Joshua 20:8 - ŊWÀʼ NYÙY

⁸ Fo ndzə̀n Jordan fèsə, fo mbìv yee fo shùy yii tó, aá máʼtí ne Jeriko, e lìysín, á shóʼ Beser wo wù dzəə̀n e rám Rubené nsay, a fóo dzə̀ mboʼ gwan, e kirə̀ʼ ké woʼ kí, e kfə̀n shòʼ Ramot wo wù dzəə̀n é Gilead, e rám Gadí nsay, e kfə̀n shòʼ Golan wo wù dzəə̀n é Bashan e rám Manassèé nsay.

Joshua 20:8 Iomraidhean Croise

1 Afòn 22:6

Fòn woó Isray nèn tòóy aŋgàa si və́, aá dzə̀ moo wír ghii kweè bèy, e dzə̀r aáwune jii, «M nəə́ Ramot‑Gilead e rə́r sí moo ŋgáŋ á?» Á bìnèr ji fòn wàá nəə́. Fòn waà du, e tòn a áwune. Nyùy Tàr yíi dù, e way a Ramot‑Gilead e fòn kiwo.

2 Afòn 8:28

Fòn Ahasiya wìy lò, e tàtí Fòn Joram woo wan Ahav, wùn wun dù, e nə̀ə́ Fòn Hasael woó Siiria e rə́r sí é Ramot‑Gilead. Wír veé Siiriàa lémér Fòn Joram fo,

1 Wòŋ 6:78

E nsay rám Ruben, e ndzə̀n Jordan, e mbìv yee fo shùy yii tó, á fó virə́ʼ vímóʼ ví, aá shaá ne Jeriko, a ví dzə̀ jii, Beser wo wù dzəə̀n é woʼ, e kfə̀n fò Jahas

1 Wòŋ 6:80

E nsay rám Gad, á fó Ramot Gilead wùn à Mahanayim,

Remrí 3:10

Vèsən‑eè faàsì nsay ye Fòn Og woó Bashan‑eè sáʼá e dzə̀m, a dzə̀ jii, ŋkà se laʼ seé mboʼ gwan wùn à nsay Gilead, à ye Bashan. Vèsən faàsì bèy, e dù, e bàʼ e ŋkàlaʼ yee Saleka wùn à yee Edreyi.»

Remrí 4:43

Wù‑uù lèm ŋkàlaʼ yee Beser e rám Rubene, a ŋkàlaʼ rə̀n‑eè dzə̀ é kirə̀ʼ ké woʼ kí, ke dzəə̀n mboʼ gwan, e lèm Ramot woó Gilead e rám Gadi, e nèn lèm Golan wo wù dzəə̀n é Bashan e rám Manassèe.

Joshua 20:7

Wír veé Israyi nèn shòʼ Kedesh wo wù dzəə̀n é Galeli, e mbìv agwan veé nsay Navtali, e kfə̀n shòʼ Shekem woó mbìv agwan veé nsay Efrayim, à Kiriat‑Arba woó mbìv agwan veé nsay Juda, aá yoŋ sa ji Hebron.

Joshua 20:9

Á ŋkà se laʼ se vé‑eè shoʼtin ji a wìr woó Isray, kìn kiŋgwìy ke kí dzə́ aáwuné mvəm kí lòo dzə, e yùyrí wír e kimbùmmbúm là kiíy, wù lèʼ, e lìr fo, e nèn bòy fo ŋgaà ŋkfə́tír yúyrí wun, e meé mo wù wíy tiím e kintatì kí si, é bo á tar.

Joshua 21:27

Ké wìr veé ram Levi ve dzəə̀n kfə́ə Gershon ki dzə̀ jii, ŋkà se laʼ sév símóʼ sí‑iì lò fó nsay kintoʼnìn ke rám Manasse ki, a sí dzə̀ jii, Golan woó Bashan, a dzə̀ ŋkàlaʼ kilìr, e lì Beeshtera, ŋkà se laʼ sibaà, yee shó wùn à kwáʼ və́ nyàme.

Joshua 21:36

Fo nsay rám Ruben, á shóʼtí ŋkà se laʼ sikweè, yee shó wùn à kwáʼ və́ nyàme, a sí dzə̀ jii, Beser wùn à Jahas,

Joshua 21:38

Fo nsay rám Gad, á shóʼtí ŋkà se laʼ sikweè. Sidzə̀m si kú a dzə wùn à kwáʼ sév sé nyàm si, a dzə̀ Ramot woo ŋkàlaʼ kilìr e Gilead, à Mahanayim,