Joshua 17:7 - ŊWÀʼ NYÙY

⁷ Nsay rám Manasse nèn kèʼ fo ye rám Asher, e dù e Mikmetat, a fóo dzə̀ é mbìv Shekem yee fo shùy yii tó. Bìíy nen wòm tsə́n tsə́n, e dù, e mèé fo wíri dzə́ e ghaa dàn woó Tappua.

Joshua 17:7 Iomraidhean Croise

Kèʼlo 34:2

wù lòo dù, Shekem woo wan Hamor yén wun. A Hamor və̀n dzə̀ wír woó ram Hiv, e kfə̀n a dzə taà ntèʼ. Mo Shekem yenen Dina, wù tó sí rə́, wù nèn ghàtí e dzəə.

Kèʼlo 37:12

Wáa dzə e kishiíy kímóʼ kí, aàfə́r Joosevi lí ne nyám se tàr wov, e dù sho e kwaʼ e Shekem ji á du, e yiír,

Kèʼlo 37:14

Tàr wov suúy shó jii, «Ku dù, e lèéy ji afə́r vé wùn à nyám si sà dzə̀ é kwaʼ kijuŋ a, e wìy, e sùúy e mò.» Wù nèn tùm wun fo mboʼ Hebron foo fèy, wù wáa dù e Shekem.

1 Afòn 12:1

Rehoboam nèn lò, e dù e Shekem fo wír veé Israyi‑iì baʼtin ji á yíi koʼór a wun ji fon.

1 Afòn 12:25

Fòn Jeroboam nèn nàŋsín mvəmlaʼ yee Shekem e wòŋ agwan woó nsay Efrayim, a dzə fo. Wù nèn lò, e dù bàʼrì sa mvəmlaʼ yee Penuel.

1 Wòŋ 6:67

Ŋkà se laʼ se vé‑eè foon aáwune ji sé kilìr si dzə̀ jii, Shekem, e wòŋ agwan woó Efrayim, à Geser,

Nsùyrì Nyùy 60:6

Nyùy sùŋnín ne fo wun kirə̀ʼ ke ranén kí jii, «Mo m tavin ne, e ghàʼ, m yíi jàv ŋkàlaʼ yee Shekem, e toʼtí Kiwoóy ké Sukkot, e jàv e wír vémé.

Joshua 17:6

Yì‑iì fəə̀ bey, bìʼ fo wón vee vikìy veé ram Manassèe‑eè səən vitsə́ʼ réŋréŋ moo vee vilum. A vé‑eè fò ne nsay Gilead rə̀y e kibér ke wìr veé ram Manasse ki.

Joshua 17:8

Nsay Tappua wáa dzə ye Manasse, yii bèy, mvə̀mlaʼ yeé Tappua wáa dzə ye Efrayim mo yì fə̀m tíy e bìíy nsay wón Manasse.

Joshua 20:7

Wír veé Israyi nèn shòʼ Kedesh wo wù dzəə̀n é Galeli, e mbìv agwan veé nsay Navtali, e kfə̀n shòʼ Shekem woó mbìv agwan veé nsay Efrayim, à Kiriat‑Arba woó mbìv agwan veé nsay Juda, aá yoŋ sa ji Hebron.

Joshua 21:21

A sí dzə̀ ji Shekem wo yì‑iì dzəə̀n ŋkàlaʼ kilìr yìmòʼ e mbìv agwan veé nsay Efrayim, e fò Geser,

Joshua 24:1

Joshua kùm rám seé Isray, sí báʼtí é Shekem. Mo á wìyìn, wù jàŋrì ŋgày sé wìr wùn à vilìmbìy vi, à vé saʼa, à wír veé vitu ve ntaʼa ji á kóʼtí, a tiy e ŋkùv mensàŋ Nyùy Tǎr mbìy.

Joshua 24:32

Á kfən dzəə̀mè vighvə́r vé Joosev ve wír veé Israyi‑iì koʼon shó fo Ejiv e Shekem. Vé‑eè dzəə̀mè é kirə̀ʼ ke Jakov‑iì yunen fo wón Hamor woo tàr à Shekeme, visha ve mbàm ve fəvír ví wií. A dzə̀ nsay yee shooy ye yì‑iì loòn, e kfə̀n ji vitsə́ʼ vé rám Joosev.

Atǎr Nsaʼ 9:1

Abimelek woo wan Jerubbaal siíy, e lò, e dù fo afə́r yè woví wùn é Shekem, e sùúy aáwune wùn à kfə́ə yè woví e dzə̀m jii,