Joshua 22:15 - ŊWÀʼ NYÙY

¹⁵ Áwune dù, e yèn rám Ruben wùn à yé Gadi, à kintoʼnìn ke yé Manassèe é nsay yee Gilead, e dzə̀r aáwune jii,

Joshua 22:15 Iomraidhean Croise

1 Wòŋ 21:3

Joav bùn fon, e sùúy jii, «Mo wíri fə̀m dzəə̀n anín bèn, Nyùy Tàr ku kfə̀n dzə̀sì a ámóʼó bey kirə́ʼ wií. Taàtá wom woo fon, kí áwune sà kù dzə̀ aŋgaà və́ lìm a? Sà yiì ka, é bo taàtá wom wáa tàʼ ji wun yii kin kee kinyo a? Á sà taʼ ji á wiy e lòné e Isray kitu bèn ji ka á?»

2 Wòŋ 10:19

Á bèy, kfəə́ yeé Israyi ku nèn a sə kóy wùn à kfə́ə Daviri, e wìy shem lán.

2 Wòŋ 25:27

Fòn Amatsiya‑aà bìn ndzə̀m e Nyùy Tàr, á nèn kèʼ, a kar menàŋ é Jerusalem mo á lo, e ghan, e bóo yuyrí wun. Wù nèn lèʼ, e dù e Lakish. Á nèn tsə̀nsí wíri e wun bàm, á yúyrí wun fo.

2 Wòŋ 26:18

e shàʼnín ji lá wun woo Fòn Ussiya yòʼ waà mùm. Á wáa shaʼnín bèy, a suúy jii, «Fòn Ussiya, yòʼ dzə̀ kilíŋ ké fó tòn kiláy, e cù Nyùy sho, wun woo Nyùy Tàr. Dzə̀ kilíŋ ke atàá cù, áwune vee rám Aaron. Dzə̀ áwune ve vé‑eè shoʼon ne, e lèm jeéy ji á wáa tòn a kiláy, a cù Nyùy sho. Fəə́ fó kirə̀ʼ kee jeéy kin. À mùm ne kuv, a Nyùy Tàr woo Nyùy yòʼ dzəə́ yiì a yen wò ji kifá.»

2 Wòŋ 28:13

Áwune‑eè sùúy e vé rərí jii, «Lá vèn yòʼ wìy e wír ve vèn koon víyi é mvə̀mlaʼ. A vèn mùm, bo vèn màysì ne, e jàŋ lǒn Nyùy Tàr e vèsə́n kitu, e tàtí lòn wo vèsən sí kér bìʼ vinyo vesən ve bi ví. Lòn wosəné kùʼ e ŋàŋ, a ŋgeʼ Nyùy Tàr ye biibí sí kiʼ Isray.»

Esra 9:15

Éè Nyùy Tàr woo Nyùy woó Isray, à dzə̀ là kiloʼ. Vèr dzə̀ lán a dzə̀ kibér ke wìr. Leéy ri e yèn, vèr tíy e wò si vèr aàjay vérí, a bó vèr yoʼ ghèén a tiy bìʼ ajay vee shoon.»

Esra 9:2

Áwune tàʼ ne vitúm vìn a ji vikìy vév, e lì sa vé won vév fó fo, e nèn bvə̀yrì ŋgoo yee jeéy rə̀n e vitúm vìn vi. A wír ve á tíy mbìy e liì joònè fene dzə̀ á vilìmbìy wùn à vé saʼa.»

Nsùyrì Nyùy 78:8

é la á yòʼ dzəə wìy a dzə moo atàr vév. Vé‑eè táv kitú, tsə́y kóy wùn à Nyùy, ŋgwàʼ ye bó yì yòʼ‑oò wáy shilív e Nyùy wùn ŋkuuŋkùŋ, a bó yì yòʼ tíy e Nyùy wùn shilív shimòʼón.

Ŋwàʼ Fəə 32:8

Áwune kù lò ne, e màʼtì dzə́ə ye mò‑oò tirin áwune shó, e fèr wan nàʼ e kisha ki ji shibvə̀m, a ghvəm, a seerí nyám si, a cù sho. Jòkìnyàʼ, aá yii bèy, yoŋ ji dzə̀ á nyùy wov wo wù‑uù fəərin áwune fó wòŋ Ejiv.»

Aysaya 63:10

Yii bèy, áwune kú a tsəy kóy wùn à Nyùy Tàr, a tinsín Kiyoy kfə́ ke Ranén kí. Bìʼ bey, Nyùy Tàr nèn lò, e kfə̀n ji ŋgaà wov vibàn, wúnwun kitú kfə́ wáa ghiʼ áwune.

Cù 26:40

«Yii bèy, aáwune fen tuùné vinyo vév ve bi ví, à vé atàr véví, atàr vév ve vé‑eè ŋwayin mensaŋ mem, e mèŋ mo,

Cù 5:19

Dzə̀ cu yée làʼ njò, a dzə̀ yé wìr wo wù kér njò e Nyùy Tǎr si.

