Joshua 2:6 - ŊWÀʼ NYÙY

⁶ A Rahav suuy bèy, a wù kì lì ne vilum vìy, e kòʼ shó e kikfəv, e lìtì e sar se vishaarín ve làv ŋkom ve wù‑uù naŋsin e lèm fo.

Joshua 2:6 Iomraidhean Croise

2 Samuel 11:2

Wáa dzə e ŋkuùr wùmòʼ, Fòn Davir ŋáʼáy fo wù‑uù meemè, e kòʼ, a ghan e kikfəv ke lav. Wù lòo màʼ sí, e yèn wiíy wùmòʼ, a wù su wún, a wù bóŋ é ŋàŋ.

2 Samuel 17:19

Wiiy ŋgaà lav sə́tí shúu bii e kifá ki, e sàŋrì sáŋ é kitu wo, la wíri yòʼ a kiíy kifá ke kí dzəə̀n fó.

1 Afòn 18:13

Bó taàtá wom yòʼ sà‑aà lo yù kinyo ke mò‑oò yiìn é ghan se Jesebel‑iì yúyri aŋgàa ntum Nyùy Tàr á? Mò‑oò lìtì á áwune wií é mbvə̀ʼ sibaà, mtàn mtàn, a fo a viyíkìr wùn à mendzə́v mè aáwune.

1 Afòn 18:4

Yì‑iì dzə̀ é ghan se Jesebel‑iì yúyri aŋgàa ntum Nyùy, Obadia lì vee wií, e lìtì e mbvə̀ʼ sibaà, mtàn mtàn, a fo áwune viyíkìr wùn à mendzə́v mè.

2 Afòn 11:2

Yii bèy, Jehosheba woo wan Fòn Jehoram, a kfə̀n dzə̀ jemèr Ahasiya nèn shòŋ Joash woo wan Ahasiya fo wón ntoʼó mvəm, ve vé‑eè sí yìi yuyrí. Wù shóŋ, e nèn lìtì wùn liy və é mvə̀m lav kishìíy yìmòʼ. Á bèy, la Ataliya yòʼ dzəə yèn, e yùyrí.

Ŋwàʼ Fəə 2:2

Wiíy woo shooy bóŋ bvəm, e dzə̀ə́ wán lumèn. Wù yén, a wàn bóŋ, wù nèn lìtì ŋwee e taár.

Jeremia 36:26

Fòn lò bèy, e nèn tùm wan ntoʼ woo Jeraameel wùn à Serayia woo wan Asriel, à Shelemia woo wan Abdeel ji á koó á ŋgaà saŋ woo Baruk wùn *ŋgaà ntum Nyùy woo Jeremia. Yii bèy, a Nyùy Tàr kì lìtì ne áwune.

Matio 24:17

Wìr yú, a wù dzə̀ é kitu ke lav, sə́ʼəy ji wun sí nyéŋé, lá wù yòʼ kfə̀n a nəə́ e lav ji wun li kifá.

Remrí 22:8

«Wìr bóm lav ye fíy, wù fèr kay e kitu ke káy lav, e kaàrí sho, é yí fíʼ a teʼtín fo wìr lo, e gbù fo fo, é ŋgaà lav wiy e njò mensə e wun lav.

Kolosia 3:3

Vèn wáa kuumé ji vèn‑eè kpù ne fo ndzə fèn, a dzəʼə̀m yéné dzə̀ lèn a dzə̀ e Jesus Kristu kiwo mo Nyùy lèmèn shó, a bó á yòʼ sí yéné.

Hibru 11:23

Á wìy dzə̀ə́ Mooser, tàr wov wùn yè wov wáa dzə wír, a vé‑eè wày sá shilív e Nyùy wùn. Á nèn tèn sáʼ ye fòn‑eè saʼan ji á yúyrí wón vee vilum adzə̀m, e lì kév wán və̀y, a wù bóŋ é ŋàŋ, e lìtì e lav. Wù wáa dzə fo e bǎm ŋwee e taár, la á yòʼ a fàn sáʼ fòn gheéy.

Jeem 2:25

Kù dzə̀ sá mo ké Rahav wo yì‑iì dzəə̀n sàkì ki dzəə̀n. Kinyo ke kí din ji wù‑uù wáy rú shilív e Nyùy wùn kí dzə̀ ke wù‑uù yiìn. Wù‑uù səə̀sí aŋgàa ŋkiy ve wír veé Israyi‑iì tumen, e dìn dzə́ə ye sən, áwune léʼ.

Joshua 2:5

Ghán se á yii sə́ti shúu kày e meraaràŋ si kì ghèén, á nen fəə̀, kìn á dù dzə́ə ka, bo bó m yoʼ waà kìíy. Aá jùmrì cér, á waà kòóy.»

Joshua 2:7

Aŋgàa ntum fòn vìyi nèn fəə̀, a jùm wír vìy, a dù e dzəə̀ Jordan, e jùm, e dù mèé e tuumé ndzəv. Kù mo vé jùme kì fəən láʼ, á nèn sə̀tí shúu kày fo bàm.

Joshua 2:8

Rahav siíy e kòʼ é kikfəv, e yèn vé ŋkiy vìy, a bó á yóʼ ne buùné, e sùúy aáwune jii,

Joshua 6:25

Yii bèy, Joshua lùŋèr Rahav woo sàkì wùn à kfə́ə rəə́, bìʼ fo Rahav‑iì lìtìn aŋgàa ŋkiy ve wù‑uù tumen é Jeriko. Kfə́ə Rahavi ku nèn a dzə e Isray, e shem lán.