Joshua 17:13 - ŊWÀʼ NYÙY

¹³ Fə̀m‑eè lòo dzə fo bàm ye wír veé Israyi‑iì kùʼùn ne, a ker vitaáví, á yòʼ‑oò lo yù fó jùm wír veé Kanan adzə̀m. Yii bèy, vé‑eè kàn, á wáa lìm fo áwune.

Joshua 17:13 Iomraidhean Croise

Kèʼlo 49:15

Wù‑uù yèn, a kirə́ʼ ké meèmè ki dzə̀ kijuŋ, a nsay yee fó bóŋ é ŋàŋ, e nèn gvə̀ʼə́r ndzə̀m rə, e lì kibeʼèy, e fò kitú kfə́ ji kwǎn lìm woo fó.

2 Samuel 3:1

Vindzəʼ ve wír Saul wùn à wír Davir vi ku nèn a dù duùn fó mbìy, e bònen dù ntàmda, a wír Daviri kúy kuyín é vindzə̀ʼ, a vé Sauli kfə́n kfənén é bàm.

Efesor 6:10

Kidzə̀m ki nén a dzə jii, vèn wáa tiy a kitávín. A kí dzə̀ jii, vèn kú a tiy vèn à Tàr wòsən Kristu, a yeʼtí a dzə̀ e və́ vee vitaáví ve ghaʼán ví.

Filipi 4:13

Mo kù fó Jesus Kristu vitaáví e mò, m nén a dzə, vinyo vidzə̀m vi wáa gheén mo gheénén.

Joshua 16:10

Yii bèy, bó wír veé ram Efrayime yòʼ‑oò lo jùm wír veé Kanan ve vé‑eè dzəə̀n é Geser. Wír veé Kanan vìne ku nèn a dzə e wír vee Efrayimé mvəm e shem lán, aá dzə̀ ji akwǎn wìr veé Efrayim.

2 Pita 3:18

Vèn ku wày kén vifií ji vèn à Taàtá wòsən Jesus Kristu wo wù‑uù tinen ven fó lòn nəə́nín, é vèn wáa tiy e dzə̀ʼə̀m ye wù bùʼùn ven shó, a kiíy wun, a dù duùn fó mbìy. Vèsən kú a burí wun, a koʼór yír rə́, e kèʼ fo lèn, e dù, e mày. Amen.

Atǎr Nsaʼ 1:28

Wáa dzə fo bàm, a woŋ Israyi tuúy ne, e tàv, áwune nèn lò, e kàn wír veé Kanan vìy ji á kú a lìm a lim se tavkín sí. Yii bèy, a bó wír veé Israyi yòʼ‑oò lo jùm áwune júmen mo yì‑iì dzə̀ á yiì.

Atǎr Nsaʼ 1:30

Rám Sebulune yòʼ‑oò lo jùm wír ve vé‑eè dzə́ e Kitron, kìn ve vé‑eè dzə́ e Nahalol. Wír veé Kanane ku gòʼ wùn áwune, a lìm lim se tavkín se vé‑eè ghíʼ áwune shó.

Atǎr Nsaʼ 1:33

Wír vee rám Navtalìi yòʼ‑oò lo jùm wír ve vé‑eè dzə́ e Bet‑Shemesh, à ve vé‑eè dzə́ e Bet‑Anati. Á ku nèn gòʼ a dzə wùn à wír veé Kanan vee aŋgàa nsay vìyi. Yii bèy, rám Navtalìi ku yòʼ ghìʼ áwune, á wáa lìm lim se tavkín sí.

Atǎr Nsaʼ 1:35

Wír veé Amori‑iì wày wáyín ji áwune kù‑úù wáa dzə e Har‑Heres, a dzə e Ayjalon, e kfə̀n a dzə e Sha‑albim. Yii bèy, wáa dzə e ghan se kfə́ə Joosevi‑iì tuuyin ne, a ker vitaáví, á nèn kàn áwune, á gòʼ, a lìm lim se tavkín se vé‑eè ghíʼ áwune shó.