Joshua 2:4 - ŊWÀʼ NYÙY

⁴ Yii bèy, a wiíy və̀n kì lìtì ne wír vee abaà viy, wù nèn bìnèr jii, «Dzə̀ á rú, wíri lo wìy a, e nə̀ə́ a mo, bo wáa dzə a ji bó m yoʼ waà kìíy ji á sà kì wìy fó feé á.

Joshua 2:4 Iomraidhean Croise

2 Afòn 6:19

Elisha nèn sùúy aáwune jii, «Vèn jày ne dzə́ə. Mvə̀mlaʼ rə̀n yòʼ dzə̀ ye vèn taʼà. Vèn wáa wìy e mǒ bàm, é m li ven, e dù sho fo wìr wo vèn taʼà.» Wù nèn lì áwune, e dù sho e Samaria.

Ŋwàʼ Fəə 1:19

Áwune bìnèr e fòn jii, «Vikǐy Hibrùu yòʼ dzə̀ á moo vikìy veé Ejiv bèy. Áwune shwìr á e wan wo dzəə́n féyì. Wiíy yú wán, wù nèn dzə̀ə́ a dzəə́n, é bo máŋkooy wáa wìy.»

Jeem 2:25

Kù dzə̀ sá mo ké Rahav wo yì‑iì dzəə̀n sàkì ki dzəə̀n. Kinyo ke kí din ji wù‑uù wáy rú shilív e Nyùy wùn kí dzə̀ ke wù‑uù yiìn. Wù‑uù səə̀sí aŋgàa ŋkiy ve wír veé Israyi‑iì tumen, e dìn dzə́ə ye sən, áwune léʼ.

Joshua 2:3

Fòn nèn tsə̀nsí toóy ji Rahav wiy á e wír ve á wìyìn, e beè e wun lavi, bìʼ á fo á wìyìn ji á shwéʼ á woŋ e dzə̀m.

Joshua 2:5

Ghán se á yii sə́ti shúu kày e meraaràŋ si kì ghèén, á nen fəə̀, kìn á dù dzə́ə ka, bo bó m yoʼ waà kìíy. Aá jùmrì cér, á waà kòóy.»

Joshua 6:17

«Vèn kù kér fóo laàr ŋkàlaʼ wùn à kifá ke kí dzəə̀n shó ki kidzə̀m. Kifá kidzə̀m ki yíi a dzə nshwǐ Nyùy Tàr, a vèn yíi laàr laàrìn kidzə̀m, é may Rahav woo sàkì wùn à wìr dzə̀m wo wù dzəə̀n e wun lav ve á yíi bòy, bìʼ fo wù‑uù lìtìn vé ŋkiyi ve vèsən‑eè tumen.

Joshua 6:25

Yii bèy, Joshua lùŋèr Rahav woo sàkì wùn à kfə́ə rəə́, bìʼ fo Rahav‑iì lìtìn aŋgàa ŋkiy ve wù‑uù tumen é Jeriko. Kfə́ə Rahavi ku nèn a dzə e Isray, e shem lán.