Joshua 18:1 - ŊWÀʼ NYÙY

¹ Wìr dzə̀m woó Isray nèn lò, e bànén e Shilo, e tùúy *kibàn ké ntàsín fó. Mo á fə̀m‑eè tònèn ne woŋ, a nsay néŋ e mboʼ,

Joshua 18:1 Iomraidhean Croise

2 Samuel 7:6

Kèʼ fo ghan se mò‑oò fəərin wír veé Isray fo Ejiv, e wìy shem lán, m yòʼ‑oo ghán ne a dzə e lav. Mò‑oò dzə́ a dzə̀ é kibàn, é virə̀ʼ vidzə̀m fo vé‑eè du.

1 Afòn 14:2

Fòn Jeroboam suúy e wiiy ntoʼ jii, «Dù, e kùv wúné, e làa yòʼ dzə́ə a shwinín wiiy ntoʼ, e nèn dù e Shilo, e yèn Ahija woo *ŋgaà ntum Nyùy wo wù‑uù suuyin ji m wíy a dzə a fon wó a saʼ wír vìn.

1 Afòn 14:4

Wiiy ntoʼ ku nèn yiì mo fòn kì suuyin, e dù fo Ahija wùn e wun laʼ e Shilo, a Ahija yòʼ dzəə́ yén virə́ʼ, bìʼ fo wù‑uù dzə̀nèn ne, sí rəə́ wáa səəné.

1 Afòn 2:27

Fòn Solomon nèn jùm Abiyatar fo wù wáa dzə taà cù Nyùy Tàr, kí nen ghèén e kinyò ke Nyùy Tàr‑iì suuyin kùm Eli wùn à kfə́ə rəə́ é Shilo.

Nehemia 9:24

Wón véví nèn wìy nə̀ə́, e yòv fó. Wò‑oò rèŋèr vitaáví vé wìr veé Kanan ve vé‑eè dzə́ fo, aáwune yéné, e nèn wày wír veé Kanan wùn aàfon véví, à wír ve vé‑eè dzə́ foo aáwuné wo, á wáa lovtí sho mo á kòŋèn.

Nsùyrì Nyùy 78:60

Wù méŋ kirə́ʼ ke vé‑eè cu wun sho e Shilo, a dzə̀ kibàn ke wù‑uù dzə́ sho e wír vəə́ mvəm,

Nsùyrì Nyùy 78:66

Wù túmnín, e kù nèn tàʼár aŋgaà vév vibàn, e wày woómé aáwuné kitu, e dù, e jòʼsì.

Jeremia 26:6

bo m lo, e lovtí e lav cù rə̀n mo mò‑oò lovtin e Shilo, é vitúm veé kitu ke nsay vi wáa lì yír ŋkàlaʼ rə̀n ji liy ye á kuu wíri shó.› »

Jeremia 26:9

Yiì ka, é bo à wáa fìʼtì ji Nyùy Tàr yoŋ ji lav cù rə̀n yíi a dzə moo Shilo, é ŋkàlaʼ rə̀n du é vifə̀m, a dzə là wír?» Wìr dzə̀m nèn lò, e gìm Jeremia e maàndzə yeé lav cù, e kaàrí, e tàr.

Jeremia 41:5

ŋgoo vilum yìmòʼ wáa shaà, aá dzə̀ wír mwaamé, aá kér cu vifa ve yi wùn à kiláy kí ji á du shó e Nyùy Tǎr lav. Vé‑eè lò fó Shekem, ámóʼó fó Shilo, ámóʼó fó Samaria, aá kóm vighev, e saàsì ndzə̀y sév, e jàʼtì wún.

Kintaŋ 32:22

Lóo dzə, a nsay sí néŋ e wun sar, é vèn nèn kfə̀nkír, e bòy fo Nyùy Tàr, à fo wír veé Israyí wo, é nsay rə̀n nèn a dzə vitsə́ʼ vén ve Nyùy Tàr foon e vèn.

Lim Aŋgàa Ntum 7:45

Wón véví nèn wìy sìíy, e sə̀ fo atàr vesən víyi, a beʼ, a wìy sho fèn. A ghán sin si‑iì dzə̀ se wùn à Joshua‑aà faasì nsay fo vitúm ve ví‑iì dzə́ fèn vi, a ghán Nyùy fo mbìy, jum vitúm vee shooy. Kibàn kee shooy ki nèn a dzə fèn, e meé e ghan se Fòn Davir‑iì sáʼ woŋ və̀n.

