Joshua 19:26 - ŊWÀʼ NYÙY

²⁶ Allammelek, Amad, à Mishal. Fo mbìv yee fo shùy yii to, bìíy yev kúm Gwan Karmel wùn à Shihor‑Libnat,

Joshua 19:26 Iomraidhean Croise

1 Afòn 18:19

Lèn və̀n, kí nén a dzə jii, ‹Fòn toóy á wír veé Isray, aá báʼtí adzə̀m e mǒ si e Gwan Karmel. Fòn toóy á sa aŋgàa ntum Baal vee kishóv mtàn e ghiì kweè, e tòóy sa vé nyùy woo *Ashera vee ghii kweè ve Yaà Jesebel yiirì, aá báʼtí fó.› »

1 Afòn 18:20

Fòn Ahav nèn tòóy wír veé Isray adzə̀m, e kfə̀n bàʼtí aŋgàa ntum Baal e Gwan Karmel.

1 Afòn 18:42

Fòn Ahav dù ji wun waà sí yíkir, e kfə̀n no a kifá, Elija kóʼ é kitu ke Gwan Karmel, e tsə̀m ndzəə́, e wày kitú kfə́ e wun nsàn vibìy.

2 Afòn 2:25

Elisha lò fo fo, e kòʼ é Gwan Karmel, e siì kfə̀n é Samaria.

1 Wòŋ 6:74

E nsay rám Asher, á fó áwune Mashal wùn à Abdon,

Yòv Viŋgér 7:5

À nan kitú ké e yuv, kí wàa tiy moo Gwan Karmel, a nə́ŋ si səə́ne fo wò kitu bèn, kiʼ sinjaʼkìn moo làv wo á baàrsìn. Mo woo fon wò, leey vijuŋ vé, m mèŋ fo m dzəə̀n.

Aysaya 33:9

Nsay kù sí diy moo wír wo wù dìyìn kpú, vitaáví ví máy. Vicí vé *sidar veé Lebanon vi yùm ne, a tiy moo wír wo wù bùʼùn kinyo, a woomé. Nsay ye borín yee Sharon sì ji wóʼ lèn, vicí veé Bashan wùn à veé Gwan Karmel vi sòóy ne vidzə̀m.

Aysaya 35:2

Vibuushì ví wíy saàm fo kijuŋ, é kishéʼrì ke ghaʼán kí gbu, é yòv wáa koʼ. Nyùy Tàr wíy yiì, é vifá vi teʼ, e rə̀ŋsìn e woʼ moo kóv woó Lebanon, e yiì, é nsay yee fó bór moo yeé Gwan Karmel, e bor moo Mboʼ Sharon. Wíri wíy a yen vikuʼùy vé Nyùy Tàr, a yen mo Nyùy wòsən dzəə̀n e gháʼtín.

Aysaya 37:24

À tùm vé lìm vé, á wíy, e shèʼ Nyùy Tàr, aà raʼsì wún ji *viténtén vé ve rər ví dzə̀ vigháʼán, aà sə̀ŋ ne, e kòʼ shó e vitu ve agwan, e kóʼ shó feyì e ntoò agwan veé Lebanon. À sévti ji à bàʼtì ne vicí vee fó, vicí vee *sidar ve darkìn ví, kfə̀n bàʼtì vicí vee dzəʼə̀y ve juŋ vi. À dzəv nsaŋ ji wò‑oò kòʼ é kǒv Lebanon, fə̀m mo wú‑uù rə̀ŋsìn, à kóʼ féyì, e mèé e loògwan.

Jeremia 46:18

Nyùy Tàr woo Taà Mànjòŋ dzə̀ Fon. Wù suuy jii, «Mo m dzəə̀n shó e tin, ŋgaà vibàn yíi nəə́ ven, a wù dzə̀ moo Gwan Tabor, wo wù somen, e shaà agwan, e kfə̀n a dzə̀ moo Gwan Karmel, wo wù jáʼ e kitu ke rìbà ndzə̀v.

Joshua 15:55

Símóʼ si wáa dzə Maon, Karmel, Tsiv, Jutta,

Joshua 19:25

Nsay yev‑iì tàtí ŋkà se laʼ see jii, Helkat, Hali, Beten, Akshaf,

Joshua 19:27

e nèn tèém, e kìʼ mbìv yee fo shùy yii tó, e dù e Bet‑Dagon, e kùm nsay Sebulun wùn à mboʼ yeé Iftahel, a dù duùn kuy, e shaà Bet‑Emek wùn à Neyiel, e kù a dù kuy, a shaà Kabul,

Joshua 21:30

Fo nsay rám Asher, á shóʼtí ŋkà se laʼ sikweè, sidzə̀m wùn à kwáʼ sév sé nyàm si. A sí dzə̀ jii, Mishal wùn à Abdon,

1 Samuel 15:12

Ndzə bvəə́shi jàv, Samuel kóʼ ji wun du yen a Saul, e nèn yù ji Saul dù a ne e ŋkàlaʼ yee Karmel, e tùúy a kifá fo, ke á wáa leéy, a kuumé wun, e nèn tòsín, e sə̀y á e Gilgal.