Joshua 22:10 - ŊWÀʼ NYÙY

¹⁰ Áwune vee rám Ruben wùn à yé Gadi, à kintoʼnìn ke yé Manassèe nèn lò, a dù, e lòo meé e ŋgvən yeé ghaa Jordan, a kù dzə̀ə́ e nsay Kanan, e nèn bòm *kíy cù wo wiyí fó.

Joshua 22:10 Iomraidhean Croise

Kèʼlo 12:7

Nyùy Tàr nèn lò, e wìy fo Abram wùn, e sùúy sho jii, «M yíi fo woŋ və̀n e rám yée.» Mo Nyùy Tàr‑iì wìyìn fo wun wùn é kirə̀ʼ fóo fèy, wù nèn bòm *kíy cù Nyùy Tàr fó.

Kèʼlo 12:8

Wù nèn yiì lò fo fo, a dù e mbìv agwan ve á dzəə̀n é ghaa ntèʼ yee Betel, e mbìv yee fo shùy yii tó. Wù meé fó, e tàm kibàn kfə́ é kintìntìn ke Betel wùn Ay. Betel wáa dzə e mbìv yee fo shùy yii nəə, a Ay dzə̀ é mbìv yee fo shùy yii tó. Wù kfən bòm kíy cù Nyùy Tàr, a cù wun, a yòŋ yír rə́ fó.

Kèʼlo 28:18

Jakov bvəə́shí, e lò e yuv kijàvndzə kijàvndzə, e lì tíy ye wù‑uù neèrìn kitú sho rə̀y, e tùúy fo ji dzə̀ á kirə́ʼ ké Nyùy, e sə̀r meŋgvə́r é kitu wo,

Aysaya 19:19

Wíy lòo dzə e ghan fóo fèy, aá bóm kíy cù e Ejiv, a dzə̀ fo á wíy a ghvəm Nyùy Tàr. Á wíy tuúy tíy é bìíy wòŋ, e fíʼ dìn ji á ghvə́m a Nyùy Tàr.

Joshua 22:11

Wír veé Israyi yú ji rám Ruben wùn à yé Gadi, à kintoʼnìn ke yé Manassèe bòm á ne kíy cù e nsay Kanan, e ŋgvən yeé ghaa Jordan, e wír veé Israyí mbìv,

Joshua 22:9

Áwune vee rám Ruben wùn à yé Gad, à kintoʼnìn ke rám Manassèe nèn màʼtì wír veé Isray e Shilo, e wòŋ Kanan, a dù ji á kfə́n aáwuné melaʼ e nsay Gilead, nsay ye vé‑eè yòvìn ji vitsə́ʼ vév mo Nyùy Tàr‑iì yòŋèn e Mooser.