Joshua 18:16 - ŊWÀʼ NYÙY

¹⁶ Yì nen sə̀y, a dù, e bàʼ e ghaa gwan wo wù kíy Kiwoóy ké Ben Hinnom, ke kí ndzəy kuy fo Kiwoóy ké Refayim. Yì nen sə̀y é Kiwoóy ké Hinnom tsə́n fó wòŋrí gwan woó Jebusi, e sə̀y róŋ róŋ, e bàʼ e En‑Rogel.

Joshua 18:16 Iomraidhean Croise

2 Samuel 17:17

A Jonatan wùn Ahimaas vee vé ntume‑eè dzə́ kév é En‑Rogel fo vé‑eè shiy sáʼka. Á yòʼ‑oò nəə e ŋkàlaʼ fo á yén áwune. A kwàn woo wiíy wúmóʼó lo, wú wàa lì vinyo ve ví kooyì, a dù, a suúy aáwune, bo áwune wáa lì, a dù, a naàrì e Fòn Davir.

2 Samuel 5:18

Wír veé Filistiàa wìy, e sàŋrì wún é Kiwoóy ké Refayim,

1 Afòn 1:9

Wáa dzə e kishiíy kímóʼ kí, Adonija cù Nyùy aànjìi wùn aànàʼa, à vinsòŋ ve anàʼ vi é kirə̀ʼ ke á yoŋ ji Tíy Yò, e ghaa ntoò ndzə̀v yeé En‑Rogel. Wù‑uù bì afə́r və́ adzə̀m ve dzəə̀n wón ntoʼ wùn à wír veé Judàa adzə̀m ve yì‑iì dzəə̀n atǎr ntoʼ.

2 Afòn 23:10

Fòn Josia‑aà bvə̀ʼə́y sá kirə́ʼ ké cù kee Tofet ke kí‑iì dzəə̀n é Kiwoóy ké Ben Hinnom. A wù‑uù bvə́ʼəy ji lá wìr yòʼ kfə̀n a lì a wán və woo wiíy, kìn woo lumèn, a tòn fo ji wun cu a nyùy woo Molek.

1 Wòŋ 14:9

A wír veé Filistiàa kì wìy é Kiwoóy ké Refayim, a faàsì vifá fo wíri.

2 Wòŋ 28:3

e kfə̀n lò, a tòn kiláy é Kiwoóy ké Ben Hinnom. Wù kfə̀n‑eè bìʼnìn viŋkoʼòy ve vinyò ve vitúm ve Nyùy Tàr‑iì jùmèn fo wír veé Isray mbìy vi‑iì yii. Wù‑uù lì wón və́, e tòn, e cù anyùy sho.

2 Wòŋ 33:6

Wù‑uù lì wón və́, e tòn ji cu, e Kiwoóy ké Ben Hinnom. Wù‑uù shwéŋ fú, du ŋgám, bee vé səme wùn à vé ŋgàŋe, bee wír ve á mbaa aŋkfə. Wù‑uù yii vinyo ve bi ví é ŋàŋ, a Nyùy Tàr yú bír.

Aysaya 30:33

Rúrú, e kèʼ fo yàŋgùʼ, Nyùy Tàr‑iì bàʼtí ne kirə́ʼ kee fo á wíy tòn dzə́n fòn. Wù tùŋ ne kíy, wú fáŋ, e kfə̀n shoò, e fiì meŋkaʼ sho, və́yí wáa shwi, a bò. Kiyoy ke Nyùy Tàr kí dzə̀ moo kiliímé ke və̀y, a kí wíy sə̀ʼ meŋkaʼ mèn, é mè wáa shwi.

Jeremia 19:11

M bvə́ʼə́, m nèn sùúy aáwune á ji Nyùy Tàr woo Taà Mànjòŋ suuy a jii, «Á mo m wíy bvəʼə́y wír vìn wùn à ŋkàlaʼ rə̀n réŋréŋ mo wìr bvə̀ʼə́y mbìʼ wo boméné, e dzəə ye bó yòʼ dzə̀ wìr kfə̀n siìr fo. Á wíy a dzəə̀mè wíri a dzə̀ é Kiwoóy ké Tofet fèn, bìʼ fo bó kirə́ʼ kí yòʼ kfə̀n dzəə́ wìy a dzə fomóʼó.

Jeremia 19:2

é vèr áwune du á e Kiwoóy ké Ben Hinnom, dzə́ə fó shùu kày wo á yoŋ ji wó Vimbvə́ʼ ve Vifa. Á mee fo, é m fiʼti á kinyo ke wun suuy e mò aáwune.

Jeremia 19:6

Bo ke mo woo Nyùy Tàr suuy ki dzə̀ jii, ghán sí wíy gheén, é la á yòʼ dzə́ə a yòŋ fen ji Kiwoóy ké Tofet, kìn ji Kiwoóy ké Ben Hinnom. Á wíy a yòŋ a dzə̀ ji Kiwoóy ké Kinjuyrì.

Jeremia 32:35

Áwune kfə̀n‑eè bòm kirə́ʼ ké cù ke nyùy woo Baal e Kiwoóy ké Ben Hinnom, a lì wón vév vee vilum wùn à vee vikìyí, a yiì cu sho e nyùy woo *Molek, a bó m yòʼ‑oò yiì yòŋ kinyo kee bey, a bó kí yòʼ fə̀m‑eè yiì ne a dzə e mǒ kwàʼtì ji áwune yii kfə́ə joònè woo ben, e yiì, é Juda jáy.»

Joshua 15:63

Yii bèy, la wír veé Judàa yòʼ yù fóo jùm wír veé Jebus ve vé‑eè dzə́ e Jerusalem, e fəə́r. Wír veé Jebusi ku nèn a dzə wùn à wír veé Judàa é Jerusalem e shem lán.

Joshua 18:28

Tsəla, Ha‑Elev, Jebus a dzə̀ ji Jerusalem, Gibea, e lì Kiriat‑Jearim. Ŋkà se laʼ nshòv sikweè e ghvə̀m wùn à ntèʼ sév sí. Á ŋkà se laʼ se rám Benjamin mo kfə́ə sév sí dzə̀kìn.

Atǎr Nsaʼ 1:21

Yii bèy, bó wír veé ram Benjamine yòʼ‑oò lo jùm wír veé Jebus ve vé‑eè dzə́ e Jerusalem. Wír veé Jebus vìne ku nèn gòʼ, a dzə wùn à wír vee rám Benjamine e Jerusalem, e wìy shem lán.

Atǎr Nsaʼ 1:8

Wír vee rám Judàa‑aà fùnèn veé Jerusalem, e tòn áwune, e faàsì nsay yev. Vé‑eè yùyrí wír veé Jerusalem, e tòn ŋkàlaʼ yev e və́yí.

Atǎr Nsaʼ 19:10

Yii bèy, la wù yòʼ dzəə biìmé, e shìíy. Wù nèn ŋàʼáy, a dù dzə́ə fó Jebus wo á yoŋ lán ji Jerusalem. Wù‑uù lò, a dù wùn à wiiy və wo lemèn, à vimbèʼbìy və́ vee vibaà ví, aá kúr ne vifá e ndzə̀m wó.