Joshua 22:22 - ŊWÀʼ NYÙY

²² «Nyùy Tàr dzə̀ taà Vitu, Nyùy Tàr dzə̀ Taà Vitu, a wù kì. Kí ghèén é Isray wúnwun kiíy sá. A vèr fèn tàv rú a dzə̀ kitú, kìn ji vèr méŋ Nyùy Tàr méŋén, lá vèn yòʼ màʼtì ver atin e kishiíy ké lán ki.

Joshua 22:22 Iomraidhean Croise

1 Afòn 8:39

à kù yù é yuv fo à dzə́, e làysìn jay wov. Kù jòʼ wò cáʼ, vèn mòʼón, wo à kiìn shilív shé wìr msòŋ e dzə̀m. Kú a làʼ wir mòʼón mòʼón mo vinyo ve wù yii vi dzəə̀n,

Ŋwàʼ Jov 10:7

Ron bèy, kiiy ji bó m yòʼ kér njò, a bó wìr wo a dzə̀ wù fə̀ə́r mo fo wò kiwo yòʼ dzə̀.

Ŋwàʼ Jov 23:10

Ke m kiìn kí dzə̀ jii, wù kì dzə́ə ye m shoʼon, a ghan sho, a wù yíi tàr kinyo kém, é m fəə́sín moo *kisha ke mbàm ke baar kí.

Ŋwàʼ Jov 31:22

a kí‑iì kòóy rú bey, kóy wómé kù kìvín, e kìvín bèn, e shòʼóm, à fó nsəʼ yeé mbèʼ sho.

Nsùyrì Nyùy 136:2

Vèn wáa fo vibeerì e Nyùy Tàr, wun wo wù shaàn anyùy adzə̀m. Koŋ ye wù koŋ wír vəə́ yòʼ wíy mày.

Nsùyrì Nyùy 37:6

Wù yíi dìn kiránén ji bó à yòʼ kì á fo kinyò. Wìr dzə̀m kù yíi yen ji á tòy á wò e kinyò kisáŋ.

Nsùyrì Nyùy 40:9

M fìʼtì ne sáʼka wò wo juŋ e màŋgòŋ wìr vée mvəm, sáʼka woo ji à luŋèr a wír vé. Éè Nyùy Tàr, à kì ji bó m yòʼ dór fó a fèr.

Nsùyrì Nyùy 44:21

wù wàa meŋ à? Bó wù yòʼ kì kilìtì kee wìr shiliv a?

Nsùyrì Nyùy 44:22

Éè Nyùy wor, kpúu siʼìr ver vishiíy vidzə̀m bìʼ wò, a vèr sì moo njiì wo á sí du, e see.

Nsùyrì Nyùy 50:1

Nyùy Tàr sùŋnín ne, wun woo Nyùy woo Ŋgaà Vitaàví Vidzə̀m. Wù tòóy ne wír veé kitu ke nsay adzə̀m, e kèʼ fo shùy yii tó, e dù, e meé fo yì yii nəə.

Nsùyrì Nyùy 82:1

Nyùy dzə̀ʼə̀m ne e wun kàvàʼ e yuv. Wù dzə́ e vifá veé yuv ví mvəm, tar vinyo vév, sáʼ jii,

Nsùyrì Nyùy 95:3

Nyùy Tàr dzə̀ Nyùy wo wiy, a dzə̀ Fon wo wiy wo wù shaàn anyùy adzə̀m.

Nsùyrì Nyùy 97:7

Woómé si koò ne wir dzə̀m wo wù ghvə́m vibámmbó, wir dzə̀m wo wù kóʼor wún áànyùy kisaŋe, bìʼ fo anyùy adzə̀me kù kér fó a gvəʼtí e Nyùy Tǎr si, a sùyrì wun.

Ŋwàʼ Fəə 18:11

M kìíy ne lèn ji Nyùy Tàr kùʼ e shaà anyùy ve wíri cu adzə̀m, bìʼ fo wù yiìn ne, wír vəə́ bóy fo wír veé Ejiví wo ve vé‑eè ŋaʼ, táy áwune.»

Jeremia 12:3

Éè Nyùy Tàr, à kì mo kijuŋ. À yén mo, aà kfə̀n kì kwaʼtì yém yee kùm wò. Tsəə́né áwune moo njiì wo á du, e see. Tsəə́ne, à lèm jeéy, e meé e kishiíy ké seerí.

Jeremia 17:10

Mo woo Nyùy Tàr, m kaʼày melív me wíri, tar kwaʼtì sév, laáme wír, kù mo yii rəə́ taʼà, laáme réŋréŋ mo liì və dzəə̀n.»

Daniel 11:36

Fòn woó Siiria wíy a yiì kinyo a dzə̀ ke kí gheen wun. Wù wíy a koʼór wún, a tiy tiyín áànyùyí kitu, a shùr Nyùy wo wù shaàn anyùy, e liy si. Wù kù wíy a yiì bèy, é vinyo və́ ví wáa ghan, e meé mo Nyùy wíy màʼ ŋgeʼ e wun kitu. A Nyùy kù kér fó wiy yiì kinyo ke wù‑uù sìysìn.

Daniel 2:47

Fòn suúy e Daniel jii, «Rúrú, Nyùy wò shaà anyùy adzə̀m. Dzə̀ wun Tàr wo wù sáʼ afon adzə̀m, a sar wun kinyo keé kilìtì kidzə̀m. M kìíy bìʼ fo à sàrìn kilìtì kém ké kinyò.»

