Joshua 22:26 - ŊWÀʼ NYÙY

²⁶ Á bèy, vèr nen yèn ji vèr‑íì bóm á kíy cù lèn, a bó yòʼ dzə̀ jii, vèr kì wíy a yiì cu sho, kìn dzə̀ ye tonèné, kìn dzə̀ ye seeríné.

Joshua 22:26 Iomraidhean Croise

Aysaya 19:19

Wíy lòo dzə e ghan fóo fèy, aá bóm kíy cù e Ejiv, a dzə̀ fo á wíy a ghvəm Nyùy Tàr. Á wíy tuúy tíy é bìíy wòŋ, e fíʼ dìn ji á ghvə́m a Nyùy Tàr.

Joshua 22:25

Nyùy Tàr‑iì jàvsìn ne vèsən e ndzə́v yee Jordane, a vèn yòʼ kfə̀n kér ghay e Nyùy Tǎr si.› Kí kooy bèy, é wón véné nèn yiì, é vér vee wóné yar fó a ghvəm Nyùy Tàr, a fàn wun.

Joshua 22:27

Vèr‑ii bóm ji kisəəm fo vér vee wíri, à fo véné, fo ŋgwàʼ yen, à fo yéer, à fo se sí wíy a wìy fo bàm sí. Dzə̀ kisəəm ji vèsən yiì a ghvəm Nyùy Tàr e wun kirə̀ʼ kee jeéy kí, a cù wun fo e cu ye tonèné wùn à ye seeríné, à yé kikòŋnìne. Là bey, bo wón véné wíy a yòŋ e vérí é ghan se sí wiyì jii, ‹Vèn yòʼ kér ghay e Nyùy Tǎr si.›

Joshua 22:29

Bó yòʼ dzə̀ kí kòóy ji vèr táv kitú fo Nyùy Tàr, e bìn ndzə̀m e wun, a bom kíy cù ji wó cù ye tonèné, kìn yé meŋkfə̀ŋe, kìn ye seeríné, a bó yòʼ dzə̀ kíy cù Nyùy Tàr woo Nyùy wòsən wo wú tíy e wun shùu kibàn.»

Atǎr Nsaʼ 6:24

Á bèy, Gidiyon nèn bòm kíy cu Nyùy Tàr fó, e yòŋ kirə́ʼ kee shooy jii, «Nyùy Tàr dzə̀ nyaáŋ.» Kíy cù woo shooyi kù dzəə́ tíy e Ofra, a dzə̀ kirə́ʼ ké wìr veé Abieser.