Kintaŋ 14:43

Wír veé Amalek wùn à veé Kanane yíi fəə, e tòn ven, é vèn kpúkír é shùu rər, bìʼ fo vèn bìnèn ndzə̀m e Nyùy Tàr. Bó Nyùy Tàr yòʼ yíi a dzə vèn áwune.»

Kintaŋ 32:15

A vèn lò, e bìn ndzə̀m e Nyùy Tàr, e gòʼ fèn, bo wù kfə̀n yíi màʼày áwune, aá kú a jìŋkìr e woʼ. Bo sì ji vèn kù laàr ne wír vìn adzə̀m láarin.»

Kintaŋ 5:6

«Suúy e wír veé Israyi jii, a lùmèn kìn wiíy lò, e kày kinyo ke Nyùy Tàr, e yiì kinyo, e shwìv wír, bo wù kér njò,

Matio 18:17

Wù du, e tèn fó yu kinyo ke áwune suuyì, wù lì kinyo kee shooy lèn, e dù, e neèr e kintatì kí si. Wù kfə́n du, kinènè, á màʼtì dzə́ə rə, a leʼ wun léʼén moo wir kitum, kìn wír wo wù sov mbàm se *bàràʼ.

1 Korin 1:10

Afə̀r vem, m nén a lòn feyì e Tàr wòsən Jesus Kristu yir jii, vèn ku tàtí, a dzə a shuu e mòʼón, e làa yòʼ jàvsìn, a dzə jeéy jeéy. Vèn kú a sìysì kinyo kén amòʼón, a tiy a dzə̀ e kíwun ki.

1 Korin 5:4

e Tàr wòsən Jesus yir mo dzə̀ á yiì e wìr wo wù yiìn kfə́ə joònè woo ben. Kí nén a dzə jii, vèn wíy lóo dzə̀ʼə̀m, vèn wàa kuumé ji m dzə̀ sáa e věn mvəm fó shiliv, é vèn nèn lì vitaáví ve Tàr wòsən Jesus foon e vèn,

Remrí 30:17

Yii bèy, a melív men mè wìy bìnkìr, la vèn yòʼ a yunín Nyùy Tàr, vèn bin ndzə̀m e wun, a ghvəm anyùy kisaŋe, a lìm fo áwune,

Remrí 7:4

Kí dzə̀ bey, bìʼ fo a vèn wìy mùm, bo áwune wíy a bìnèr wón vén fo á wáa ghvəm a dzə̀ mo, e nèn lò, a ghvəm a dzə̀ anyùy kisaŋe. A kí kòóy bèy, bo dòʼshwiiy Nyùy Tàr lo, e ŋaʼáy, é wù sasin, e yùyrí ven.

Hibru 12:25

Vèn wáa yen rì fó ŋway kinyo ke Nyùy wo wù súŋnin e vèn ŋwáyín. Vèn kì sá ji wù‑uù lo màʼ ŋgeʼ e wír ve vé‑eè ŋwáy kinyo ke ŋgaà wo wù‑uù lèmèn é nsay fèn ji wù wáa tir wíri. Mo kí dzəə̀n ben, bo bó wìr wo wù ŋwáy kfə́ a dzə̀ kinyo ke wun woo Nyùy súŋnin fo yuv yòʼ wíy bòy fo ŋgeʼ gheéy.

Joshua 22:12

màŋgòŋ woó Isray e dzə̀m nèn bàʼtí e Shilo ji á du, e fùnèn a áwune.

Joshua 22:14

Vé‑eè tùm wùn à vilìmbìy vi e ghvə̀m, kimòʼón kimòʼón fo ram see ghvə̀m e mbìv yee fo shùy yii nəə, a wìr dzə̀m kù dzə̀ taà kfəə.

Joshua 22:16

«Kintatì ke wìr Nyùy Tàr kidzə̀m ki dzə́r jii, ‹vèn ghàn é le, e bóo yiì kfə́ə kinyò ke bi kee ben e Nyùy woó Isray?› Mo vèn bomen ne kíy cù lán ji wón, bo vèn tàv ne a dzə̀ kitú fo Nyùy Tàr bey. Vèn bìn ne ndzə̀m lán, e fəə̀ fo wun mbòv.

Joshua 22:18

Yì‑iì dzə̀ é ghan siy, Nyùy tsə́nsí kifə̀ʼ, vèn kfə́n a bìn ndzə̀m e Nyùy Tàr é kishiíy ké lán ki é le? A vèn lòo dzə, e tàv kitú e Nyùy Tàr lán, bo wù bvəə́shi, e shwiíy kilòŋ fo kintatì keé Isray ki kidzə̀m.

1 Samuel 15:23

Kitú ke tavín kí bìr réŋréŋ moo fú wo shweŋéné, kiŋkoʼòrwùn kí bír sá réŋréŋ moo mebvə̀m me cuùn mè. À tèn ne fóo yu jí Nyùy Tàr, wù nen mèŋ wò fo fòn.»