Joshua 19:9 - ŊWÀʼ NYÙY

⁹ A vitsə́ʼ vév ví‑iì dzə̀ e vé rám Juda ví mvəm, bìʼ fo Joshua‑aà fò nsay e rám Judàa, yì kúʼ fo áwune, e shaàsìn. Á bèy, wù nèn bày mvə́m, e fò e rám Simeone.

Joshua 19:9 Iomraidhean Croise

Kèʼlo 49:7

Dòʼshwíiy wov dzə̀ e biíbí, melív mev mè sə́n é ŋàŋ, a lòné dzə̀ wóv. M wíy bvəə́r áwune, aá sáŋrí e wír Jakoví mvəm. M wíy taʼár áwune é nsay Isray.

Ŋwàʼ Fəə 16:18

Á lòo fìʼ e kighín kighin, la ké wìr wo wù kì baʼtin kikuʼùn kí yòʼ kùʼ e shaàsìn, la ké wìr wo wù kì baʼtin shishàr ki yòʼ dòrnín. Wìr‑iì báʼti mo wù baʼtin, ví kù ghèén mo a dzə̀ wír vee wun lavi yì.

Esiker 48:7

Nsay ye yì səʼən ye rám Ruben dzə̀ ye rám Juda, a yì shèr woŋ fo mbìv yee fo shùy yii tó, a kfənér fo yì yii nəə.

Kintaŋ 26:54

Lóo dzə rám ye yí kùʼùn, á fò yéev e kuʼùn. Lóo dzə ye yí dorin, á fò yéev shishàr. Rámé kù wíy a sə kév kee kirə́ʼ mo wír ve á taŋené dzəə̀n.

Joshua 19:10

Kirə́ʼ ke Joshua‑aà tàrìn kí fəə́ ji taár, wáa dzə ké rám Sebulun. Nsay yev‑iì neèm ben, e dù mèé e Sarid. Á fó aáwune mo kfə́ə sév sí dzə̀kìn.

Joshua 19:8

e tàtí ntèʼ se sí‑iì kaarin fó sidzə̀m, e dù, e meé e Baalat‑Beer wo dzəə̀n sá ji Rama woó Negev. Á vitsə́ʼ vé wìr veé ram Simeon mo kfə́ə sév sí dzə̀kìn.