Joshua 2:5 - ŊWÀʼ NYÙY

⁵ Ghán se á yii sə́ti shúu kày e meraaràŋ si kì ghèén, á nen fəə̀, kìn á dù dzə́ə ka, bo bó m yoʼ waà kìíy. Aá jùmrì cér, á waà kòóy.»

Joshua 2:5 Iomraidhean Croise

Nehemia 13:19

M fó sáʼ ji lóo dzə e ŋkuùr kishìíy ke kí fó e kishiíy ké bam ki, á sə̀tí á shuu se kày, a yen a fóo mvə̀ʼ, a bó kishiíy ké bam ki shaá. M yòŋ bèy, e nèn lèmrì vé lìm vém ámóʼó é shuù se kày ji á wáa yen a fo kifá ki nəə́ á kay e kishiíy ké bam.

Aysaya 60:11

Shuu sén sé ŋkàlaʼ si sí wìy a tiynín sirə́ sirə́. Wìr yòʼ wíy a sətí, a fə̀m dzə̀ e shùy, a fə̀m dzə̀ vitsə́ʼə́. Sí kù wíy a tiynín sirə́ sirə́, é vitúm vi fiʼ yù fóo nəə́ e bùʼ wov, e fo e vèn. Á wíy a wìy sho, a vilìmbìy vév ví wíy a dzə afon vév.

Jeremia 50:20

Wíy lòo dzə e ghan fóo fèy, aá wáa tàʼ ŋgaà vinyò ve bi ví fo wír veé Israyí mvəm, é la wù yòʼ a dzə, a tàʼ wir liì kisaŋ fo Juda, é la wù yòʼ a dzə, bìʼ fo m wíy làysìn ajay wìr ve mò‑oò bavtin dzəʼə̀m yév, á bér. Suuy mo woo Nyùy Tàr.»

Esiker 47:12

Kfəə́ se vici vidzə̀m vi wíy a tèʼ, a koóm e ghaŋ se ndzəv fen, ye yí yii, a Ndzə́v Shiŋgwaŋe kfə́n e juŋ, aá wáa kòy, a kfər. Bó vav sév sí yòʼ wíy a yum e ghan símóʼ sí gheéy, a bó ví yòʼ wíy a shaàrì fó a koóm. Ví kù wíy a koóm báŋ se fíy si ŋwee sidzə̀m, bìʼ fo mendzə́v mev mè lo a dzə̀ fo Nyùy lav cù. Báŋ sév sí wíy a dzə viyíkìr, é vav sév sí wáa dzə shív.»

Joshua 2:4

Yii bèy, a wiíy və̀n kì lìtì ne wír vee abaà viy, wù nèn bìnèr jii, «Dzə̀ á rú, wíri lo wìy a, e nə̀ə́ a mo, bo wáa dzə a ji bó m yoʼ waà kìíy ji á sà kì wìy fó feé á.

Joshua 2:6

A Rahav suuy bèy, a wù kì lì ne vilum vìy, e kòʼ shó e kikfəv, e lìtì e sar se vishaarín ve làv ŋkom ve wù‑uù naŋsin e lèm fo.

Joshua 2:7

Aŋgàa ntum fòn vìyi nèn fəə̀, a jùm wír vìy, a dù e dzəə̀ Jordan, e jùm, e dù mèé e tuumé ndzəv. Kù mo vé jùme kì fəən láʼ, á nèn sə̀tí shúu kày fo bàm.

Ŋgaà Yen 21:25

Shuu se kày si kù wíy a tiy sirə́ ghán sidzə̀m, a bó wìr yòʼ wíy a sətí gheéy, bìʼ fo bó yòʼ dzə̀ ndzə yì sə̀n fó.

1 Samuel 19:14

Saul nèn tùm wíri ji á du, e wìy a e Davir. Á dù, wiiy və suúy ji wù waà joyì.