Joshua 21:4 - ŊWÀʼ NYÙY

⁴ A vé‑eè tar, bo á fo ŋkà se laʼ sìn e wír veé ram Levìi. Á kèʼ tar, ké mbìy ki fəə́ ji ké kfəə Kohat mo lav sév sí dzə̀kìn. Á nèn tòmbìy kwàŋ ké wìr vév ve á ràmèn fo Aaron woo taà cù. Á fó áwune ŋkà se laʼ nshòv sitaár e ghvə̀m, se vé‑eè shoʼtin fó nsay rám Juda wùn à yé Simeone, à yé Benjamine.

Joshua 21:4 Iomraidhean Croise

1 Wòŋ 6:39

Asav wáa tom Heman, a dzə̀ kilìmbìy ke kaŋ yòv wo wù tíy e Heman koy yìyí. Wù‑uù dzə̀ wan Berekiya woo wan Shimea,

Ŋwàʼ Fəə 6:16

Levi‑iì dzə̀ʼə̀m kiyá nshòv saàmbà e mtaár e wiì (137). Yír sé wón Levi vee vilum, à sé won vév sí sìne. Levi‑iì kér wón, aá dzə̀ ji Gershon wùn à Kohat, à Merari.

Ŋwàʼ Fəə 6:20

Amram‑eè kòóy wiíy a dzə̀ jemèr tàr wov yee Jokebed, wùn wun dzəə́ Aaron wùn Mooser. Amram‑eè dzə̀ʼə̀m kiyá nshòv saàmbà e mtaár e wiì (137).

Kintaŋ 3:27

Kfəə́ se sí‑iì ràmèn fo Kohat si wáa dzə jii, wír Amram wùn à vé Ishar, à vé Hebron, à vé Ussieli. Á kfəə́ se sí‑iì ràmèn fo Kohat.

Joshua 21:3

Á bèy, wír veé Israyi nèn shòʼtí ŋkà se laʼ símóʼ sí fo áwuné nsay, e fò e wír veé ram Levi wùn à kwáʼ se nyàm si fó ghaŋ, réŋréŋ mo Nyùy Tàr‑iì yòŋèn ji á yii.

Joshua 21:5

Kibér ke kfəə Kohat ki nèn sə̀ ŋkà se laʼ e ghvə̀m ji vitsə́ʼ vév, a dzə̀ se vé‑eè shoʼtin fó nsay rám Efrayim, à yé Dane, à yé kintoʼnìn ke rám Manassèe.

Joshua 24:33

Eleasar woo wan Aaron‑eè kpù, á dzəə̀mè wun e Gibea. Fóo‑oò dzə̀ mvəmlaʼ Finehas woo wán və. Vé‑eè fò wun kirə́ʼ kin, a kí dzə̀ áàgwan veé Efrayim.