Joshua 2:16 - ŊWÀʼ NYÙY

¹⁶ Wù lòo səʼə́r, e sùúy aáwune jii, «Vèn du áàgwan, fo vé jwime yén ven. Vèn lir fó vishiíy vitaár. Á yií jwím ntéŋ, kfə́n e bàm, é vèn nèn fəə̀, a dù du yén.»

Joshua 2:16 Iomraidhean Croise

Nsùyrì Nyùy 11:1

M lir a dzə̀ e Nyùy Tǎr wùn, a dzə̀ vèn ghàn é le, e bó a suúy e mò jii, «Féŋ é njà shinə̀n, e kòʼ áàgwan.

Jeem 2:25

Kù dzə̀ sá mo ké Rahav wo yì‑iì dzəə̀n sàkì ki dzəə̀n. Kinyo ke kí din ji wù‑uù wáy rú shilív e Nyùy wùn kí dzə̀ ke wù‑uù yiìn. Wù‑uù səə̀sí aŋgàa ŋkiy ve wír veé Israyi‑iì tumen, e dìn dzə́ə ye sən, áwune léʼ.

Joshua 2:15

Mo lav ye Rahav‑iì shiiy sho‑oò làŋsìn wùn à kirə́v ké kày yeé ŋkàlaʼ ki, wù nèn lì wír vìy, e sə̀ʼə́r e kfəə̀ fó shùu wundu e bǎm kày.

Joshua 2:22

Vé ŋkiy vìyi ló, e dù aàgwan, e dzə̀ʼə̀m fo vishiíy vitaár, e meé mo vé‑eè yenen ji á jwìm á ne áwune ntéŋ, e kfə̀nkír. A vé‑eè lo jwìmér áwune vitóŋtóŋ vidzə̀m, e làa yòʼ yen.

1 Samuel 23:14

Davir ku nèn a lìr aàgwan veé woʼ yee Tsiv, a Saul jwímer wun vishiíy vishiíy. Yii bèy, la Nyùy Tàr yòʼ wày Davir e wun kiwo.

1 Samuel 23:29

Davir nèn lò kfə́, e dù e virə̀ʼ vé kilìr veé mbìv En‑Gedi.