Joshua 2:2 - ŊWÀʼ NYÙY

² Kí tó e fòn woó Jeriko kitùʼùr ji wír veé Isray ámóʼó wìy a fo vitsə́ʼə́ ji á shwéʼ á woŋ.

Joshua 2:2 Iomraidhean Croise

Nsùyrì Nyùy 127:1

A lòo dzə la Nyùy Tàr baʼri kibaʼrì, bo wír ve á baʼrìi kù búʼ buʼún. A lòo dzə la Nyùy Tàr shiy ŋkàlaʼ, bo shiiykìʼ nshìy lày kisáŋ.

Ŋgàn 21:30

A wìr fə̀m fìír e le, a kiíy jeéyjeéy fó vinyò, a tir wíri é le, bo bó yòʼ dzə̀ wù ghàʼ Nyùy Tàr.

Aysaya 43:13

M dzə̀ Nyùy, a m kù wíy a dzə Nyùy. A m màʼ kiwó, e ghàr wír sho, bo dzə̀ fə̀ə́r la wun fo mǒ kiwo? A m ŋàʼáy ji m sí yii kinyo, bo dzə̀ sə̀r la mo.»

Daniel 4:35

Wìr dzə̀m woó kitu ke nsay kù dzə̀ kifá kisáŋ e Nyùy si. Nyùy kù yii kinyo a dzə̀ ke kí gheen wun, a fə̀m dzə̀ wùn à nsheèlav sə́ sí, kìn wùn à wìr msòŋ woó kitu ke nsay. Wìr yòʼ dzə̀ shó wo a dzə̀ wù sə̀r Nyùy fo kinyò, a bó wìr yòʼ dzə̀ shó wo a dzə̀ wù dzə̀r e wun jii, ‹À yiì kin a dzə̀ ka?›

Joshua 2:1

Joshua woo wan Nun nèn tùm wír abaà fó Shittim fo vé‑eè bee ji á du á bám bám, e kìy á woŋ. Wù suúy aáwune jii, «Vèn du, e shwèʼ woŋ Kanan, bo taaka ŋkàlaʼ yee Jeriko.» Wír vìyi nèn lò, e dù mèé e ŋkàlaʼ fèy, e nə̀ə́ e sàkì wùmǒʼ lav, aá yoŋ ji Rahav, e beè fo.

Joshua 2:3

Fòn nèn tsə̀nsí toóy ji Rahav wiy á e wír ve á wìyìn, e beè e wun lavi, bìʼ á fo á wìyìn ji á shwéʼ á woŋ e dzə̀m.

Atǎr Nsaʼ 18:2

Wír veé ram Dane nèn lò, e tàr melav mev, e shòʼtí wír atàn ve dzəə̀n antav. Á shóʼ, e nèn tùm áwune fó ŋguùŋè Tsora wùn Eshtaol ji á wàá ghán á e wòŋ, e shwèʼ, e tàr mo wú dzəə̀n. Áwune ku nèn a dù, e lòo meé e wòŋ agwan veé Efrayim, e tò e Mayka laʼ, e nèn shìíy fo.