀ ye tonèné, kìn dzə̀ ye seeríné.

Joshua 22:28

Vèr nen sùúy jii, aá wìy yòŋ bèy e vèr, kìn e wón vérí e ghan se sí wiyì, aá naari á jii, kin ki dzə̀ kisəəm ké kiy cù Nyùy Tàr ke atàr vérí‑iì bomen. Bó yòʼ‑oò dzə̀ wó cù ye tonèné kìn ye seeríné. Kù dzə̀ ji kisəəm fo vèr vee fen, à fo vèn vee fey.

Joshua 22:30

Mo taà cù Finehas wùn à vilìmbìy ve vintatì vi, à vitú ve ram seé Isray ve wùn áwune kì dzəə̀né yuun kinyo ke rám Ruben wùn à ye Gad, à yé Manassèe yòŋèn, kí gheén áwune féyì.

Joshua 24:16

Wíri nyàysì, e bìnèr jii, «A dzə̀ yiì ka, é bo vèr maʼti Nyùy Tàr, a ghvəm anyùy ve səné.

1 Samuel 12:23

Fo kém kí, Nyùy wáa teér mo fo m jáy e wun, e làa yòʼ a bùnrì fo vèn. M kù wíy a dùŋrì ven dzə́ə ye juŋ wùn à yee tìítiy.