Joshua 2:18 - ŊWÀʼ NYÙY

¹⁸ Vèr wíy wiy e wòŋàn, à kù sə̀ə́y kinsàr ke ndzə̀y ke kí shé kìn e shùu wundu fèn wo à fəərin ver fó fo, é vèn báʼtí e wò lav, vèn à tàr won, à yè won, e lì lúmér sé wùn à wìr dzə̀m woo tàr wón kfəə.

Joshua 2:18 Iomraidhean Croise

Kèʼlo 12:2

M wíy yiì, áà wáa ker kfəə́, é yí wìy a dzə kitúm ke kuʼùn kí. M wíy bùʼ wò, e yiì, é yír yée wáa dzə yír ye kuʼùné, áà wáa dzə wir kisəə̀vì fo wíri.

Kèʼlo 7:1

Nyùy Tàr nèn lò, e sùúy e Noa jii, «Lì kfəə́ yee wò lavi e dzə̀m, é vèn áwune nəə́ é kikoŋ. M yèn ne ji kù mày a wò fo ŋgwàʼ yee lán, wo à yii mo m taʼà.

Esta 8:6

A dzə̀ mo woo Esta, m ghàn é le, e bóo yu fóo kur tím, a yen mo rə́mrə́m kinyòo gbu e wír vémé kitu? A kù yòʼ dzə̀ m kùr tím, a dzə, a yen mo á laar wír vém á?»

Ŋwàʼ Fəə 12:13

Fo kén kí, mensə́ me vèn yoʼon é shuù se lav mè yíi a dzə kisəəm ke kí din lav se vèn dzəə̀n shó. M yíi yén, é m nèn yàʼáy, e shaà, e làa yòʼ dzə́ə màʼ ŋgeʼ e věn kitu e ghan se m yíi a màʼ ŋgeʼ ye tavín e wír veé Ejiví kitu.

Yòv Viŋgér 4:3

Ntùshuù baŋ fo wò moo làv wo á baàrsìn, à lóo suŋnín, shúu wàa kìʼ fo wò bèn e juujùŋ. Vijeʼ vé vi yénsin fo bǎm ndzə̀y se à sùmèn kitú sho virúnkín virúnkín.

Cù 14:4

é taà cù yoŋ vifá ve kfəmrí ve á wiy shó. Á kù taʼ menə́n me yòʼ dzəə̀n me kifàn mè mebaà, a mè dzə̀ metin, e tàʼ sa kinsév ke kici ké *sidar, à shinsàrìn she ndzə̀y she shí baaŋè shi, à tíŋ *hisovi.

Kintaŋ 19:6

Taà cù yíi lì kinsév ke kici kee *sidar wùn à kitiír ké *hisov ki, à làv ndzə̀y wo baar, e màʼ e və̀y fo nyàm rə̀y shwí.

Kintaŋ 4:8

e nèn kfə̀n sàŋrì ndzə̀y yee làv wo wù baŋ ji rèm e kitu wo, e bóo sùm kidzə̀m e jùv nyàm ndzə̀v, e nèn wayrí vintoòr və́.

Ŋwàʼ Luk 19:9

Jesus yú bey, e sùúy jii, «Wír veé lav fène lùŋ ne lán, bìʼ fo wìr və̀n dzəə̀n sá wán woo Abraham ram,

Lim Aŋgàa Ntum 10:27

Wù nèn lò, wùn Pita wáa suŋnín, a nəə́ e lav. Pita yén, a wíri báʼtí fó anín,

Lim Aŋgàa Ntum 10:33

M yú bey, e kù nèn tsə̀nsí ntum ji à wiy. À wíy ben, kí bóŋ féyì. Vèr nén a dzə fèn lèn adzə̀m e Nyùy si, a shìy ji á yú kinyo ke Nyùy Tàr tiisin ji à wiy, e fèr e vèr.»

Lim Aŋgàa Ntum 11:14

Wù yíi wìy, é wù fiʼti á kinyo ke wùn à wír vee wùn laʼa wíy lùŋ fo fo.

2 Timoti 1:16

Yii bèy, Onesiforur yòʼ‑oò lo woòmé, e màʼày mo ji bìʼ fo m siìn é sháŋ. Nyùy ku laàmé wùn à kfə́ə rəə́ bìʼ kee shooy. Wù‑uù rə́si yii akàŋ anín, a m shéʼri.

Hibru 9:19

Yì‑iì dzə̀ é ghan see shooy, Mooser tómbìy yòŋ nsər se Nyùy‑iì foon bìʼ mensaŋ mee shooy, wíri yú adzə̀m. Wù nèn lì mensə́ me bvəy wùn à me nàʼ mè, e shwìr é mendzə̀v, e wàŋ é ŋwàʼ wo vé‑eè saŋen nsər see shooy sho, e kfə̀n wàŋ sá e wírí wùn. A wù‑uù lì a dzə̀ kikwiíy ke á yoŋ ji *hisov wùn à wúy njiì ye vé‑eè baàrsìné, e bó a waŋ sho.

Joshua 2:21

Wù bìnèr jii, «Kí kù tíy e věn jì, e nèn tsə̀nsí, á wáa dù. Á dù, wù kúr kinsàr ke ndzə̀y ke kí shé kìy e shùu wundu.»

Joshua 6:23

Wónlě nsùm vee aŋgàa ŋkiy vìyi nèn dù, e fə̀ə́r Rahav wùn à kitàr kí, à kiyìy kí, aàfə́r vəə́, à wìr dzə̀m woo wun kfəə. Á fəə́r wùn à kfə́ə rəə́ e dzə̀m, e nèn dù lèm e shweesí kibeèy keé Isray.

Joshua 6:25

Yii bèy, Joshua lùŋèr Rahav woo sàkì wùn à kfə́ə rəə́, bìʼ fo Rahav‑iì lìtìn aŋgàa ŋkiy ve wù‑uù tumen é Jeriko. Kfə́ə Rahavi ku nèn a dzə e Isray, e shem lán.