Joshua 21:9 - ŊWÀʼ NYÙY

^9-10 Mo vé‑eè jav virə́ʼ e wír veé ram Levìi bey, vé‑eè tòmbìy fò ké wìr veé kfəə se Kohat ve vé‑eè ràmèn fo Aaron, bìʼ fo vé‑eè lóo tàr, tómbìy fəə̀ kév, a yír sé ŋkà se laʼ se vé‑eè shoʼtin fo rám Judàá nsay, à yé Simeone, e fò aáwune sí sìne.

Joshua 21:9 Iomraidhean Croise

1 Wòŋ 6:39

Asav wáa tom Heman, a dzə̀ kilìmbìy ke kaŋ yòv wo wù tíy e Heman koy yìyí. Wù‑uù dzə̀ wan Berekiya woo wan Shimea,

1 Wòŋ 6:65

A vé‑eè shwèŋ, e bóo fo virə́ʼ ve á yòŋrìn vin, ve ví dzəə̀n é nsay rám Juda wùn à e ye rám Simeon, à e ye rám Benjamin.

2 Wòŋ 31:15

Wír ve vé‑eè sə́ wun e ŋkà se laʼ see fo atàá cùu‑uù dzəə̀né dzə̀ jii, Eden, Miniamin, Jeshua, Shemayia, Amaria, e lì Shekania. Vé‑eè sə́ wun kijuŋ, jav vifá ve yi aàfə́r véví, a ŋgày sé wìr wùn à wónlèé kù kooy vifá réŋréŋ mo akáŋ véví dzə̀kìn.

Joshua 21:4

A vé‑eè tar, bo á fo ŋkà se laʼ sìn e wír veé ram Levìi. Á kèʼ tar, ké mbìy ki fəə́ ji ké kfəə Kohat mo lav sév sí dzə̀kìn. Á nèn tòmbìy kwàŋ ké wìr vév ve á ràmèn fo Aaron woo taà cù. Á fó áwune ŋkà se laʼ nshòv sitaár e ghvə̀m, se vé‑eè shoʼtin fó nsay rám Juda wùn à yé Simeone, à yé Benjamine.

Joshua 21:8

A wír veé Israyi‑iì shwèŋ shwéŋén, e bóo kiíy ŋkà se laʼ se á fó e rám Levi wùn à kwáʼ se nyàm see fó ghaŋ si. Vé‑eè yiì réŋréŋ mo Nyùy Tàr‑iì naàrìn e Mooser ji á wíy siíy, a yiì.