Joshua 21:44 - ŊWÀʼ NYÙY

⁴⁴ Nyùy Tàr nèn fò áwune meemè mbìv sidzə̀m, kù mo wù‑uù lìʼìn ne aàtàr véví. Bó ŋgaà vibàn wov yòʼ‑oò lo ghàʼ áwune, fə̀m e mòʼón. Nyùy Tàr‑iì wày aŋgàa vibàn vév adzə̀m aáwuné kiwo.

Joshua 21:44 Iomraidhean Croise

2 Wòŋ 13:16

Wír veé Israyi kèʼ kileʼ, wír veé Judàa wáa jùm áwune. Á bèy, Nyùy nèn wày áwune e wír veé Judàá kiwo.

Ŋwàʼ Fəə 23:31

M wíy fèr bìíy yen, e kèʼ fo Rìbà Ndzə̀v wo Baar, e dù, e meé e Rìbà Ndzə̀v woó Filistia, e kfə̀n kèʼ fo woʼ, e dù, e meé e ndzəv yee Yufret. A m wíy yiì, áàŋgàa nsayi gbu ven, é vèn jum áwune, e fə̀ə́r.

Ŋwàʼ Fəə 33:14

Nyùy Tàr bìnèr jii, «Mómò kitú kém, m yíi shem mbìy, e yiì, áà wáa ker rəsìn.»

Aysaya 63:14

Kiyoy ke Nyùy Tàr kí‑iì yiì, wír veé Israyi ghán kijuŋ ji nyaáŋ nyaáŋ, kù moo nyám se sí səyin é kiwoóy, e nò mendzə́v, e neèm, a meèmè. Nyùy Tàr, á mo wò‑oò danèrìn wír vé ji weè weè, e bóo koʼór yír yé, é wíri wáa ghvəm wò.

Remrí 2:36

E kèʼ fo Aror, e ŋguùŋè mboʼ ndzə̀v yeé Arnon, à fó ŋkàlaʼ ye yì dzəə̀n é mboʼ, e dù bèn, e bàʼ e Gilead, bó ŋkàlaʼ yòʼ‑oò ló a dzə ye yì‑iì kér kikum ke kày ke kí gháʼ vèsən. Nyùy Tàr woo Nyùy wòsən kù‑uù wày sidzə̀m e vèsə́n kiwo.

Remrí 21:10

Mooser kfən sùúy e wír veé Israyi jii, «A dzə̀ kí kòóy ji vèn wíy lóo màʼ rə́r vèn aàŋgaà vén vibàné, Nyùy Tàr tòm ven, vèn tòn áwune, e koòrí ámóʼó.

Hibru 4:9

Kí nén a dzə jii, kilíŋ ki dzə̀ə́ sho lèn ke dzə̀ wír Nyùyi nə̀ə́ é kirə̀ʼ ké vijùŋ fèn, a meèmè sa mo Nyùy‑iì màysìn lim rə́, kishiíy kí meé saàmbà, wù meèmè.

Joshua 1:13

«Vèn kuúmé kinyo ke Mooser woo ŋgaà lìm Nyùy‑iì suuyin e vèn kí. Wù‑uù sùúy jii, Nyùy Tàr woo Nyùy won fò ne ven kirə́ʼ kén ké meèmè, a dzə̀ nsay yeé ndzə̀n Jordan rə̀n.

Joshua 1:15

e meé mo Nyùy Tàr yíi yiì, vèn maʼ rə́r, sí bórí, aá yov nsay ye Nyùy Tàr‑iì foon aáwune. Á yovì, é bo vèn kfə́n é bàm, e yòv yéen yee nsay ye Mooser woo ŋgaà lìm Nyùy‑iì foon e vèn ji yéen é ndzə̀n Jordan fèn, e mbìv yee fo shùy yii tó.»

Joshua 1:5

Bó vèn wìr yòʼ wíy tam, é wù gháʼ wò, e dù meé mo à wíy a dzə sho. Mo mò‑oò dzəə̀n vèr Mooser, kù dzə̀ réŋréŋ mo m wíy a dzə wòsò. Bó m yòʼ wíy màʼtì wò, a bó yòʼ dzə̀ m màʼày wò.

Joshua 11:12

Joshua tòn ŋkà se laʼ sìy sidzə̀m wùn aàfon véví, e yùyrí wir dzə̀m, e laàr fó láarin réŋréŋ mo Mooser woo ŋgaà lìm Nyùy Tàr‑iì yòŋèn ji á kù wíy yiì.

Joshua 11:23

Á mo Joshua‑aà səən nsay e dzə̀m, kù réŋréŋ mo Nyùy Tàr‑iì suuyin e Mooser ji á kù wíy yiì. Joshua nèn fò ji vitsə́ʼ vé wìr veé Isray, e jàvtì aáwune mo kfə́ə sév sí dzə̀kìn. Dzə̀ é ghan sin se wír veé Israyi‑iì meèmèn fó rər.

Joshua 11:8

Á bèy, Nyùy Tàr wáy afon vìy wùn à vé rər véví e wír veé Israyí wo, Isray wáa jùm áwune, a yuyrí, e jùm bèn, e dù bàʼ e Sidon wo wiy, e shaà dù e Misrefot‑Mayim, e kfə̀n jùm e dù duùn é mbìv yee fo shùy yii tó, e dù bàʼ e mboʼ yeé Mispe, e yùyrí áwune yúyrín, la wìr yòʼ gòʼ e tin.

Joshua 2:24

Á suúy e Joshua jii, «Ké ru kí, Nyùy Tàr wày ne woŋ woo shooy e dzə̀m e vèsə́n kiwo. Jòkìnyàʼ, a kindzə́m kí kù gwar wir dzə̀m woo fó gwárin bìʼ vèsən.»

Joshua 22:4

Ké lèn ki, Nyùy Tàr woo Nyùy won fò ne meemè aàfə́r véné mo wù‑uù kàʼàn áwune. Á bèy, vèn kfə́n ri e věn melaʼ e nsay ye Mooser woo ŋgaà lìm Nyùy Tàr‑iì foon e vèn é ndzə̀n Jordan fèsə, e mbìv yee fo shùy yii tó.

Joshua 22:9

Áwune vee rám Ruben wùn à yé Gad, à kintoʼnìn ke rám Manassèe nèn màʼtì wír veé Isray e Shilo, e wòŋ Kanan, a dù ji á kfə́n aáwuné melaʼ e nsay Gilead, nsay ye vé‑eè yòvìn ji vitsə́ʼ vév mo Nyùy Tàr‑iì yòŋèn e Mooser.

Joshua 23:1

Ntàm wìy dàr mo Nyùy Tàr‑iì yiìn, wír veé Israyi meèmè fo aŋgaà vév vibàné wo, a vé‑eè kaàrí áwune, e tàr. Yì‑iì dzə̀ é ghan fen, a Joshua dzə́n ne e ŋàŋ.