Joshua 21:17 - ŊWÀʼ NYÙY

¹⁷ Fo nsay rám Benjamin, vé‑eè shòʼtí ŋkà se laʼ see jii, Gibeon wùn à Geba,

Joshua 21:17 Iomraidhean Croise

1 Afòn 15:22

Fòn Asa nèn fò sáʼ, yí ghánén Juda e dzə̀m, la kirə́ʼ kí yòʼ bèr. Á béʼéy tíy wùn à vicí ve toʼón ví fó Rama ve Fòn Baasha‑aà yii kibaʼrì sho. Fòn Asa nèn lì vifá vìn, e dù, e yiì kibaʼrì sho e Geba wo wù dzəə̀n é nsay Benjamin, e kfə̀n yiì sa kímóʼ kí é Mispa.

2 Afòn 23:8

Fòn Josia kfə̀n‑eè yiì, atàá cù ve vé‑eè dzəə̀n é ntèʼ seé Judàa wìy e Jerusalem adzə̀m, e nèn bìvír virə́ʼ vé anyùy fo vé‑eè ton kiláy é ntèʼ sí, e kèʼ fo Geba, e dù, e mèé e Beersheba. Wù kfən kètì sa virə́ʼ vé cù ve ví‑iì dzəə̀n é dzəə ye yì‑iì nəə e Jerusalem fo shùu kày woo wó Joshua woo taà saʼ woó ŋkàlaʼ, a dzə̀ shúu kày wo kuʼùné é koy ŋkoòvìi.

1 Wòŋ 6:60

E nsay rám Benjamin, vé‑eè fò áwune ŋkà se laʼ see Geba wùn à Alemet, à Anatot. Vé‑eè fó bèy, fó kwáʼ bvəy woo fó. Ŋkà se laʼ se vé‑eè jàvìn e rám Aarone mo kfə́ə sév sí dzə̀kìn, sí nén a dzə nshòv sitaár e ghvə̀m.

1 Wòŋ 8:6

Rám Ehudi‑iì dzə̀ Naaman wùn à Ahija, à Gera. Áwune‑eè dzə̀ atǎr kfəə ve vé‑eè dzə́ e Geba, é bo á kan áwune, aá fəə́, e dù, a dzə a dzə̀ é Manahat. Yì‑iì lì Gera áwune, e dù sho fo. Gera nèn lò, a dzə tàr à Ussa wùn Ahihud.

Nehemia 12:29

à fó Bet‑Gilgal, à fó mbìv wòŋ yee Geba wùn à Asmavet, a kù‑uù dzə̀ virə́ʼ vee fo wír véví‑iì bàʼrìn ntèʼ sév fó ndzə, e kaàrí Jerusalem, e tàr.

Aysaya 10:29

Á kòʼ ne kiŋgwàmrì, e bìʼír, aá sí bee vitsə́ʼ vé lán vi é Geba. Wír veé Ramàa sí yaʼ yàʼàn, a wíri sàm ne fo Gebea, ŋkàlaʼ feyì ye yì‑iì dzəə̀n ye Fòn Saul.

Sekariya 14:10

Woŋe wíy kfən e mboʼ e dzə̀m, e kèʼ fo Geba, e dù, e meé e Rimmon, e mbìv Jerusalem yee tsə́n. Yii bèy, a Jerusalem kù wíy gòʼ, a nyaʼ e wun kirə̀ʼ. Ŋkàlaʼ wíy neèm, e kèʼ fo Shùu Kày Benjamin, e dù, e meé e Shùu Kày woó Kor, a dzə̀ fo shuu wúmóʼó‑oò dzəə̀n fó mbìy, e kfə̀n kèʼ fo Kirùmèn ke Hananel, e dù, e bàʼ e bii wo á yii nyeŋ meluʼ meé ntoʼ sho.

Joshua 21:18

à Anatot, à Almon, ŋkà se laʼ sikweè, yee shó wùn à kwáʼ nyàm vəə́.

Joshua 9:3

Yii bèy, wír veé ŋkàlaʼ Gibeone yú mo Joshua lovtin e Jeriko wùn à Ay,