Joshua 2:9 - ŊWÀʼ NYÙY

⁹ «M kì ji Nyùy Tàr wày ne woŋ və̀n e věn kiwo, a kindzə́m kén kí gwàr ne ver, a wìr dzə̀m woó wòŋàn sí fan ven fánen.

Joshua 2:9 Iomraidhean Croise

Kèʼlo 35:5

Áwune lòo dù, Nyùy yiì, fáne nəə́ e wír ve vé‑eè dzə́ e ŋkà se laʼ see fo vé‑eè shaa vìyí meliv, la á yòʼ dzəə shèm aáwuné bàm.

2 Samuel 17:10

Á bèy, é vé rər vée nèn a fàn, fə̀m à ve á kér shilív shé bvərə̀ʼ shií, bìʼ fo wìr woó Isray e dzə̀m kì ji tàr won wùn à wír və́ adzə̀me dzə̀ á antav.

2 Afòn 5:15

Naaman wùn aàŋgàa ŋgoo vəə́ nèn kfə̀n é bàm fo ŋgaà ntum Nyùy, e tìím e si wo, e sùúy e wun jii, «M kìíy ne lèn rú ji bó Nyùy wùmòʼ yòʼ kfə̀n dzə̀ shó e kitu ke nsay, e shaà woó Isray. Kò ri fómo wo ŋgaà wò lìm wìyìn shó.»

2 Afòn 7:6

bìʼ fo Nyùy Tàr kì yiìn ne, vé rər veé Siiriàa yú, a *viténtén vé rər ví wiyì, e yù nsən se nyám se ŋkoʼ, e yù mo vé rərí giv agháʼán, e nèn a kwàʼtì ji fòn woó Isray làʼ a ne afon veé Hit wùn à veé Ejivi, à wír véví ji á nəə́ á áwune e rə́r sí.

Nehemia 6:16

Aŋgàa vibàn vérí yú kinyo kìn, vitúm ve ví kaarin ver vidzə̀m vi yú sá, e nèn a fàn, e yèn vitú vév ji á dzə̀ á là kitar. Áwune‑eè yèn rú ji vèr yii lim rə̀n, a dzə̀ á e Nyùy wór vitaaví.

Esta 8:17

Sáʼ fòne ku nèn a ghanén e mbìv wòŋ, a ghanén e ŋkà se laʼ, wír veé Juda ve vé‑eè dzə̀kìn fóo wáa sheʼrí adzə̀m. Áwune nèn a yu vijuŋ, a kàʼ ŋkàʼ sí, a ker kibaámé, a yinín. Wír ve dzəə̀n féyì ji wón nsayi ku nèn lò, a bìnkìr anín, a kfən ji wír veé Juda, bìʼ fo vé‑eè sí fan wír veé Juda fánen.

Ŋwàʼ Jov 19:25

«Yii bèy, m kì ji wìr wo wù wíy bìn nsaʼ yem dzə̀ á e tin, a kù wíy suúy wun jí kinjòʼsìbàm kùm mo é kitu ke nsay fèn.

Nsùyrì Nyùy 112:10

Wír ve á méŋ Nyùyi yéné, wúné wàa kìn áwune. Á kù wíy a ŋeytí sóŋ, a kpukír kpukín. Vinyo ve áwune yii, tiir vifií shó vi kù wíy a bvəərí bvəərín.

Nsùyrì Nyùy 115:16

Yúví dzə̀ wó Nyùy Tàr, a wù fò ne kitú ke nsay e wìr msòŋ.

Ŋwàʼ Fəə 18:11

M kìíy ne lèn ji Nyùy Tàr kùʼ e shaà anyùy ve wíri cu adzə̀m, bìʼ fo wù yiìn ne, wír vəə́ bóy fo wír veé Ejiví wo ve vé‑eè ŋaʼ, táy áwune.»

Ŋwàʼ Fəə 23:27

«M wíy yiì, é vitúm vee fó vi kú a fàn mo, e kfə̀n tùʼùr wír vee shooy ve vèn áwune wíy a fùnèn, e nèn yiì, áàŋgaà vén vibàné binkir, a nyeŋ ven nyéŋén.

Ŋgaà Tàrvìnyò 8:12

A fə̀m dzə̀ mo wìr buʼtì vinyo e ŋàŋ, kù shiiy, kóŋri, yii bèy, bo m kì kém ji ké wìr ve á yúnin Nyùy, néŋ e wun si ki wíy bòŋ, e shaà kév.

Aysaya 19:1

Sáʼ Nyùy yee kùm Ejivi rə̀ne. Yí dzə̀ jii: Vèn yuúrí, Nyùy Tàr sí du e Ejiv, a wù du a dzə̀ é mvə̀m mbàʼ ye yì shaa ji ghàár. Wù yíi meé fo, áànyùy veé Ejivi wáa fàn, a yàʼ, é tím wìr dzə̀m woó Ejivi kpú, e rə̀.

Aysaya 23:5

Sáʼka woo kùm Taya yíi to e wír veé Ejiví kitùʼùr, á yú ji á laàr a ne fó, aáwune yú nyár e ŋàŋ.

Jeremia 27:5

‹Kù dzə̀ mo wo mò‑oò bomen kitú ke nsay e vitaáví vém ve wiy ví, mo və̀n, wo m dzəə̀n e gháʼán, e bòm wir dzə̀m, à nyám se sí dzəə̀n shó si. A dzə̀ kù kìíy mo wír wo m fó sho.

Nahum 2:10

Nineve sì é vifə̀m, wù sì é ŋgèŋgèr, a sì kirə́ʼ kisáŋ. Fane shèr ne melív me wíri, ŋkoŋ si shwáʼsín wíri shwáʼsín, vitaáví ví máy, síi sə́n wir dzə̀m sənén.

