Joshua 17:4 - ŊWÀʼ NYÙY

⁴ Áwune nèn wìy yèn Eleasar woo taà cù, à Joshua woo wan Nun, à vilìmbìy vi, e sùúy jii, «Nyùy Tàr‑iì yòŋ e Mooser ji wù fó á vitsə́ʼ e vèr réŋréŋ mo á fó aàfə́r vér vee vilume.» Á ku nèn fò áwune nsay aàfə́r vév vee vilumé mvəm ji vév vee vitsə́ʼ réŋréŋ mo Nyùy Tàr‑iì yòŋèn.

Joshua 17:4 Iomraidhean Croise

Kintaŋ 27:1

Wón Tsəlofehadi nèn kòʼtí fo mentsə̀m, aáwune‑eè dù, e fəə̀ vikìy vikìy. Tsəlofehad‑iì dzə̀ wan Hefer, a Hefer dzə̀ wan Gilead, a Gilead dzə̀ wan Makir, a Makir dzə̀ wan Manasse, a Manasse dzə̀ wan Joosev. Yír sé won vin si‑iì dzə̀ jii, Maala wùn à Noa, à Hogla, à Milka, à Tirsa.

Kintaŋ 27:4

a dzə̀ yír tàr worí yèe, e bóo lày fo wun kfəə ji bìʼ fo wù yòʼ‑oò ló a ker wán woo lumèn? Fó ver nsay e tàr wór shùu yir, aàfə́r vəə́ mvəm.»

Kintaŋ 36:10

Á bèy, wón Tsəlofehadi ku nèn yiì mo Nyùy Tàr‑iì yòŋèn e Mooser.

Galatia 3:28

A bó wìr wùmòʼ yòʼ dzə̀ə́ jeéy ji woó Juda kìn wir kitum. A bó wùmòʼ yòʼ dzə̀ə́ ji kwàn, bo wùmòʼ wáa dzə ji wan wòŋ. A bó á yòʼ fə̀m dzəə́ leey wùmòʼ ji lumèn kìn wiíy. Áwune tàtí ne adzə̀m wùn à Jesus Kristu, e nèn a dzə kifá kimòʼón.

Joshua 14:1

Ké virə̀ʼ ve wír veé Israyi‑iì kooyin é wòŋ Kanan ji vitsə́ʼ vév kí dzə̀ jii, yì‑iì jàv Eleasar woo taà cù wùn à Joshua woo wan Nun, aàtǎr ram wìr veé Israyi nsay rə̀n,

Joshua 17:5

Bìʼ bey, nsay rám Manasse yeé mbìv Jordan yee fo shùy yii nəə nèn fəə̀ virə́ʼ e ghvə̀m, e bóo lì nsay Gilead wùn à ye Bashan ye yì dzəə̀n é ndzə̀n Jordan fèsə.

Joshua 21:1

Yì‑iì dzə̀ é ghan sin, atǎr kfəə se rám Levìi nèn dù, e yèn Eleasar woo taà cù wùn à Joshua woo wan Nun, aàtǎr kfəə veé ram seé Isray adzə̀m,