Joshua 2:12 - ŊWÀʼ NYÙY

¹² M nén a lon jii, mo m yiìn ne kijuŋ e vèn, vèn liʼ ri e Nyùy Tǎr yir ji vèn yíi yiì sa kijuŋ e mò, e kfə̀n yiì e kfə́ə yémé. Vèn fó ri mo kisəəm, é m fiʼ kìíy rú jii,

Joshua 2:12 Iomraidhean Croise

Kèʼlo 21:23

Yiì kilìʼ kí wòsò e Nyùy si ji bó à yòʼ wíy yiì a kinyo ke kisaŋ ki e mò, kìn e wón vémé, kìn e wón won vémé. À dzə̀ kiŋgwìy e wòŋàn, a mò‑oò lo səə̀sí wò kijuŋ. Ku keèrí sa mo bey, a dzə e wòŋàn ji nyaáŋ.»

Kèʼlo 24:3

M taʼ ji à kan á yír Nyùy Tàr wo wù bomen yúv wùn à nsay ji bó à yòʼ yíi tàʼ a wiiy wan wom a dzə̀ fo wón veé Kanan ve vèr áwune dzə́ fèné mvəm.

Kèʼlo 24:9

Wìr lìm Abraham və̀y nèn wày kiwó kfə́ e tàr wov lìm sar kibìy, e yiì kilìʼ wùn wun bìʼ kinyo kee shooy.

Kèʼlo 40:14

Kii wò, kinyo ké ki yií boŋè, à kù kuùmé mo. Ku naàrì kinyo kém kí e Farao, é wù fəə́r mo fó sháŋ fen.

2 Wòŋ 36:13

Fòn Tsədekiya nèn lò, e mèŋ sáʼ Fòn Nebukadnessar, a Fòn Nebukadnessar‑iì yiì ne, Tsədekiya lìʼ e Nyùy yir ji wun yíi a neŋ a e wun sar saʼ. Tsədekiya kú a tav kitú tavín, e tèn fó bìnèr shilív sə́, e kfən fo Nyùy Tàr woo Nyùy wìr veé Isray wùn.

Esta 8:6

A dzə̀ mo woo Esta, m ghàn é le, e bóo yu fóo kur tím, a yen mo rə́mrə́m kinyòo gbu e wír vémé kitu? A kù yòʼ dzə̀ m kùr tím, a dzə, a yen mo á laar wír vém á?»

Ŋwàʼ Fəə 12:13

Fo kén kí, mensə́ me vèn yoʼon é shuù se lav mè yíi a dzə kisəəm ke kí din lav se vèn dzəə̀n shó. M yíi yén, é m nèn yàʼáy, e shaà, e làa yòʼ dzə́ə màʼ ŋgeʼ e věn kitu e ghan se m yíi a màʼ ŋgeʼ ye tavín e wír veé Ejiví kitu.

Jeremia 12:16

Vitúm vìn vi dzə̀, a ví‑iì dànèr wír vém, á wáa kàn a dzə̀ nyùy woo *Baal. Yii bèy, aáwune kùvsín lèn, a jùmrì liì wìr vém, a yiì mo wù dzəə̀n, a kàn a dzə̀ yír yém ji Nyùy Tàr dzə̀ shó e tin, bo áwune sí yìi tuúy e wír vémé mvəm.

Maak 14:44

A ŋgaà menàŋ və̀y kì sìysì ne wùn à wír vìyi jii, «M yií wiy, shaʼtì wír, baáme, bo dzə̀ ŋgaàŋ. Vèn ghàr kijuŋ, a dù sho, a yen fo wù nyéŋ.»

Ŋwàʼ woó Rom 1:31

Áwune nen lò, a jìŋ jìŋèn, a bó wìr yòʼ dzə̀ shó wo wù tíy e wùn jì gheéy. Á kù nyavrì e wíri nyávrin, a bó yòʼ dzə̀ wìr shàm wír.

1 Timoti 5:8

A wìr dzə̀ là fó a leéy fo kfə́ə rəə́, taaka nsaàlav rə, bo wù sí maʼày kinyo ke vèsən wayin shilív shó, e màysì, e bir lèn, e shaà wír wo bó yòʼ dzəə̀n wir Kristu.

Jeem 2:13

A kí dzə̀ jii, Nyùy wíy lòo tàr ké wìr kee kinyo, é la wù yòʼ a rər a mendzən fo wìr wo bó wù yòʼ‑oò ló a rər sa fo wír ámóʼó. Yii bèy, lóo dzə wír wo wù‑uù rə́r mendzən me wír ámóʼó, é Nyùy rə́r sá mvə́ə.

Joshua 2:13

vèn yíi bavtí vèr à tàr wor, à yè wor, à lúmér sém sí wùn à jemèr si, à wìr wov e dzə̀m, e sə ver adzə̀m fo kpu.»

Joshua 2:18

Vèr wíy wiy e wòŋàn, à kù sə̀ə́y kinsàr ke ndzə̀y ke kí shé kìn e shùu wundu fèn wo à fəərin ver fó fo, é vèn báʼtí e wò lav, vèn à tàr won, à yè won, e lì lúmér sé wùn à wìr dzə̀m woo tàr wón kfəə.

Joshua 2:19

A wìr wìy fəə̀ é ndzə, e dù e màdzəə̀, bo njò wíy a dzə rə́ə, é la vèr yòʼ lì lòn. Yii bèy, a kinyo ki wìy kòóy wír, a wù dzə̀ é mvə̀m lav vèn wun, bo njò dzə̀ yéer.

Joshua 6:22

Kí wáa koóy bèy, a Joshua kì yòŋ ne e vilum vee abaà ve vé‑eè shweʼen woŋe jii, «Vèn du e Rahav lav, e fə̀ə́r wùn à kfə́ə rəə́ mo vèn‑eè kàʼàn wun.»

Joshua 9:15

Joshua nèn gwàr kikoŋnìn wùn áwune, e gwàr mensaŋ ji bó yòʼ dzə̀ á kfə̀n laàr a áwune. Vilìmbìy veé Isray vi nèn fìnèr e kilìʼ kí.

Atǎr Nsaʼ 1:24

Vé ŋkiy vìyi lòo dù, e yèn wír, a wù fəə́ fo ŋkàlaʼ, áwune nèn a lon wun jii, «Kii wò, ku dìn ver dzə́ə ye yì nəə e ŋkàlaʼ, é vèr yiì nə̀ʼsín wò.»

1 Samuel 30:15

Davir dzə́r e wun jii, «A dzə̀ à dìn mo fo ŋgoo rə̀r yee shooy dzəə̀n á?» Wù biímé, e sùúy jii, «Kàn yír Nyùyi ji à yòʼ yíi yuyrí mo, kìn ji à yòʼ yíi siìr mo e tàr wor lìm, é m nèn lì wò, e sə̀y shó fo áwune dzəə̀n.»