Joshua 17:15 - ŊWÀʼ NYÙY

¹⁵ Joshua nèn sùúy aáwune jii, «Mo vèn dzəə̀n wír anín, a woŋ agwan woó nsay Efrayime fátir e ŋàŋ fo vèn, vèn kóʼ é kòv, e wír veé Peris wùn à veé Refayimé nsay, e gwàr kóví, e yòv fóo.»

Joshua 17:15 Iomraidhean Croise

Kèʼlo 13:7

Anshìy nyàm Abram wùn à vé Loti lo, á nèn kù a taŋnín taŋnín. Yì‑iì dzə̀ é ghan fóo fèy, a wír veé Kanan wùn à veé Perisi‑iì dzə́ fo.

Kèʼlo 14:5

Lòo dzə e kiya kee nshòv sikweè e ghvə̀m, Kedorlaomer wùn aàfon və́ kiŋkaàyi báʼtí vitú vév, e dù, e tòn wír veé Refayim e Ashterot‑Karnayim, e kfə̀n tòn veé Susim e Ham, à veé Emime e Shave‑Kiriatayim,

Kèʼlo 15:20

à veé Hit, à veé Peris, à veé Refa,

2 Samuel 18:6

Vé rərí nèn a dù e kwaʼ rər ji á tám á wùn à wír veé Israyi. Rə́r sí nèn dù, e tsə̀ŋén e kòv woó Efrayim,

2 Samuel 5:18

Wír veé Filistiàa wìy, e sàŋrì wún é Kiwoóy ké Refayim,

2 Samuel 5:22

Shintàm shi lòo dàr, wír veé Filistiàa kfən siì wìy, e sàŋrì wún é Kiwoóy ké Refayim.

Esra 9:1

Vinyo vìn vi‑iì shaà, vilìmbìy ve kfəə si ví nèn wìy wìy, e yèn mo, e sùúy jii, «Wír veé Isray, e lì atàá cù, à wír veé ram Levìi yoʼ jàvsìn a ŋgoo yee wùn à vitúm vímóʼ ví. Áwune kù biʼnìn a liì wo koʼoyín wo dzəə̀n wo wìr veé Kanan wùn à veé Hiti, à veé Perisi, à veé Jebusi, à veé Ammone, à veé Moavi, à veé Ejivi, e lì veé Amor.

Ŋwàʼ Fəə 33:2

M yíi tsənsí nshìylav yem, é yì wáa dù fo věn mbìy, é m jum wír veé Kanan wùn à veé Amori, à veé Hiti, à veé Perisi, à veé Hivi, à veé Jebusi, e fə̀ə́r fo wòŋ Kanan.

Ŋwàʼ Luk 12:48

Wáa dzə wan lìm wo wù jayin kinyo ke dzə̀ á bònen tàm, a bó wù yòʼ kì kì kinyo ke tàr wov kì taʼ ji wù yii, bo á yíi wivtí woo shooy wívtín shishàr. Vèn wáa kiíy jii, wír wo á foon kifá sho kikuʼùn dzə̀ wo á wíy a leéy sa fo fo kikuʼùn. Á lem vifá e wìr lémen vikuʼùn, bo dzə̀ wun wo á yii kíyri e ŋàŋ.»

Joshua 17:14

Wír veé ram Joosevi nèn yòŋ e Joshua jii, «Nyùy Tàr səə̀vì ne ver, á wáa dzə anín, à fó ver a dzə̀ kirə́ʼ kimòʼón ji vitsə́ʼ vér bìʼ ka?»

Joshua 17:16

Rám Joosevi yòŋ jii, «Woŋ agwan wórí yòʼ fə̀m dzə̀ wú ghèén ver, a ké mboʼ ki dzə̀ jii, wír veé Kanan vee fó adzə̀me kér *viténtén vé rər vé kisha vi, a veé Bet‑Shean wùn à ntèʼ see fó si kérí, a ve á dzəə̀n é Mboʼ Jesreeli kér sa.»

Atǎr Nsaʼ 17:1

Wìr wùmòʼ‑oò dzə̀ é wòŋ agwan woó Efrayim, aá yoŋ yír ji Mayka.