Joshua 17:16 - ŊWÀʼ NYÙY

¹⁶ Rám Joosevi yòŋ jii, «Woŋ agwan wórí yòʼ fə̀m dzə̀ wú ghèén ver, a ké mboʼ ki dzə̀ jii, wír veé Kanan vee fó adzə̀me kér *viténtén vé rər vé kisha vi, a veé Bet‑Shean wùn à ntèʼ see fó si kérí, a ve á dzəə̀n é Mboʼ Jesreeli kér sa.»

Joshua 17:16 Iomraidhean Croise

1 Afòn 18:45

Shintàm shi lòo dàr, yúví nèn sə̀n, shwéri wáa shaà, kiŋkò ke wuu kí wáa wìy. Fòn Ahav kóʼ kár rə́, a dù e Jesreel.

1 Afòn 18:46

Nyùy Tàr wáa dzə wun Elija, a fo wun vitaáví, wù nèn wòvtí ndzə̀y sə́, a leʼ fo mbìy, e tòmbìy mèé e Jesreel, é bo Ahav siíy, a wìy.

1 Afòn 21:1

Ghán sí lòo dù, kinyo ki nèn ŋàʼáy kùm súm vitiír vé *vayin wó Nabot woó Jesreel, a súm və́ne dzə̀ e Fòn Ahav ghaa ntoʼ e Samaria.

1 Afòn 21:23

Fo ké Jesebel ki, Nyùy Tàr wáa suúy a jii, ‹Jwí si wíy kfər a wun e Jesreel.

1 Afòn 4:12

wùmòʼ Baana woo wan Ahilud wo wù‑uù sáʼ Taanak wùn à Megiddo, à nsay Bet‑Shean e dzə̀m ye yì méʼ Tsaretan e mbìv Jesreel yee tsə́n, a dzə̀ nsay yee kèʼ fó Bet‑Shean, e dù mèé e Abel‑Mehola, e liysín e Jokmean.

2 Afòn 9:10

Fo ké Jesebel ki, jwí si wíy kfər dzə́n rə́ é nsay Jesreel, é la wìr yòʼ dzəə̀mè wun. Wánlè nsùm və̀y màysì kisúŋnìn kìn, e nèn mvə̀ʼ shúu lav, e lèʼ.› »

2 Afòn 9:37

é dzə́n rəə́ wáa neŋ ji jàʼkìkì moo jáŋ bèy fo nsay, a bó yòʼ dzə̀ wìr kfə̀n kìíy ji dzə̀ á Jesebel.»

Jeremia 49:2

Á bèy, ghán símóʼ sí wíy gheén, é m yii, é wír veé Rabbàa yú mo léŋ rərí wiyì. Rabba, wo dzəə̀n ŋkàlaʼ wìr veé Ammon, fo sáʼa lo. Suuy mo woo Nyùy Tàr. Fóo wíy dù e vifə̀m, a fum e vikfər. Á wíy tòn ntèʼ se sí kaarin fó e və́yí. Isray wíy kfən e bàm fó, e sə nsay yev ye vé‑eè faàsìn fo áwune. Suuy mo woo Nyùy Tàr.

Joshua 15:56

Jesreel, Jokdeam, Sanoa

Joshua 17:11

A wír veé Manassèe kù kér ŋkà se laʼ símóʼ sí wùn à ntèʼ seé ghaŋ wo si e nsay Issakar, à ye Asher. Ŋkà se laʼ sìn si‑iì dzə̀ ji Bet‑Shean, à Ibleyam, à Dor wo á yoŋ sa ji Nafat, à En‑Dor, à Taanak, e lì Megiddo.

Joshua 17:15

Joshua nèn sùúy aáwune jii, «Mo vèn dzəə̀n wír anín, a woŋ agwan woó nsay Efrayime fátir e ŋàŋ fo vèn, vèn kóʼ é kòv, e wír veé Peris wùn à veé Refayimé nsay, e gwàr kóví, e yòv fóo.»

Joshua 17:17

Joshua nèn sùúy e wír veé ram Joosev ve á ràmèn fo Efrayim, à ve á ràmèn fo Manassèe jii, «Vèn dzə̀ wír nyanyày, e kfə̀n a ker vitaáví é ŋàŋ, bó vèn yòʼ yíi a ker kirə́ʼ kimòʼón cáʼ.

Joshua 17:18

Á bèy, woŋ agwane yíi a dzə wón e dzə̀m, fə̀m mo dzəə̀n kóv, vèn yíi gwàr, e yòv, e dù, e meé mo agwane duùn ben. Ké wìr veé Kanan, fə̀m mo áwune kér viténtén vé rər vé kisha vi, e kfə̀n tàvkír, vèn kù yíi jùm, e fəə́r fo nsay.»

Joshua 19:18

Nsay yev‑iì tàtí ŋkà se laʼ see jii, Jesreel, Kesulot, Shunem,

Atǎr Nsaʼ 1:19

Nyùy Tàr‑iì tòm wír veé Juda, á faàsì woŋ wo wú‑uù dzəə̀n áàgwan aàgwan, yii bèy, e làa yòʼ jùm wír ve vé‑eè dzəə̀n é kirə̀ʼ ké mboʼ ki, bìʼ fo áwune‑eè kér *viténtén vé rər vé kishà vi.

Atǎr Nsaʼ 4:13

wù nèn bàʼtí viténtén və́ ve səŋ nyám se ŋkoʼ vidzə̀m, a ví‑iì dzə̀ ghií bvə̀ʼə̀, e kfə̀n bàʼtí wír və́ adzə̀m, wùn áwune lò fo Haroshet‑Ha‑Goyiim, e dù, e bàʼ e ndzəv yee Kishon.

Atǎr Nsaʼ 4:3

Jabin‑eè kér *viténtén vé rər vé kishà vi ghií bvə̀ʼə̀. Wù‑uù nyàvrì e wír veé Israyi kiyá mbaà. Wír veé Israyi nèn lò, a lon ji Nyùy ku sə̀ á áwune.

Atǎr Nsaʼ 6:33

Wáa dzə e ghan fóo fèy, wír veé Midiane tátí wír veé Amalek, e kfə̀n tàtí ámóʼó sá vee fó mbìv yee fo shùy yii tó. Áwune adzə̀me nèn tùmsín ndzə́v yee Jordan, e bàʼtí e Kiwoóy ké Jesreel, a ghiʼ wír veé Isray e rə́r sí.

1 Samuel 29:1

Wír veé Filistiàa nèn lò, a baʼtí vé rər vév adzə̀m e Afek, wír veé Israyi wáa tam kév é ghaa ntoò ndzə̀v yeé ghaa Jesreel.