Joshua 17:18 - ŊWÀʼ NYÙY

¹⁸ Á bèy, woŋ agwane yíi a dzə wón e dzə̀m, fə̀m mo dzəə̀n kóv, vèn yíi gwàr, e yòv, e dù, e meé mo agwane duùn ben. Ké wìr veé Kanan, fə̀m mo áwune kér viténtén vé rər vé kisha vi, e kfə̀n tàvkír, vèn kù yíi jùm, e fəə́r fo nsay.»

Joshua 17:18 Iomraidhean Croise

Kèʼlo 49:24

yii bèy, kinte ki yòʼ‑oò lo wèʼ fo wun kiwo, kóy sə́ sí‑iì gòʼ sicaʼàn. A yiì Nyùy Jakov woo Ŋgaà Vitaàví Vidzə̀m, wun woo Nshìy wo dzəə̀n Kilán keé Isray.

2 Samuel 18:6

Vé rərí nèn a dù e kwaʼ rər ji á tám á wùn à wír veé Israyi. Rə́r sí nèn dù, e tsə̀ŋén e kòv woó Efrayim,

Ŋwàʼ woó Rom 8:31

Mo Nyùy yii vinyo vìn e vèsən ben, bo vèsən dzə̀ é le lèn? Wìr wo dzə̀ wù kfə̀n yiì vèsən e kinyo ki dzə̀ la?

Ŋwàʼ woó Rom 8:37

Vinyo vìn vi kooy vèsən ben, a Kristu wo wù‑uù kòŋèn vèsən, kù dzəə́ leey fo vèsən, yii, a vèsən só vinyo vee shooy soón, la ví yòʼ a sə̀ʼ vèsən gheéy.

Remrí 33:17

Shúu rə́r Efrayim wùn à wó Manassèe dzə̀ ansə̀kì ansə̀kì. Wú kùʼ, e kfə̀n tàv é ŋàŋ moo ambòŋ vee dzə́ə mbìyi. Mo nyar yii kuur aŋgaà və́ vibàn e loŋ sə́ sí, dzə̀ mo rám Joosevi wíy a kuúr aŋgaà vév vibàn adzə̀m, a kuúy, a dù, a nəʼə́r e ndzəywoŋ.»

Hibru 13:6

Bo dzə̀ vèsən wàa suúy lèn feyì mo wìr wùmòʼ‑oò suuyin jii: «Leey Nyùy fo mò, a bó yòʼ dzə̀ m wàa fàn kifá. A dzə̀ wìr yiì ka e mò?»

Joshua 13:6

Kirə́ʼ kin ki tàtí nsay wìr veé Sidon e dzə̀m, aáwune dzə́ aàŋkoŋ, e nsàn agwan veé Lebanon wùn Misrefot‑Mayim. Mómò, m yíi jùm wír vìn adzə̀m mo wír veé Israyi nəə e nsay foo fèy. Ké ki wáa dzə ji à kù yíi jàv nsay rə̀n e wír veé Israyi ji vitsə́ʼ vév mo mò‑oò suuyin e wò.

Joshua 15:9

Bìíy nen kù shaà fo kitu ke gwan, e dù mèé e ntòŋ sé ndzəv seé Neftoa, e kfə̀n lò fo fo, a dù e ŋkà se laʼ seé Gwan Efron, e nèn tèém, a dù e Baala, a dzə̀ ji Kiriat‑Jearim.

Joshua 17:17

Joshua nèn sùúy e wír veé ram Joosev ve á ràmèn fo Efrayim, à ve á ràmèn fo Manassèe jii, «Vèn dzə̀ wír nyanyày, e kfə̀n a ker vitaáví é ŋàŋ, bó vèn yòʼ yíi a ker kirə́ʼ kimòʼón cáʼ.

Joshua 20:7

Wír veé Israyi nèn shòʼ Kedesh wo wù dzəə̀n é Galeli, e mbìv agwan veé nsay Navtali, e kfə̀n shòʼ Shekem woó mbìv agwan veé nsay Efrayim, à Kiriat‑Arba woó mbìv agwan veé nsay Juda, aá yoŋ sa ji Hebron.

1 Samuel 1:1

Wìr wùmòʼ‑oò dzə̀, a dzə̀ wir kfəə Tsuv ye dzəə̀n rám Efrayim, a yír rəə́ dzə̀ ji Elkana. Wù‑uù dzə́ e ŋkàlaʼ yee Rama e mbìv agwan veé nsay Efrayim, a dzə̀ wan Jeroham woo wan Elihu, woo wan Tohu, Tohu wo wù ràmèn fó Tsuv.