Joshua 21:43 - ŊWÀʼ NYÙY

⁴³ Á bèy, Nyùy Tàr nèn fò nsay dzə̀m e wír veé Israyi mo wù‑uù lìʼìn áàtàr véví ji wun wíy fo. Áwune sə́ nsay yee shooy bèy, e nèn a dzə fo.

Joshua 21:43 Iomraidhean Croise

Kèʼlo 12:7

Nyùy Tàr nèn lò, e wìy fo Abram wùn, e sùúy sho jii, «M yíi fo woŋ və̀n e rám yée.» Mo Nyùy Tàr‑iì wìyìn fo wun wùn é kirə̀ʼ fóo fèy, wù nèn bòm *kíy cù Nyùy Tàr fó.

Kèʼlo 13:15

Virə́ʼ ve à yén vìn vidzə̀m, m yíi fo e wò, é wáa ker vèn à rám yée, e wìy dù, e mày.

Kèʼlo 28:4

Wù ku fò vèn à kfə́ə yée kisəəvì ke wù‑uù foon e Abraham, é vèn áwune yov nsay ye à dzə́ sho moo kiŋgwìy rə̀n, nsay rə̀n feyì feyì ye wù‑uù foon e Abraham.»

2 Wòŋ 20:8

Atàr vérí nèn dzə̀ʼə̀m sho, e bàʼrì lav cù, a cù wò sho, e lò, e mbaà wò jii,

Nehemia 9:24

Wón véví nèn wìy nə̀ə́, e yòv fó. Wò‑oò rèŋèr vitaáví vé wìr veé Kanan ve vé‑eè dzə́ fo, aáwune yéné, e nèn wày wír veé Kanan wùn aàfon véví, à wír ve vé‑eè dzə́ foo aáwuné wo, á wáa lovtí sho mo á kòŋèn.

Nehemia 9:8

Wò‑oò yèn, a wù wáy shilív e wò wùn, à nèn gwàr *mensaŋ vèn wun ji à wíy fo a nsay e rám rəə́, a nsay rə̀n‑eè dzə̀ ye wìr veé Kanan wùn à ye wìr veé Hit, à ye veé Amor, à ye veé Peris, à ye veé Jebus, e lì ye wìr veé Girgash. À lèm ne ŋkàʼme wò, kù mo à yii yii vinyo vé tìítiy.

Nsùyrì Nyùy 105:8

Wù kù yii tíy e wun *mensàŋ me wù‑uù gwàrìn, ghán sidzə̀m, a bó yòʼ dzə̀ féyì, viyá viyá là may, wù làysìn ŋkàʼmé woo shooy.

Nsùyrì Nyùy 44:3

Áwune yòʼ‑oò lo koò nsay rə̀n, a dzə̀ e rə́r sí, a bó áwune yòʼ‑oò lo sò e vitaáví vév ví. Kù‑uù dzə̀ cáʼ vitaáví vé. Kù‑uù dzə̀ wò kóy wóv wo tavíné. Wò‑oò dzə́ aáwuné mvəm, din koŋ yé, aá warkìrì.

Nsùyrì Nyùy 78:55

Wír vəə́‑əə̀ nəə e nsay foo fèy, a wù jum vitúm ve ví‑iì sí dzə́ fo. Á nəə́, wù jàv virə́ʼ aáwune mo rám sév sí‑iì dzəə̀n, e nèn fò láʼ se vitum vìy, á wáa dzə sho.

Ŋwàʼ Fəə 3:8

Á bèy, m nen sə̀y ji m boyir á áwune fo wír veé Ejiví wo, e fəə́r fo nsay foo fèy, e dù sho e nsay ye juŋ, nsay ye vín nàʼ wùn à vilu vi tsəətìn sho. A dzə̀ nsay ye wír veé Kanan wùn à veé Hiti, à veé Amori, à veé Perisi, à veé Hivi, à veé Jebusi dzə́ sho.

Jeremia 32:23

Áwune nəə́, e yòv fó, e nèn tèn fó a yunín wò, a jùmrì nsər sé. Áwune yòʼ‑oò ló a yiì vinyo ve wò‑oò yòŋèn ji á wáa yiì. À nen yiì, ŋgeʼ rə̀n gbú aáwuné kitu.

Kintaŋ 33:53

Vèn ku jùm aŋgàa nsayi, e yòv nsay yee shooy, a dzə fo. M fò ne a dzə̀ e vèn ji yéen yee nsay.

Kintaŋ 34:2

«Yòŋ wír veé Israyi, e sùúy aáwune jii, vèn yíi nəə́ e wòŋ Kanan wo dzəə̀n woŋ wo wíy a dzə ji vitsə́ʼ vén, é bìíy si wáa dzə.

Remrí 11:31

Vèn sí yìi liysín Jordan, e nəə́ e nsay ye vèn yíi yòv, nsay ye Nyùy Tàr woo Nyùy won fó e vèn. Vèn yií sə́, lóo ker,

Remrí 12:29

«Nyùy Tàr woo Nyùy won wíy tòn vitúm ve vèn nəə fo, e jùm áwune, é vèn yov nsay yev.

Remrí 17:14

Mooser suúy e wír veé Israyi jii, «Vèn wíy nəə e nsay ye Nyùy Tàr woo Nyùy won fó e vèn, yovì, lóo dzə fo, ghanmóʼ, aá lo, e yòŋ ji vèn‑éè taʼ á fon wo wù wáa saʼ ven moo vitúm ve ví kaarin ven.

Remrí 34:4

Nyùy Tàr dìn bèy, e yòŋ e Mooser jii, «Á nsay ye mò‑oò kàʼàn Abraham wùn à Aysi, à Jakov sho, e lìʼ ji m wíy fo e rám yéví. M yiì ne, à shóv e sí yée, yii bèy, bó à yòʼ yíi liysín fo.»

Joshua 1:6

Kúr tímé, e wày ŋàŋ. Kù yíi lì wò wír vìn, e nəə́ sho e nsay fèn, é bo á yov woŋ wo mò‑oò lìʼìn vèr aàtǎr ram véví ji m wíy fo aáwune.

Joshua 21:42

Ŋkà se laʼ sìn si‑iì kér kwáʼ sév sé nyàm e kitu kitu. Ŋkàlaʼ yee shó lo, yì wàa ker kwáʼ və́ nyàm, a wú kaárí yee shó e tàr. Kí nen kù a dzə bèy, ŋkà se laʼ sìn sidzə̀m.

Atǎr Nsaʼ 11:24

À yòʼ‑óò wáa ker kifá ke nyùy wò woo *Kemosh foon e wò à? Fo kér kí, vèr yòv ne nsay wìr ve Nyùy Tàr woo Nyùy wor faàsìn, e fò e vèr.

1 Samuel 12:8

Yì‑iì dzə̀ é ghan se Jakov wùn à kfə́ə rəə́‑əə̀ duùn é Ejiv, wír veé Ejivi wáa nə̀ʼsì áwune, atǎr atàr véné tóŋ ji Nyùy Tàr sə́ á áwune. Nyùy Tàr nèn tsə̀nsí Mooser wùn Aaron, á dù, e fə̀ə́r áwune fó Ejiv, e wìy sho e nsay fèn.