Mayka 7:9

Vèr jày ne e Nyùy Tàr, wù wáa shwiíy kilòŋ vèr áwune, a bó yòʼ dzə̀ féyì vèr ŋàʼ shuu. Fo bàm, wù kù wíy nəə́ e věr kinyò, e bìnèr kinyo ke bi kidzə̀m ke á yiìn e vèr e ke juŋ ki. Wù wíy fəə́r ver fó meranén, é vèr kú a dzə sho, a yen mo wù luŋèr wíri.

Malakay 3:18

Á bèy, é vèn nèn kfə̀n yèn jeéyjeéy fó kinyò ke wìr ve á yúnin mo, à fó kinyò ke wìr ve á méŋ moó, a kiíy jeéyjeey wìr wo wù ghvə́m Nyùy, à wo wù yòʼ ghvə́mé.»

Joon 21:17

Wù kfən lò, e yòŋ fo akàŋ vee ataár jii, «Simon woo wan Joon, à koŋ mo á?» Pita yú, a wù dzə́r fó akàŋ vee ataár ji wù sà koŋ wun a, kitú ki lùm wun. Wù nèn yòŋ jii, «Tàr, kì wò vinyo vidzə̀m, aà kì ji m koŋ wò.» Jesus kfən sùúy sho jii, «À wàa leéy rì fo wír vémé mo wìr lèéy fo njiì.»

Lim Aŋgàa Ntum 1:24

Á nèn a bùnrì, a suúy jii, «Tàr, kù kì wò melív me wìr dzə̀m. Ku dìn wír wo à shoʼon

Lim Aŋgàa Ntum 25:11

A m ben shòʼór nsər, e kfə̀n jày ye dzə̀ á yùyrí mo, é la m yòʼ a tun fó kpu. Yii bey, a bèn dzə̀ ji vinyo ve á tóy mo shó vìn vi dzə̀ kisáŋ, bo bó yòʼ dzə̀ à fò mo e wír veé Juda vìne. M kù li nsaʼ yem fó mbìy fo Fòn woó Rom.»

2 Korin 11:11

A yiì ka fo m wáa leéy kifá fo vèn? Dzə̀ ji m ban ven bánen a? Bó yòʼ dzə̀ bey gheéy. Nyùy kì ji m koŋ a ven.

2 Korin 11:31

Nyùy woo Tàr à Taàtá wòsən Jesus wo dzə̀ vèsən wàa burí ghán sidzə̀m, kì ji m suuy a rú.

2 Korin 5:11

Mo vèr sí rə́si fan fó jay kinyo e Tàr wòsən Kristu bèy, vèr ku nèn a bìnèr wíri ji á wáy shilív e wun wùn. A Nyùy kì kinyo ke vèr yii kìn feyì, a m kwaʼtì ji dzə̀ vèn kù kìíy saa bèy.

Remrí 10:17

bìʼ fo Nyùy Tàr woo Nyùy won dzəə̀n Taà Vitu. Wù shaà anyùy adzə̀m. Wù dzə̀ Ŋgaà Vitaàví, a wù ghàʼtí feyì, a kí dzə̀ ji á wáa ghvəm a wun. Bó wù yòʼ yii binbìnè, a bó wù yòʼ yii bin nsaʼ mbvə́nkíwó.

1 Timoti 6:16

Kù mày wun wo wù gòʼòn kàŋ mòʼón, a wù dzə̀ a dzə̀ e wùn mvə̀m ran ye bó yòʼ dzə̀ wìr bàv fó ghaŋ. Bó wìr yòʼ‑oò yiì ne shòv wun e si, a bó wìr yòʼ wíy shov. Dzə̀ wun wo dzə̀ á kù a ghvəm. Sáʼ rəə́ kú a dù fo mbìy viyá viyá là may. Amen.

Hibru 4:13

A bó kifá kímóʼ kí yòʼ dzə̀ shó e ndzə ye Nyùy bomen rə̀n e dzə̀m ke dzə̀ kí lìtì kinyo fo wun gheéy. Wù yén vinyo vév vidzə̀m, a ví néŋ tèéter, kiránén, a vèsən kù kér fó bìnèr a dzə̀ shó.

Joshua 22:21

Wír vee rám Ruben wùn à vé Gadi, à vee kintoʼnìn ke rám Manassèe nèn bìnèr e vilìmbìy ve ram seé Isray vi jii,

Ŋgaà Yen 19:16

Wù wáa wìy bèy, m yén, aá sáŋ yír yímóʼó e wùn kikum, e kfə̀n sàŋ é kibìy, a yí dzə̀ jii, «Fon‑afòn, Tàr‑fo‑atàrí.»

Ŋgaà Yen 2:23

bo m kù yíi màʼ yàsí aàŋgaà və́ ŋgoó wùn adzə̀m, aá kpúkír. M yii bèy, é vintatì vidzə̀m vi nèn yèn rú ji dzə̀ á mo, wo m kiìn vinyo ve ví dzəə̀n e wìr bvə̀m, e kfə̀n kìíy ve shilív shé ŋgaàŋ shi tíy sho. A m wíy a yiì kinyo e wìr, a dzə̀ mo ŋgaàŋ‑eè yii.

1 Samuel 15:23

Kitú ke tavín kí bìr réŋréŋ moo fú wo shweŋéné, kiŋkoʼòrwùn kí bír sá réŋréŋ moo mebvə̀m me cuùn mè. À tèn ne fóo yu jí Nyùy Tàr, wù nen mèŋ wò fo fòn.»

1 Samuel 2:3

«Ven vé kinsùmrìwùn, vèn sə́tí shuu wóné. Ven ve á kóʼor wún, vèn sə́sín. Nyùy Tàr dzə̀ Nyùy, a wù kì vinyo vidzə̀m. Wù kíyri wír e kinyò kidzə̀m ke wù yii.