Joshua 21:1 - ŊWÀʼ NYÙY

¹ Yì‑iì dzə̀ é ghan sin, atǎr kfəə se rám Levìi nèn dù, e yèn Eleasar woo taà cù wùn à Joshua woo wan Nun, aàtǎr kfəə veé ram seé Isray adzə̀m,

Joshua 21:1 Iomraidhean Croise

Kèʼlo 49:7

Dòʼshwíiy wov dzə̀ e biíbí, melív mev mè sə́n é ŋàŋ, a lòné dzə̀ wóv. M wíy bvəə́r áwune, aá sáŋrí e wír Jakoví mvəm. M wíy taʼár áwune é nsay Isray.

Ŋwàʼ Fəə 6:14

Atǎr kfəə wìr veé Isray ámóʼó wùn à kfə́ə sév sí vìne. Ruben woo wan Isray mbìy‑iì kér wón vee vilum, aá dzə̀ jii, Hanok wùn à Pallu, à Hesron, à Karmi. Á mo kfə́ə Rubene‑eè ràmèn.

Ŋwàʼ Fəə 6:25

Eleasar woo wan Aaron‑eè kòóy wiíy a dzə̀ fo wón Putielí mvəm. Wùn wun dzəə́ Finehas. Á mo atǎr kfəə vee Levi ramé dzəə̀n é lav sí lav si.

Kintaŋ 35:1

Wír veé Israyi wáa dzə e mboʼ yeé Moav e ŋguùŋè ndzə̀v yee Jordan, a kìʼ Jeriko, Nyùy Tàr kfən yòŋ Mooser, e sùúy sho jii,

Kintaŋ 35:8

Rám yee shóo wíy fo ŋkà se laʼ e wír veé ram Levìi mo nsay rə kùʼùn, e dù, e mèé. Rám ye yí kér nsay e kuʼùn, é yí fó ŋkà se laʼ sinín. Ye yí kér nsay shishàr, é yí fo ŋkà se laʼ sishàr.

Joshua 14:1

Ké virə̀ʼ ve wír veé Israyi‑iì kooyin é wòŋ Kanan ji vitsə́ʼ vév kí dzə̀ jii, yì‑iì jàv Eleasar woo taà cù wùn à Joshua woo wan Nun, aàtǎr ram wìr veé Israyi nsay rə̀n,

Joshua 17:4

Áwune nèn wìy yèn Eleasar woo taà cù, à Joshua woo wan Nun, à vilìmbìy vi, e sùúy jii, «Nyùy Tàr‑iì yòŋ e Mooser ji wù fó á vitsə́ʼ e vèr réŋréŋ mo á fó aàfə́r vér vee vilume.» Á ku nèn fò áwune nsay aàfə́r vév vee vilumé mvəm ji vév vee vitsə́ʼ réŋréŋ mo Nyùy Tàr‑iì yòŋèn.

Joshua 19:51

Á mo Eleasar woo taà cù wùn à Joshua woo wan Nun, aàtǎr kfəə veé ram seé Israyi‑iì tàrìn virə́ʼ e Nyùy Tǎr si e shùu *kibàn ké ntàsín é Shilo, e bóo jàvtì e wír veé Israyi ji vitsə́ʼ vév. Á bèn, á nèn màysì, e tòʼtí woŋ.