Joshua 2:11 - ŊWÀʼ NYÙY

¹¹ Kù mo vèr‑iì yuun vinyo vìn, tím yérí kpú, wìr dzə̀m seèm bìʼ ven. Rúrú, Nyùy Tàr woo Nyùy won kù dzə̀ wun Nyùy wo wù sáʼ yúv wùn à nsay.

Joshua 2:11 Iomraidhean Croise

1 Afòn 8:60

é wìr dzə̀m woó kitu ke nsay wáa kiíy ji kù mày Nyùy Tàr wo dzəə̀n Nyùy, a bó wùmòʼ yòʼ kfə̀n dzə̀.

2 Afòn 5:15

Naaman wùn aàŋgàa ŋgoo vəə́ nèn kfə̀n é bàm fo ŋgaà ntum Nyùy, e tìím e si wo, e sùúy e wun jii, «M kìíy ne lèn rú ji bó Nyùy wùmòʼ yòʼ kfə̀n dzə̀ shó e kitu ke nsay, e shaà woó Isray. Kò ri fómo wo ŋgaà wò lìm wìyìn shó.»

Nehemia 6:16

Aŋgàa vibàn vérí yú kinyo kìn, vitúm ve ví kaarin ver vidzə̀m vi yú sá, e nèn a fàn, e yèn vitú vév ji á dzə̀ á là kitar. Áwune‑eè yèn rú ji vèr yii lim rə̀n, a dzə̀ á e Nyùy wór vitaaví.

Esta 8:17

Sáʼ fòne ku nèn a ghanén e mbìv wòŋ, a ghanén e ŋkà se laʼ, wír veé Juda ve vé‑eè dzə̀kìn fóo wáa sheʼrí adzə̀m. Áwune nèn a yu vijuŋ, a kàʼ ŋkàʼ sí, a ker kibaámé, a yinín. Wír ve dzəə̀n féyì ji wón nsayi ku nèn lò, a bìnkìr anín, a kfən ji wír veé Juda, bìʼ fo vé‑eè sí fan wír veé Juda fánen.

Nsùyrì Nyùy 102:15

Vitúm vi wíy a ghvəm yír Nyùy Tàr, áàfon veé kitu ke nsay adzə̀me wáa leéy vikuʼùy və́, a fàn,

Nsùyrì Nyùy 22:14

Vitaáví vém ví nyòóy ne e mày, e nyòóy moo mendzə́v me á səə̀rìn fó nsay, a vighvə́r vém ví sìmsìn ne, shilív shí yaáné mo moo ghám vilù.

Nsùyrì Nyùy 58:7

Ku yiì, aáwune ŋeémé, e lày moo kibúŋrí, aá nyeŋri áwune, aá yúm moo viŋgà.

Nsùyrì Nyùy 83:18

Yìi, aáwune kiíy ji kù jòʼsì wò Nyùy Tàr, a kiíy ji kù dzə̀ wò Taà Vitu wo wù sáʼ kitú ke nsay.

Ŋwàʼ Fəə 15:14

Vitúm vi wíy yu, a yàʼ, tímé wíy kpu wír veé Filistia.

Ŋwàʼ Fəə 15:15

Wúné wíy beemé afon veé Edom, vilìmbìy veé Moav vi wíy a yàʼ. Melív mè wíy seèm wír veé Kanan, aá weey.

Aysaya 13:7

Á bèy, fáne wíy yiì, é wìr dzə̀m weʼ wéʼen, a bó wìr yòʼ kfə̀n dzəə́ wìy yu fóo yiì kifá.

Aysaya 19:1

Sáʼ Nyùy yee kùm Ejivi rə̀ne. Yí dzə̀ jii: Vèn yuúrí, Nyùy Tàr sí du e Ejiv, a wù du a dzə̀ é mvə̀m mbàʼ ye yì shaa ji ghàár. Wù yíi meé fo, áànyùy veé Ejivi wáa fàn, a yàʼ, é tím wìr dzə̀m woó Ejivi kpú, e rə̀.

Esiker 21:15

Kí kooy bèy, é melív me wìr vém mè seem, é nyanyày wìr gbukir, a nyùy yem kù taáme áwune é shuù se kày sidzə̀m. Yì bavkìr e njà kishèv, aá sáy, a kù dzə̀ ji yì wáa laàr.