Joshua 18:2

á yòʼ‑oò ló ne fò nsay e rám sí sidzə̀m. Rám sí‑iì dzəə́ bér saàmbà se á yòʼ‑oò ló ne fò vév vee vitsə́ʼ.

Joshua 18:8

Vilum vìyi lòo lò ji á waà sí du, a sìysì woŋ, Joshua naàrì aáwune jii, «Vèn du, e ghàn, e kìy woŋe, e sàŋ mo wú dzəə̀n, kfə́n e bàm, é m nèn neèr e Nyùy Tǎr si, e Shilo fèn, e tàr, e bóo fo e vèn.»

Joshua 19:51

Á mo Eleasar woo taà cù wùn à Joshua woo wan Nun, aàtǎr kfəə veé ram seé Israyi‑iì tàrìn virə́ʼ e Nyùy Tǎr si e shùu *kibàn ké ntàsín é Shilo, e bóo jàvtì e wír veé Israyi ji vitsə́ʼ vév. Á bèn, á nèn màysì, e tòʼtí woŋ.

Joshua 21:2

aá dzə́ e Shilo e nsay Kanan. Á wíy, e sùúy jii, «Nyùy Tàr‑iì shaà fo Mooser, e sùúy jii, ‹Á fó á ŋkà se laʼ se vèr wáa dzə sho, é sí wáa ker kwáʼ fo ghaŋ fo dzə̀ vèr wàa lèm nyám sér.› »

Joshua 22:12

màŋgòŋ woó Isray e dzə̀m nèn bàʼtí e Shilo ji á du, e fùnèn a áwune.

Joshua 22:19

A vèn kì taʼ kíy cù ji bìʼ fo nsay yen birin ne, vèn lìysín e Nyùy Tǎr nsay fo kibàn kfə́ kí tíyí, e kòóy kirə́ʼ e věr nsàn, é vèsən wáa dzə. Dzə̀ cáʼ jii, lá vèn yòʼ tàv kitú fo Nyùy Tàr, e bòm kíy cù wón, e shaà wo dzəə̀n wó Nyùy Tàr woo Nyùy wòsən, e yiì, é vèsən kfə́n ji antavkìtu.

Joshua 22:9

Áwune vee rám Ruben wùn à yé Gad, à kintoʼnìn ke rám Manassèe nèn màʼtì wír veé Isray e Shilo, e wòŋ Kanan, a dù ji á kfə́n aáwuné melaʼ e nsay Gilead, nsay ye vé‑eè yòvìn ji vitsə́ʼ vév mo Nyùy Tàr‑iì yòŋèn e Mooser.

Atǎr Nsaʼ 18:31

Á bèy, shibvə̀m she Mayka‑aà semen shiy shi nèn kù a tiy fo, e dù, e meé mo lav Nyùy‑iì dzəə̀n é Shilo.

Atǎr Nsaʼ 21:12

Áwune yiì dù, e lòo tàr, e yèn wónlě ŋgòn veé Jabesh Gilead ve á yóʼ ne kìíy lumèn wír ghii kweè. Á nèn lì wónlě ŋgòn vìy, e wìy sho e kitar keé Shilo, a fóo dzə̀ nsay Kanan.

Atǎr Nsaʼ 21:19

Áwune nèn kuùmé ŋkǎʼ Nyùy Tàr wo vé‑eè yí e kitu ke kiya e Shilo. Shilo və̀n‑eè dzə̀ e lò fo Betel, a dù duùn é mbìv yee kuy, a kfə̀n dzə̀ é ghaa dzəə ye yì lo fo Betel, du e Shekem, a dzə̀ fó mbìv dzəə̀ ye yì kiʼ fo shùy yii tó. Lò fo Lebona, Shilo nén a dzə e mbìv yee tsə́n.

1 Samuel 1:24

Wù shóʼ fó vin, e nèn lì, a wù dzə̀ə́ e térí, a dù sho e Nyùy Tǎr kibàn é Shilo, du bèy kér nàʼ woo viyá vitaár wùn à ŋkaà meŋkfə̀ŋ, à kikaayì ké shilùʼ ki.

1 Samuel 1:3

Yì‑iì lóo dzə kiyá kidzə̀m, Elkana lò fó Rama, e kòʼ é Shilo ji wun du, e ghvə̀m Nyùy Tàr woo Taà Mànjòŋ, e cù wun, aàtàá cù Nyùy Tàr veé ghan fene‑eè dzə̀ Hofni wùn Finehas vee wón Eli.