Joshua 21:39 - ŊWÀʼ NYÙY

³⁹ à Heshbon, à Jaser.

Joshua 21:39 Iomraidhean Croise

1 Wòŋ 26:31

Kimfèr ke kfəə Hebron mo yí dzəə̀n, kìn mo áwune dzəə̀n é melav melav, kí din ji Jeria dzə̀ á kitú kév. Yì‑iì dzə̀, a Fòn Davir sí sáʼ ji kiyá mkweè, á nèn lò, e kèʼ a tàr mo kfə́ə Hebrone‑eè dzəə̀n, e yèn a vé rər ve tavkíné‑eè dzə̀ wír veé kfəə fèn, aá dzə́ e Jaser, e mbìv wòŋ yee Gilead.

1 Wòŋ 6:81

à Heshbon, à Jaser, fó bèy, fó kwáʼ bvəy woo fó.

Jeremia 48:32

Éè wìr veé Sibma, m yíi dìy kpú yén, e shaà yé wìr veé Jaser. Vèn‑eè dzə̀ moo kitiír ké *vayin, kitiír, ke tám si ràmèn, e lìysín Ndzə́v Shiŋgwaŋ, e dù, e bàʼ e Jaser. Yii bèy, ŋgaà vibàn wìy ne, e laàr báŋ se sí koomen se á koy, fer meluʼ sho, e laàr sa sé vici ve á yii koy e lùm.

Kintaŋ 32:1

Rám Ruben wùn à yé Gadi‑iì dzə̀, aá kér nyám si nyanyày. Áwune lòo yen ji nsay Jaser wùn à ye Gilead dzə̀ á virə́ʼ, a ví bòŋ, e lèm a nyám si fó,

Kintaŋ 32:3

«Atarot, Dibon, Jaser, Nimra, Heshbon, Eleale, Sebam, Nebo, à Beon,

Kintaŋ 32:35

à Atrot‑Shofan, à Jaser, à Jogbeha,

Kintaŋ 32:37

Rám Rubene nèn bàʼrì Heshbon wùn à Eleale, à Kiriatayim,

Joshua 13:17

Nsay rə̀n tàtí sa Heshbon wùn à ŋkà se laʼ se sí dzəə̀n é ŋgvən ye leŋén rə̀y. A sí dzə̀ ji Dibon wùn à Bamot‑Baal, à Bet‑Baal‑Meon,

Joshua 13:21

Yì‑iì tàtí ŋkà se laʼ seé ŋgvən ye yì leŋen fó yuv rə̀y sidzə̀m, à woŋ Fòn Sihon woo fon wìr veé Amori e dzə̀m. Wù‑uù sàʼ é Heshbon bo Mooser ton wùn à vilìmbìy veé Midian vee jii, Evi wùn à Rekem, à Tsur, à Hur, e lì Reba. Vé‑eè dzə́ e Fòn Sihon nsay, yór yorín.

Joshua 13:25

Nsay yev tàtí ŋkàlaʼ yee Jaser wùn à seé Gilead si sidzə̀m, e lì kintoʼnìn ke wòŋ Ammon, e dù e meé e Aroyer wo wù dzəə̀n é mbìv Rabba yee fo shùy yii tó.

Joshua 21:38

Fo nsay rám Gad, á shóʼtí ŋkà se laʼ sikweè. Sidzə̀m si kú a dzə wùn à kwáʼ sév sé nyàm si, a dzə̀ Ramot woo ŋkàlaʼ kilìr e Gilead, à Mahanayim,

Joshua 21:40

Ŋkà se laʼ se vé‑eè foon e wír veé Merari mo kfə́ə sév sí dzə̀kìn, sí nèn a dzə sidzə̀m ji nshòv sibaà e ghvə̀m. Á mo vé‑eè màysìn vinyo ve rám Levi.