Nahum 2:10

Nineve sì é vifə̀m, wù sì é ŋgèŋgèr, a sì kirə́ʼ kisáŋ. Fane shèr ne melív me wíri, ŋkoŋ si shwáʼsín wíri shwáʼsín, vitaáví ví máy, síi sə́n wir dzə̀m sənén.

Remrí 1:28

A dzə̀ vèr wàa dù ka fó? Afə́r vérí wày ne kindzə́m e věr shiliv. Áwune yoŋ ji wír vee fóo dzə̀ á viŋgáʼ viŋgáʼ, aá waà kfə̀n tàvkír, e shaà a ver, a ŋkà se laʼ sév sí dzə̀ á vikum, a virə́v vév vé kày vi kóʼ, kum a yúv. Kífoy wáa dzə ké rám Anak ye áwune‑eè yenen á fo.›

Remrí 20:8

«Á bèy, é vitú ve saʼ vi kú a shaà fo mbìy, a saarí e wírí si jii, ‹Lùmèn dzə̀ shó fèn, wo wù fanè, a dzə̀ mkpushìlìv á? A wù dzə̀, wù wàa kfən e bàm e wun laʼ. Búŋ là bey, bo melív me afə̀r mè lo, e seèm sa moo sə́.›

Remrí 4:39

Vèn kiíy é kishiíy ké lán ki ji Nyùy Tàr dzə̀ á Nyùy, e làa yòʼ wìy mùm, e làysìn. Wù dzə̀ é yuv, e kfə̀n a dzə e nsay, a bó wùmòʼ yòʼ kfə̀n dzə̀.

Joshua 14:8

Yii bèy, afə́r vém ve vèr áwune‑eè duùné wìy kév, e kèr tím wíri, á wáa fàn. A m kù‑uù tíy kém a dzə̀ vèr Nyùy Tàr woo Nyùy wom vèr à shilív shém shí shidzə̀m.

Joshua 2:24

Á suúy e Joshua jii, «Ké ru kí, Nyùy Tàr wày ne woŋ woo shooy e dzə̀m e vèsə́n kiwo. Jòkìnyàʼ, a kindzə́m kí kù gwar wir dzə̀m woo fó gwárin bìʼ vèsən.»

Joshua 5:1

Á bèy, afon veé mbìv Jordan yee fo shùy yii nəə adzə̀me lòo yu mo Nyùy Tàr tinen ndzə́v yee Jordan, yí tiím, e mèé mo wír veé Israyi‑iì tumen e mày, tím yéví kpú, wún wóví seèm, la áwune yòʼ kfə̀n a ker vitaáví vée fùnèn wír veé Isray. Aàfon vee shooyi‑iì dzə̀ veé Amor wùn à veé Kanane, a veé Kanane‑eè dzə̀ kév a dzə̀ é ghaŋ se rìbà ndzə̀v.

Joshua 7:5

Vé‑eè kòʼ, e mèé e shùu kày, wír veé Ayi fəə́, e jùm áwune, e sə̀ʼə́y gwan, e dù, e mèé fo á túŋ tíy, e yùyrí wír veé Isray moo nshòv ntuùfú e mtaár bèy. Melív me wìr veé Isray mè seém, áwune kfə́n a fàn.

Joshua 9:24

Áwune bìnèr e Joshua jii, «Vèr‑iì fàn a dzə̀ kpú, e bó a yiì bèy. Vèr‑iì lo yù kijuujùŋ ji Nyùy Tàr woo Nyùy won yòŋ ne a e ŋgaà lìm və woo Mooser ji wun wíy way a nsay rə̀n e věn kiwo. Vèn wíy lòo nəə́, é wun laàr á wir dzə̀m wo wù dzə́ sho.

Ŋgaà Yen 6:16

a fuŋ agwan wùn à vilán vi jii, «Vèn ku keèsì e věr vitu, e kìŋ ver fo ŋgaà wo wù dzə́ e kàvàʼ yén ver, é vèr fíʼ bòy fo ŋgeʼ ye Wàn Njiì sí sə́ti nsay sho rə̀n.