Kintaŋ 20:14

Mooser nèn tùm wíri fó Kadesh ji á du, e yèn á fon woó Edom, e sùúy a sho ji wír fòn vee wón Israyi suuy a jii, fòn kì á ŋgeʼ sidzə̀m se sí kooyin ver.

Kintaŋ 20:24

«Aaron yíi kpu, e tatí atàr və́. Wù yòʼ wíy nəə́ e nsay ye m foon e wír veé Israyi, bìʼ fo vèn wun‑eè tavin kitú, e ŋwày jí yem yee kùm mendzə́v meé Meriba.

Matio 20:15

A dzə̀ m yiì kinyo ke m koŋ yiì e mbàm sém sí. À rə̀sí, a ŋeèy bèn ji bìʼ fo m shám wír ámóʼó ji ka?› »

Remrí 11:25

Bó wìr yòʼ dzə̀ shó, wo wù wíy yu fó tam vèn áwune. Nyùy Tàr woo Nyùy won wíy way fan wùn à kindzə́m kí e wìr dzə̀m shiliv, e kirə̀ʼ kidzə̀m fo vèn wíy a shaà mo wù‑uù kàʼàn ven.

Remrí 2:25

E kishiíy ké lán ki, m sí yii, é wíri keʼ, a ker kindzə́m kee bìʼ ven, wìr dzə̀m woó kitu ke nsay lóo yu leŋ wón, é wù wáa fàn, a yàʼ.›

Remrí 28:10

Á bèy, é wìr dzə̀m woó kitu ke nsay nèn a yen ji vèn dzə̀ féyì a ji wír Nyùy Tàr. Lóo yen, aá wáa fàn ven.

Remrí 32:8

Taà Vitu‑uù jàv nsay e wìr msòŋ, e fò ye kitum kee shó. Kù‑uù sìysì wun fo bìíy sév sí shaàn, e lèm vitúm e kitu kitu mo vifá veé yuv ví dzəə̀n.

Hibru 11:31

Wiíy wùmòʼ wáa dzə fo, a dzə̀ sàkì, aá yoŋ ji Rahav, vé ŋkiyi wìy wìy e Jeriko, wù səə́sí, e lìtì e wùn lav. Á wìy tòn fó, wù nèn bòy, e làa yòʼ dzə́ə kpu moo kibér ke wìr ve vé‑eè méŋ Nyùy, táv kitú, á yúyrí.

Joshua 2:11

Kù mo vèr‑iì yuun vinyo vìn, tím yérí kpú, wìr dzə̀m seèm bìʼ ven. Rúrú, Nyùy Tàr woo Nyùy won kù dzə̀ wun Nyùy wo wù sáʼ yúv wùn à nsay.

Joshua 2:24

Á suúy e Joshua jii, «Ké ru kí, Nyùy Tàr wày ne woŋ woo shooy e dzə̀m e vèsə́n kiwo. Jòkìnyàʼ, a kindzə́m kí kù gwar wir dzə̀m woo fó gwárin bìʼ vèsən.»

Joshua 2:8

Rahav siíy e kòʼ é kikfəv, e yèn vé ŋkiy vìy, a bó á yóʼ ne buùné, e sùúy aáwune jii,

Joshua 5:1

Á bèy, afon veé mbìv Jordan yee fo shùy yii nəə adzə̀me lòo yu mo Nyùy Tàr tinen ndzə́v yee Jordan, yí tiím, e mèé mo wír veé Israyi‑iì tumen e mày, tím yéví kpú, wún wóví seèm, la áwune yòʼ kfə̀n a ker vitaáví vée fùnèn wír veé Isray. Aàfon vee shooyi‑iì dzə̀ veé Amor wùn à veé Kanane, a veé Kanane‑eè dzə̀ kév a dzə̀ é ghaŋ se rìbà ndzə̀v.

Joshua 6:2

Nyùy Tàr yiì lò, e sùúy e Joshua jii, «Yuúrí, e yù, m wày ne ŋkàlaʼ yee Jeriko rə̀n e wò kiwo, à fòn, à vé rərí, a kù dzə̀ antav ve ghaʼtíné.

Joshua 9:10

e kfə̀n yù ke wù‑uù yiìn áàfon veé Amor vee abaà ve á dzəə̀n é ndzə̀n Jordan fèsə, vee ji Sihon woo fon woó Heshbon, à Og woo fon wìr veé Bashan, a wù dzə́ e Ashtarot.

Joshua 9:24

Áwune bìnèr e Joshua jii, «Vèr‑iì fàn a dzə̀ kpú, e bó a yiì bèy. Vèr‑iì lo yù kijuujùŋ ji Nyùy Tàr woo Nyùy won yòŋ ne a e ŋgaà lìm və woo Mooser ji wun wíy way a nsay rə̀n e věn kiwo. Vèn wíy lòo nəə́, é wun laàr á wir dzə̀m wo wù dzə́ sho.

Joshua 9:9

Á bìnèr jii, «Akwàn vée wìy ntàmda, bìʼ fo vèr‑iì yuun ne léŋ Nyùy Tàr woo Nyùy won. Vèr‑iì lo yù kinyo kidzə̀m ke wù‑uù yiìn é Ejiv,

Atǎr Nsaʼ 7:14

Ŋkar rə bìnèr jii, «Kin ki kù din a dzə̀ ji Gidiyon woo wan Joash woo wír woó Isray kù yíi ghaʼ vèsən é shùu rər. Nyùy kù wày ne mànjòŋ woó Midian e dzə̀m e wun kiwo bèy.»