Joshua 22:25 - ŊWÀʼ NYÙY

²⁵ Nyùy Tàr‑iì jàvsìn ne vèsən e ndzə́v yee Jordane, a vèn yòʼ kfə̀n kér ghay e Nyùy Tǎr si.› Kí kooy bèy, é wón véné nèn yiì, é vér vee wóné yar fó a ghvəm Nyùy Tàr, a fàn wun.

Joshua 22:25 Iomraidhean Croise

2 Samuel 20:1

Ŋgaà ŋgeʼ ye foón wùmòʼ wáa dzə e Gilgal foo fèy, a yír rəə́ dzə̀ Sheba, a dzə̀ wír woó kfəə Bikri, a dzə̀ rám Benjamin. Wù nèn lò, e tòŋ sóŋ, a waamé, a suúy e wír veé Israyi jii: «Á mèŋ ne vèsən fó wìr Davir. Vèsən fəə́ fo wàn Jessi kinyò. Àáy, wìr veé Isray, vèsən wáa kfənkír e melav.»

1 Afòn 12:16

Wír veé Isray adzə̀me yén ji fòn yoʼ biìmé a kinyo kév, e nèn sùúy e fòn jii: «Vèr kér ka e Davir mvə̀m kfəə? Vèr yòʼ kér kilíŋ e wàn Jessi mvəm. Éè wìr veé Isray, wír a e wun kibàn. Kfə́ə Daviri wáa leey rì fo rə́ə yee lav.» Á bèy, wír veé Isray veé mbìv yee kuyi nèn kfə̀nkír aáwuné melaʼ.

1 Afòn 14:16

Wù kù wíy màʼày Isray máʼayin bìʼ vinyo ve bi ve Jeroboam yii, domsì wír veé Isray, aá jáy sa.»

1 Afòn 15:30

Kí‑iì kòóy ben bìʼ fo Fòn Jeroboam‑eè ŋaʼarin dòʼshwiiy Nyùy Tàr woo Nyùy wìr veé Isray e vinyò ve bi ví ve wù‑uù buʼtì, kfə̀n domsì sa wír veé Isray, aá yii.

Nehemia 2:20

M bìnèr aáwune jii, «Nyùy woó yuv yíi a leéy fo vèr. Ver vee akwàn vəə́ yíi kèʼ, a bàʼrì Jerusalem, yii bèy, a bó vèn yòʼ kér kilíŋ fo. Vèn yòʼ kér ghay e vinyò vee kùm Jerusalem, a bó vèn yòʼ kér vitsə́ʼ vímóʼ ví fó.»

Nsùyrì Nyùy 16:5

Éè Nyùy Tàr, à dzə̀ vitsə́ʼ ve m yí. Yii wò, bo m wáa dzə kijuŋ, kér wò dzəʼə̀m yém e wò kiwo.

Lim Aŋgàa Ntum 8:21

Bó yòʼ dzə̀ féyì à wàa ker kilíŋ e mvə̀m kinyò fèn, bìʼ fo shilív shé shi yòʼ dzə̀ shigheénén fo Nyùy.

Joshua 22:24

Yòʼ dzə̀ bey, vèr kì bóm bèy, aá fan ji a tàm wìy a dzə e ghan símóʼ sí, wón véné wìy yòŋ e vérí jii, ‹Tàtí ka vèn à Nyùy Tàr woo Nyùy woó Isray.

Joshua 22:26

Á bèy, vèr nen yèn ji vèr‑íì bóm á kíy cù lèn, a bó yòʼ dzə̀ jii, vèr kì wíy a yiì cu sho, kìn dzə̀ ye tonèné, kìn dzə̀ ye seeríné.

Joshua 22:27

Vèr‑ii bóm ji kisəəm fo vér vee wíri, à fo véné, fo ŋgwàʼ yen, à fo yéer, à fo se sí wíy a wìy fo bàm sí. Dzə̀ kisəəm ji vèsən yiì a ghvəm Nyùy Tàr e wun kirə̀ʼ kee jeéy kí, a cù wun fo e cu ye tonèné wùn à ye seeríné, à yé kikòŋnìne. Là bey, bo wón véné wíy a yòŋ e vérí é ghan se sí wiyì jii, ‹Vèn yòʼ kér ghay e Nyùy Tǎr si.›

1 Samuel 26:19

Nyàr, á ku yuùrí a kinyo ke m suuyì. A lòo dzə, a yií Nyùy Tàr ji á wáa jwim mo, bo a m yiì cu fo wun, yí kù yiì, wù kùvsín á kwaʼtì rə́. Yii bèy, wáa dzə, a yií wíri, ŋgeʼ Nyùy Tàr kù gbù aáwuné kitu, bìʼ fo á jùmèn ne mo fo Nyùy Tǎr wòŋ ji m wáa dzə e wòŋ wo dzə̀ m kù a ghvəm a dzə̀ anyùy kisaŋe.