Joshua 2:19 - ŊWÀʼ NYÙY

¹⁹ A wìr wìy fəə̀ é ndzə, e dù e màdzəə̀, bo njò wíy a dzə rə́ə, é la vèr yòʼ lì lòn. Yii bèy, a kinyo ki wìy kòóy wír, a wù dzə̀ é mvə̀m lav vèn wun, bo njò dzə̀ yéer.

Joshua 2:19 Iomraidhean Croise

2 Samuel 1:16

Davir wáa suúy sho jii, «À kì fo wò kpu. Kù sùúy shuu wó ji à kì yùyrí á fon wo yoʼon Nyùy Tàr.»

2 Samuel 4:11

Á bèy, bo ké wìr wo wù yuyrin wír woo là jay, a wù buúne e wun lav ki yíi a dzə kfə́ é le? M lo lèn, e siìr ŋkfə́tír e věn kitu, e laàr ven fó kitu ke nsay.»

1 Afòn 2:32

Nyùy Tàr wíy siìr lǒn mensə me wìr ve wù‑uù yuyrin kisáŋ e wun kitu. Wù‑uù yùyrí wír abaà, a bó tàr wor Davir yòʼ kì fó fo, a wír vìne‑eè dzə̀ wír vee jwáʼ, a liì wov bóŋ, e shaà wo Joav. Wù‑uù yùyrí Abner woo wan Ner wo wù‑uù wám vé rər veé Isray, e kfə̀n wìy yùyrí Amasa woo wan Jeter wo wù‑uù wám vé rər veé Juda.

Ŋwàʼ Fəə 12:13

Fo kén kí, mensə́ me vèn yoʼon é shuù se lav mè yíi a dzə kisəəm ke kí din lav se vèn dzəə̀n shó. M yíi yén, é m nèn yàʼáy, e shaà, e làa yòʼ dzə́ə màʼ ŋgeʼ e věn kitu e ghan se m yíi a màʼ ŋgeʼ ye tavín e wír veé Ejiví kitu.

Ŋwàʼ Fəə 12:22

Vèn li kiŋkur ke *hisov ki, e sə̀ʼ mensə́ sho fo kighin, e yòʼ mboòmè se shuù se lav si shó fo yuv wùn à fó ghaŋ si, é la wìr fo vèn, fə̀m e mòʼón yòʼ fəə̀ shúu lav, e meé mo ndzə yíi jàv.

Ŋwàʼ Fəə 12:23

Nyùy Tàr yíi lòo shaà, lóo yuyrí wón veé Ejiv vee vilum, yén mensə́ e mboòmè si, é wù nèn yàʼáy shúu lav woo shooy, e làa yòʼ dzə́ə biimé é ŋgaà laàr nəə́, e yùyrí wón vén.

Cù 20:11

A wìr lì kifə́sín ke yè wov, bo wù shòór ne tàr wov. Aá kù yúyri ŋgaàŋ wùn à wiíy woo shooy. Kpú yéví kù dzə̀ aáwuné wo.

Cù 20:9

«A wìr kuù tàr wov, kìn yè wov, á kù yùyrí ŋgaàŋ. Kpú rəə́ kù dzə̀ e wun kiwo.

Matio 24:17

Wìr yú, a wù dzə̀ é kitu ke lav, sə́ʼəy ji wun sí nyéŋé, lá wù yòʼ kfə̀n a nəə́ e lav ji wun li kifá.

Lim Aŋgàa Ntum 18:6

Áwune nèn wìy lò, a tun kinyo kfə́, a kuùrì wun. Wù nèn dzə̀vtì viváy və́, e sùúy jii, «A vèn lày, bo dzə̀ nsaʼ yen, bo bó m yòʼ kì kinyo fo fo. Kèʼ fo lèn, m sí yiì a ghan a dzə̀ fo wír ve bó yòʼ dzəə̀n veé Judàa.»

Lim Aŋgàa Ntum 20:26

M nén a suúy e vèn lèn kiránén jii, a wìr sìíy, e lày, kù kìíy a ŋgaàŋ, bo bó m yòʼ kì kinyo fo fo.

Lim Aŋgàa Ntum 27:31

Por kiíy, e sùúy e kilìmbìy ke rər kí wùn à wír vəə́ jii, «A vé kikoŋe dzə̀ là fó gòʼ sa e kikoŋ, bo bó wìr yòʼ wíy lùŋ.»

Filipi 3:9

é vèr wun maysi, e làŋsìn, a dzə kifá kimòʼón. M dzə̀ lèn bèn, a Nyùy lì ne mo ji wír wo wù gheenen fo wun, a bó yòʼ dzə̀ ji m lèm a nsər sidzə̀m, a dzə là jay. Wù lì bìʼ fo m wayin shilív e Jesus Kristu wùn. M nen ghèén fo wun woo Nyùy lèn mo wír adzə̀m ve á wáy shilív e Kristu wùné gheenè.

Hibru 10:29

Mo kí dzəə̀n bey, bo bó wìr wo wù leey kfə́ a dzə̀ Wan Nyùy ntéŋ yòʼ wíy a ker ŋgeʼ ye yì shaàn yee shooy feyì à? A dzə̀ wù kù a ker, bìʼ fo wù yii bèy, káy a dzə̀ kpú ye Wàn Nyùy‑iì kpuun, e bóo gwàr *mensaŋ me Nyùy liìn ŋgaàŋ ji və́ə woo wír. Ŋgaàŋ kfə́n a meŋ sa a dzə̀ Kiyoy ke Nyùy ke kí yii, a wìr kiiy mo Nyùy shám wun.

Joshua 2:12

M nén a lon jii, mo m yiìn ne kijuŋ e vèn, vèn liʼ ri e Nyùy Tǎr yir ji vèn yíi yiì sa kijuŋ e mò, e kfə̀n yiì e kfə́ə yémé. Vèn fó ri mo kisəəm, é m fiʼ kìíy rú jii,

Joshua 2:14

Wír vìyi bìnèr sho jii, «Kpúu li ver, a vèr fen dzə̀ làa yòʼ bavtí ven. Aà dzə̀ làa fiìnè ver, bo vèr yíi a leéy fo wò e ghan se Nyùy Tàr foon ne nsay rə̀n ji yéer.»

Joshua 2:20

Yii bèy, aà bì wír kinyo ke vèr wìyìn, bo bó vèr yòʼ dzəə́ yìi ghvəm kilìʼ ke à yiìn vèr líʼ, a bó vèr yòʼ yíi a ker njò yìmòʼ.»