Joshua 17:14 - ŊWÀʼ NYÙY

¹⁴ Wír veé ram Joosevi nèn yòŋ e Joshua jii, «Nyùy Tàr səə̀vì ne ver, á wáa dzə anín, à fó ver a dzə̀ kirə́ʼ kimòʼón ji vitsə́ʼ vér bìʼ ka?»

Joshua 17:14 Iomraidhean Croise

Kèʼlo 48:19

Tàr wov sháʼnín, e sùúy jii, «M kì mbà, wan wòm. M kì. Wù wíy a dzə sa kitúm ke kuʼùn kí. Yii bèy, bám rəə́ wíy kùʼ, e shaà wun, é rám rəə́ wáa dzə vitúm vitúm.»

Kèʼlo 48:20

Wù nèn a səə̀vì áwune é kishiíy fóo fèy, a suúy jii, «Wír veé Israyi wíy lòo səə̀vì wíri, aá wáa yòŋ jii, ‹Nyùy ku yiì, é kày wáa dzə moo Efrayim wun Manasse.› » Á mo Isray‑iì tiirin Efrayim fo Manasse mbìy bèy.

Kèʼlo 48:22

Mo‑óò fó sá wò fómo woo jeéy, wo bó m yòʼ‑oò lo fò áàfə́r vée. A dzə̀ jii, gwaáné wo mò‑oò faàsìn e nyùy wùn à kòŋé fo wír veé Amori sì wó.»

Esiker 48:5

Nsay ye yì səʼən ye rám Manasse dzə̀ ye rám Efrayim, a yì shèr woŋ fo mbìv yee fo shùy yii tó, a kfənér fo yì yii nəə.

Kintaŋ 13:7

Fo rám Issakar, wáa dzə Igal woo wan Joosev.

Kintaŋ 26:54

Lóo dzə rám ye yí kùʼùn, á fò yéev e kuʼùn. Lóo dzə ye yí dorin, á fò yéev shishàr. Rámé kù wíy a sə kév kee kirə́ʼ mo wír ve á taŋené dzəə̀n.

Kintaŋ 36:12

Mo áwune yenen alúm a dzə̀ é kfəə se dzəə̀n rám Manasse woo wan Joosev, vitsə́ʼ vév ví nèn gòʼ e ram ye dzəə̀n yé tàr wov.

Joshua 16:4

Rám Manasse wùn à yé Efrayim ye yí‑iì sanen fo Joosev e bàá nèn kòóy vitsə́ʼ vév é nsay foo fèy.

Joshua 17:15

Joshua nèn sùúy aáwune jii, «Mo vèn dzəə̀n wír anín, a woŋ agwan woó nsay Efrayime fátir e ŋàŋ fo vèn, vèn kóʼ é kòv, e wír veé Peris wùn à veé Refayimé nsay, e gwàr kóví, e yòv fóo.»