Joshua 18:7 - ŊWÀʼ NYÙY

⁷ Yii bèy, wír veé ram Levìi yòʼ yíi a ker nsay e věn mvəm, bìʼ fo kév kí kù mày ji áwune wáa lìm ji atàá cù Nyùy Tàr, a wír veé ram Gad wùn à vé Ruben, à vé kintoʼnìn ke rám Manassèe sí kér yéev yee nsay e ndzə̀n Jordan yee fo shùy yii tó mo Mooser woo ŋgaà lìm Nyùy Tàr‑iì foon aáwune.»

Joshua 18:7 Iomraidhean Croise

Kintaŋ 18:20

Nyùy Tàr naàrì bèy, e sùúy e Aaron jii, «À yòʼ wíy a ker nsay e wír veé Israyí mvəm ji vitsə́ʼ vé, a bó à yòʼ wíy a ker kéŋ yímóʼó aáwuné mvəm. M sì kéŋ yén, a dzə vitsə́ʼ vén e wír veé Israyí mvəm.

Kintaŋ 18:23

Kù wíy a yiì wír veé ram Levi lim seé kibàn ké ntàsín, a tur lòn woo fó. Kù sì nsər ye yì wíy a tiy fo, mo ŋgwàʼ sén sí wíy a dzə. Áwune yòʼ wíy a ker nsay e wír veé Israyí mvəm ji vitsə́ʼ vév.

Kintaŋ 18:7

Yii bèy, lóo dzə lim ye dzəə̀n yé taà cù, bo kù yii vèn à wón vée yee shooy. Kinyo kee kùm kíy cù kidzə̀m, à keé bǎm ràŋ ki, bo kù yii ven. M fò ne kinyo ke atàá cù e vèn ji yén yee lim. A wìr wo sən kòʼtí e ghaa vifa vee jeéy ví, á kù yùyrí ŋgaàŋ.»

Remrí 10:9

Á kifá ke kí‑iì yiìn, la rám Levìi yòʼ a ker nsay aàfə́r véví mvəm ji vév vee vitsə́ʼ. Nyùy Tàr kù‑uù sì vitsə́ʼ vév bey, mo wun woo Nyùy Tàr woo Nyùy won‑eè yòŋèn aáwune.»

Joshua 12:6

Á afon vee abaà ve Mooser woo ŋgaà lìm Nyùy Tàr wùn à wír veé Israyi‑iì tònèn. Mooser woo ŋgaà lìm Nyùy Tàr nèn fò nsay yev e kfə́ə Rubene, à yé Gadi, à kintoʼnìn ke yé Manasse ki, ji vitsə́ʼ vév.

Joshua 13:33

Yii bèy, fo ké rám Levi ki, bó Mooser yòʼ‑oò lo fò áwune nsay ji vitsə́ʼ vév. Kév kí kù‑uù jòʼsì vidzə̀ vé cù Nyùy Tàr woo Nyùy wìr veé Isray réŋréŋ mo wù‑uù suuyin e Mooser.