Joshua 18:10 - ŊWÀʼ NYÙY

¹⁰ Joshua nèn tàr virə́ʼ vin e Nyùy Tǎr si e Shilo foo fèy, e jàvtì e rám seé Isray si, rám yee shóo wáa ker kfə́.

Joshua 18:10 Iomraidhean Croise

1 Wòŋ 24:5

Á kù‑uù shwéŋ ké wìr dzə̀m shwéŋén, e bó a dìn káŋ woo wo wìr, bìʼ fo kí‑iì gháʼ fóo shoʼ mo rám see sibaà sin sidzə̀m si‑iì kér atàá cù ve vé‑eè kér antaʼ e lav cù, kfə̀n kér ve vé‑eè kiìn kinyo ke Nyùy kijuujùŋ.

Nehemia 11:1

Jerusalem‑eè dzə̀ é ghan sin, a wír ve vé‑eè dzə́ foo kù‑uù dzə̀ vilìmbìy ve wíri. Kibér ke wìr ki nèn a tàr kfəə́ se wíri, a shoʼ e mòʼón fo yee ghvə̀me, a tsənsí, á wáa dzə e Jerusalem woo ŋkàlaʼ Nyùy Tàr ye ranén, é kibér ke wìr ki wáa dzə e ntèʼ see fó ghaŋ.

Nsùyrì Nyùy 47:4

Wù‑uù fò ver nsay, nsay ye wù‑uù shoʼon ji vitsə́ʼ vér. Kù dzə̀ viwìr ve wón Jakov, wón Jakov ve dzəə̀n rám ye wù koŋ e ŋàŋ.

Nsùyrì Nyùy 61:5

Rúrú, Nyùy, à yù ne kilìʼ kém. À fò ne mo vitsə́ʼ vé wìr ve á yúnin wò.

Ŋgàn 18:18

Melaà mè yii gháʼá, á màʼ sí mbàm, e lì mbìv ye yì fəəsin, kí tìnén melaà, e jàvsìn vindzəʼ ve antav.

Jeremia 7:12

Vèn du ri e Shilo, wo dzəə̀n kirə́ʼ ké mbìy ki ke mò‑oò shoʼon ji á wáa cù mo fó. Du, é vèn yén kinyo ke mò‑oò yiìn fó, bìʼ liì kisaŋ wìr vém veé Isray.

Esiker 47:22

Vèn wíy jàv nsay rə̀n ven ven, a ker ji vitsə́ʼ vén, lóo jàv, á fò sá yé viŋgwìy ve ví dzə́ e věn mvəm, kér wón ve á dzəəkin wùn à wón véné. Áwune kù sí wìy a dzə e věn mvəm moo wón nsay veé Isray. Áwune kù wíy a ker nsay ye siìn vitsə́ʼ vév e rám seé Isray sí nsàn.

Esiker 48:29

Á nsay ye vèn ku jàv e rám seé Isray si, é rám yee shóo koóy rə́ə yee nsay, a ker ji vitsə́ʼ vév. Suuy mo woo Nyùy Tàr woo Taà Ndzə.

Mayka 2:5

Kí kooy ven bey, á kfə́n wíy lóo jàv nsay e wír Nyùy Tàrí, é la wìr yòʼ tùy kidzəm e kirə̀ʼ ji kén kee kirə́ʼ.

Kintaŋ 34:16

Nyùy Tàr yòŋ e Mooser jii,

Matio 27:35

Á nèn tà wun e kintam, e lì ndzə̀y sə́, a tsəm kàŋ sho ji á fiʼ jàv,

Joon 17:2

Wò‑oò tàtí ne wír adzə̀m ji á wáa yu a dzə̀ fo mò woo Wán, é m wáa fo dzəʼə̀m yee là may a dzə̀ e vee shooy ve à shoʼon, e fò ji vémé.

Lim Aŋgàa Ntum 13:19

Áwune wìy lòo nəə́ e Kanan, wù laàr kitúm saàmbà fo fo, e fò woŋ woo shooy ji wóv,

Lim Aŋgàa Ntum 26:18

À wíy dù, e mvə̀ʼtì sí yév, e fəə́r áwune fó ndzə vitsə̀ʼ, e tiír fo meranén. A dzə̀ jii, à wíy fəə́r áwune fo Satan wo, e siìr e Nyùy mbìv, aá wáy shilív e mǒ wùn, é Nyùy laysin vinyo vév ve bi ví, aá wáa ker sa kilíŋ e wír ve Nyùy‑iì liìn ji və́ adzə̀mé mvəm.›

Kolosia 1:12

a beèrì wun woo Tàr wòsən. Yì‑iì lì wun ven, e nàŋsín ji wír və́ ji vèn fiʼ wìy a dzə e wùn mvə̀m ran, e nəə́ e vijùŋ ve wù lèmèn e wír vəə́ adzə̀m.

Joshua 14:2

e fò e rám seé Isray see bvə̀ʼə̀ si, e fò sá e yee kintoʼnìne. A vé‑eè maʼ kifá, tar sho, e bó a kiíy kirə́ʼ ke á fó e rám yee shóo réŋréŋ mo Nyùy Tàr‑iì yiìn ne yòŋ e Mooser ji á wàá yii.

Joshua 14:5

Wír veé Israyi kù‑uù jàv woŋ Kanan réŋréŋ mo Nyùy Tàr‑iì suuyin e Mooser ji á wàá yii.

Joshua 18:11

Joshua‑aà kèʼ, e tàr ké rám Benjamin, kí fəə́ mbìy mo kfə́ə sév sí dzə̀kìn. Kí fəə́ ji nsay yev dzə̀ á e ye rám Juda wùn à ye rám Jooseví nsàn.

Joshua 18:6

Vèn sáŋ, e naàrì mo woŋ və̀ne dzəə̀n vintóʼ saàmbà, e nèn wìy naàrì e mò dzə́ə ye vèn yenen shó, é m neer e Nyùy Tàr woo Nyùy wòsə́n si, a tàr, é wù wáa dìn mo dzə̀ m jàv e vèn.

Joshua 18:8

Vilum vìyi lòo lò ji á waà sí du, a sìysì woŋ, Joshua naàrì aáwune jii, «Vèn du, e ghàn, e kìy woŋe, e sàŋ mo wú dzəə̀n, kfə́n e bàm, é m nèn neèr e Nyùy Tǎr si, e Shilo fèn, e tàr, e bóo fo e vèn.»

Joshua 18:9

Wír vìyi nèn dù, e ghàn é wòŋ foo fèy, e sàŋ é ŋwàʼ mo virə́ʼ vee saàmbà vi dzəə̀n wùn à ŋkà se laʼ sév sí, e nèn kfə̀n, e yèn Joshua e kibeèy é Shilo.

Joshua 19:51

Á mo Eleasar woo taà cù wùn à Joshua woo wan Nun, aàtǎr kfəə veé ram seé Israyi‑iì tàrìn virə́ʼ e Nyùy Tǎr si e shùu *kibàn ké ntàsín é Shilo, e bóo jàvtì e wír veé Israyi ji vitsə́ʼ vév. Á bèn, á nèn màysì, e tòʼtí woŋ.

Joshua 23:4

Vèn yén ri ké vitum ve ví berin là ton vi, m jàv ne nsay yev, e fò e rám sén sí ji vitsə́ʼ vév. Kù sì nsay yen, e lì ye vitum ve mò‑oò tònèn, e kèʼ fo ndzəv yee Jordan, e dù bàʼ e Rìbà Ndzə̀v woo Mediteranean, e mbìv yee fo shùy yii nəə.