Joshua 17:6 - ŊWÀʼ NYÙY

⁶ Yì‑iì fəə̀ bey, bìʼ fo wón vee vikìy veé ram Manassèe‑eè səən vitsə́ʼ réŋréŋ moo vee vilum. A vé‑eè fò ne nsay Gilead rə̀y e kibér ke wìr veé ram Manasse ki.

Joshua 17:6 Iomraidhean Croise

Esiker 48:4

Nsay ye yì səʼən ye rám Navtali dzə̀ ye rám Manasse, a yì shèr woŋ fo mbìv yee fo shùy yii tó, a kfənér fo yì yii nəə.

Joshua 13:29

Mooser fó sá nsay e kintoʼnìn ke rám Manasse ki ji vitsə́ʼ vév mo kfə́ə sév sí dzə̀kìn.

Joshua 13:30

Nsay yev kèʼ fo Mahanayim, e tàtí Bashan e dzə̀m. A dzə̀ ji woŋ Fòn Og woó Bashan e dzə̀m, à ŋkà se laʼ se Jayir see mntuùfú sí sidzə̀m se sí dzəə̀n é Bashan foo fèy.

Joshua 13:31

Yì kfən tàtí sa kintoʼnìn ke Gilead wùn à Ashtarot, à Edrey, a dzə̀ ntèʼ se sí‑iì tíy vitú e Fòn Og woó Bashan wòŋ. Á nsay ye vé‑eè foon e kintoʼnìn ke rám Manasse ki mo kfə́ə sév sí‑iì dzə̀kìn, a yí‑iì sàn fo Makir woo wan Manasse.

Joshua 17:5

Bìʼ bey, nsay rám Manasse yeé mbìv Jordan yee fo shùy yii nəə nèn fəə̀ virə́ʼ e ghvə̀m, e bóo lì nsay Gilead wùn à ye Bashan ye yì dzəə̀n é ndzə̀n Jordan fèsə.

Joshua 17:7

Nsay rám Manasse nèn kèʼ fo ye rám Asher, e dù e Mikmetat, a fóo dzə̀ é mbìv Shekem yee fo shùy yii tó. Bìíy nen wòm tsə́n tsə́n, e dù, e mèé fo wíri dzə́ e ghaa dàn woó Tappua.

Joshua 22:7

Ké kintoʼnìn ke rám Manasse kì dzə̀, a Mooser‑iì fò ne áwune nsay e Bashan ji vitsə́ʼ vév. Yii bèy, fo kímóʼ kee kintoʼnìn ke rám Manasse ki, a Joshua‑aà fò ne yéev yee nsay aàfə́r véví ghaŋ e nsay yeé mbìv Jordan, a kfən e mbìv yee fo shùy yii nəə. Mo Joshua màʼtìn vísə vee wíri ji á du á e melaʼ, wù lòo səə̀vì,