Joshua 18:3 - ŊWÀʼ NYÙY

³ Joshua nèn yòŋ e wír veé Israyi jii, «Vèn yíi màʼ wún ben e meé e le, e bóo sə nsay ye Nyùy Tàr woo Nyùy atǎr ram yén‑eè foon e vèn?

Joshua 18:3 Iomraidhean Croise

Ŋgàn 10:4

À njoó, à kpù é nembuŋ, táví, à kpù é nefùʼ.

Ŋgàn 13:4

Njoó diy vifá, kù kpú e kitàn, a ntav kù yii kér vifá ve wù diyì vidzə̀m.

Ŋgàn 15:19

Wìr njoó kfə́ njoón, akíghàʼá sùm wun. Wìr lóo tiy réŋ e Nyùy kinyò, vinyo və́ ví wàa ghan e mboʼ.

Ŋgaà Tàrvìnyò 9:10

Kifá kidzə̀m ke à yuun fó a lìm, à kù a lìm vèn à shilív shé shi shidzə̀m, a lìm, a kiíy jii, aàŋkfəə́ wòŋ fo à du, bó á yòʼ yii lim lim fo, a bó wìr yòʼ kfə̀n kwaʼtì kinyo fo, a bó wìr yòʼ kiiy kinyo fo, é bo wìr wáa ker vifií fó.

Tsəfaniya 3:16

Ghán sí wíy wìy, aá wáa yòŋ e Jerusalem jii, «Wò, woo Sion, lá à yòʼ a fàn. Wò, woo Sion, lá à yòʼ a yàʼ.

Matio 20:6

Wáa dzə shúy sitàn e ŋkuùr, wù kfən fəə̀, a dù e kirə̀ʼ ké way fey, e yèn ámóʼ vee wír, aá tíy, jaay fo kisáŋ. Wù dzə́r aáwune jii, ‹Vèn rə̀sí, a tiy fèn kisáŋ, a yiì ka?›

Joon 6:27

Lá vèn yòʼ a way vifií é vifa ve yi ve wìr yí, bo wù kù dzəə́ wìy kpu. Vèn wáa way vifií a dzə̀ é vifa ve yi ve ví fó dzəʼə̀m yee là may. Kù fó ŋgaà wo yírí dzəə̀n *Wanwìr vee shooy vee vifá ve yi, bìʼ fo Nyùy Tàr wayin kisəə́y ké lìm yee shooy a dzə̀ e wùn kiwo.»

Joshua 1:6

Kúr tímé, e wày ŋàŋ. Kù yíi lì wò wír vìn, e nəə́ sho e nsay fèn, é bo á yov woŋ wo mò‑oò lìʼìn vèr aàtǎr ram véví ji m wíy fo aáwune.

Joshua 13:1

Yì‑iì dzə̀ a Joshua dzə́n ne, a viyá və́ ví sì vidzərìn, Nyùy Tàr yòŋ wun, e sùúy sho jii, «À dzə̀n ne e ŋàŋ, a nsay kù dzə̀ə́ sho e nín ye dzə̀ á sə̀.

Joshua 18:2

á yòʼ‑oò ló ne fò nsay e rám sí sidzə̀m. Rám sí‑iì dzəə́ bér saàmbà se á yòʼ‑oò ló ne fò vév vee vitsə́ʼ.

Joshua 18:4

Vèn shóʼtí vilum ataár ataár mo rám sí dzə̀kìn, e tsə̀nsí, aá du, e ghàn woŋ dzə̀m, e tàr mo dzə̀ á jàv e rám sí ji vitsə́ʼ vév. Á yii bèy, aá nèn kfə̀n é bàm, e yèn mo.

Atǎr Nsaʼ 18:9

Áwune bìnèr jii, «Vèn ŋáʼáy, é vèsən du, e nə̀ə́ Laish e rə́r sí. Vèr dù ne, e yèn a woŋ woo shooyi bór é ŋàŋ. Bó vèn yòʼ yíi yiì kifá fo à? Lá vèn yòʼ ndzə̀y fóo dù, e nəə́, e yòv woŋ woo shooy.