Joshua 18:4 - ŊWÀʼ NYÙY

⁴ Vèn shóʼtí vilum ataár ataár mo rám sí dzə̀kìn, e tsə̀nsí, aá du, e ghàn woŋ dzə̀m, e tàr mo dzə̀ á jàv e rám sí ji vitsə́ʼ vév. Á yii bèy, aá nèn kfə̀n é bàm, e yèn mo.

Joshua 18:4 Iomraidhean Croise

Mayka 2:5

Kí kooy ven bey, á kfə́n wíy lóo jàv nsay e wír Nyùy Tàrí, é la wìr yòʼ tùy kidzəm e kirə̀ʼ ji kén kee kirə́ʼ.

Kintaŋ 1:4

Vèn ku lì wír e mòʼón mòʼón fo ram se sí dzəə̀n, aá wáa sə ven. A wìr wo á li, kù dzə̀ kilìmbìy e wun kfəə.

Kintaŋ 13:2

«Túm wíri, aá du, e shwèʼ woŋ Kanan wo m sí yìi fo e wír veé Israyi. À yíi tum wír e mòʼón mòʼón fo ram yee shó, a kù dzə̀ wír wo dzəə̀n kilìmbìy e wun ram.»

Joshua 18:3

Joshua nèn yòŋ e wír veé Israyi jii, «Vèn yíi màʼ wún ben e meé e le, e bóo sə nsay ye Nyùy Tàr woo Nyùy atǎr ram yén‑eè foon e vèn?

Joshua 18:5

Vèn yíi toʼtí virə́ʼ saàmbà, é Juda goʼ e wun kirə̀ʼ ke kí kfənen tsə́n, é wír veé ram Joosevi goʼ e kév kee kirə́ʼ kí ke kí kfənen kuy.

Joshua 18:6

Vèn sáŋ, e naàrì mo woŋ və̀ne dzəə̀n vintóʼ saàmbà, e nèn wìy naàrì e mò dzə́ə ye vèn yenen shó, é m neer e Nyùy Tàr woo Nyùy wòsə́n si, a tàr, é wù wáa dìn mo dzə̀ m jàv e vèn.

Joshua 18:9

Wír vìyi nèn dù, e ghàn é wòŋ foo fèy, e sàŋ é ŋwàʼ mo virə́ʼ vee saàmbà vi dzəə̀n wùn à ŋkà se laʼ sév sí, e nèn kfə̀n, e yèn Joshua e kibeèy é Shilo.

Joshua 3:12

Á bèy, vèn shóʼtí vilum nshòv sibaà e ghvə̀m, aá yuúrí, wír mòʼón mòʼón fo ram seé Isray sidzə̀m.

Joshua 4:2

«Vèn shóʼtí vilum nshòv sibaà e ghvə̀m, wir mòʼón mòʼón fo ram seé Isray sidzə̀m,