Joshua 17:2 - ŊWÀʼ NYÙY

² Fo kibér ke rám Manasse ki, áwune nèn kòóy yéev yee nsay e ndzə̀n Jordan və̀n woo fo shùy yii nəə. Vé‑eè fò mo kfə́ə sév sí dzə̀kìn, a sí dzə̀ jii, yé Abieser wùn à yé Heleki, à yé Asrieli, à yé Shekeme, à yé Heferi, e lì yé Shemida. Á kfəə́ se wìr ve dzəə̀n rám Manasse woo wan Joosev.

Joshua 17:2 Iomraidhean Croise

1 Wòŋ 7:18

Hammoleket woo jemèr Makir‑iì dzə̀ə́ wón, aá dzə̀ ji Ishhod, Abieser wùn à Maala.

Joshua 17:1

Nsay ye vé‑eè foon e rám Manassèe rə̀ne. Manasse‑eè dzə̀ wan Joosev mbìy, a wan Manasse‑eè dzə̀ Makir, a yì‑iì dzə̀ tàr à Gilead. Mo Gilead‑iì dzəə̀n wir rə̀r wo tavín, vé‑eè fò nsay e kfə́ə rəə́ é ndzə̀n Jordan, e mbìv yee fo shùy yii tó, a nsay ye vé‑eè foon‑eè dzə̀ yeé Bashan wùn à yìmòʼ ye vé‑eè loòn, a yòŋ ji Gilead.

Joshua 17:3

Yii bèy, Tsəlofehad woo wir rǎm Manasse wùmòʼ yòʼ‑oò ló a ker wán woo lumèn. Tàr wov‑iì dzə̀ Hefer woo wan Gilead, woo wan Makir, woo wan Manasse. Wù‑uù kér wón a dzə̀ vee vikìy, a yír sév sí dzə̀ jii, Maala wùn à Noa, à Hogla, à Milka, e lì Tirsa.

Atǎr Nsaʼ 6:11

Wáa dzə e kishiíy kímóʼ kí, nshìylav Nyùy Tàr nèn wìy, e dzə̀ʼə̀m e sar kici ké *terebint, e ntèʼ yee Ofra, a yì‑iì kér Joash woo wír woo Abieser ram kicí kin. Gidiyon woo wán və‑əə̀ búʼ saár é bii wo vé‑eè bùʼùn é kilan, ji wun fiʼ lìtì a fo wír veé Midiane.

Atǎr Nsaʼ 8:2

Yii bèy, wù bìnèr jii, «Aá kì bìʼ fo kin ki, bo m yiì a dzə̀ ka, e shaà ke vèn yiìn ne? Bó vifá ve wír veé Efrayime siyin síyín ví yoʼ bòŋ, e shaà ve kfə́ə Abieseri kavin kávín a?