Joshua 17:11 - ŊWÀʼ NYÙY

¹¹ A wír veé Manassèe kù kér ŋkà se laʼ símóʼ sí wùn à ntèʼ seé ghaŋ wo si e nsay Issakar, à ye Asher. Ŋkà se laʼ sìn si‑iì dzə̀ ji Bet‑Shean, à Ibleyam, à Dor wo á yoŋ sa ji Nafat, à En‑Dor, à Taanak, e lì Megiddo.

Joshua 17:11 Iomraidhean Croise

2 Samuel 21:12

e nèn dù, e sə̀ vighvə́r vé Saul wùn à vé Jonatan woo wan Saul vi fo wír veé Jabesh‑Gileadi. Dzə̀ áwune ve vé‑eè nyaʼtin, e shòʼ dzə́n sé Saul wùn Jonatan fo kirə̀ʼ ké kitar e Bet‑Shan, fo wír veé Filistiàa‑aà səŋen áwune e kishiíy ke vé‑eè yuyrin Saul e Gwan Gilboa.

1 Afòn 9:15

Fòn Solomon‑eè shòʼtí wíri ve á wáa lìm lim vitaavií, áwune wáa bàʼrì lav cù Nyùy Tàr wùn à ntoʼ rə, a bom kfə̀m woó Jerusalem, e mbìv yee fo shùy yii tó, e kfə̀n a bom kay yeé Jerusalem, à yeé Hasori, à yeé Megiddòo, e lì yeé Geser,

2 Afòn 9:27

Fòn Ahasiya yén kinyo ke kí kooyin, e nèn a leʼ e wun kar, a dù e dzəə̀ ŋkàlaʼ Bet Haggan, a Jehu jum, jaŋ jii, «Vèn té wun.» Á nèn tè wun e wun kar, a wù sí kóʼ e Gur e ghaa Ibleyam. Wù ku nyèŋ, e dù, e kpù a dzə̀ é Megiddo.

1 Wòŋ 6:70

E nsay kintoʼnìn ke rám Manasse, vé‑eè fò Aner, e kfə̀n fò Bileam wùn à kwáʼ se bvəy sév sí e kibér ke lav see kfə́ə Kohat sìy si.

1 Wòŋ 7:29

Virə́ʼ ve ví dzəə̀n, aá nəə́ ne bìíy Manasse vi dzə̀ jii, Bet‑Shean, Taanak, Megiddo wùn à Dor, à ntèʼ se sí kaarin virə́ʼ vin si. Virə́ʼ vin vidzə̀m vi kù dzə̀ virə́ʼ vé dzə ve kfəə se sí‑iì ràmèn fo Joosev woo wan Isray.

2 Wòŋ 35:22

Yii bèy, Fòn Josia ku wày wáyín ji wun funen á Fòn Neko, e nèn tèn fó yu kinyo ke Nyùy‑iì yòŋèn, e shaà fo Fòn Neko. Á bèy, Fòn Josia nèn kùv wún və́, e dù e shùu rər é mboʼ yeé Megiddo.

Nsùyrì Nyùy 83:10

Wò‑oò laàr wír vìn e En‑Dor, e laàr, dzə́n sév sí fòy fo.

Jeremia 49:2

Á bèy, ghán símóʼ sí wíy gheén, é m yii, é wír veé Rabbàa yú mo léŋ rərí wiyì. Rabba, wo dzəə̀n ŋkàlaʼ wìr veé Ammon, fo sáʼa lo. Suuy mo woo Nyùy Tàr. Fóo wíy dù e vifə̀m, a fum e vikfər. Á wíy tòn ntèʼ se sí kaarin fó e və́yí. Isray wíy kfən e bàm fó, e sə nsay yev ye vé‑eè faàsìn fo áwune. Suuy mo woo Nyùy Tàr.

Sekariya 12:11

Wíy lòo dzə e kishiíy fóo fèy, é tóŋ ye wiyí wáa koʼ fo ŋkàlaʼ Jerusalem réŋréŋ moo ye yí‑iì kóʼ, aá diy Hadad‑Rimmon e mboʼ yeé Megiddo.

Joshua 11:2

Wù kfən bì sá afon veé wòŋ kùyi adzə̀m ve vé‑eè dzə́ aàgwan, e bì veé mbuŋ Jordan wo wù kfənen tsə́n fó kibaŋ keé Kineret, e bì veé mboʼ sa, e bì veé Shefela, e sar se agwan, e lì veé Dor e ghaa rìbà ndzə̀v.

Joshua 12:21

fon woó Taanak, fon woó Megiddo,

Joshua 12:23

fon woó Dor e Nafot‑Dor, fon woó Goyiim e Galeli,

Joshua 16:9

e kfə̀n lì sa ŋkà se laʼ símóʼ sí wùn à ntèʼ sév sí se sí dzəə̀n é nsay rám Manasse, aá lém jeéy ji sé rám Efrayim.

Joshua 17:16

Rám Joosevi yòŋ jii, «Woŋ agwan wórí yòʼ fə̀m dzə̀ wú ghèén ver, a ké mboʼ ki dzə̀ jii, wír veé Kanan vee fó adzə̀me kér *viténtén vé rər vé kisha vi, a veé Bet‑Shean wùn à ntèʼ see fó si kérí, a ve á dzəə̀n é Mboʼ Jesreeli kér sa.»

Atǎr Nsaʼ 1:27

Wír vee rám Manassèe yòʼ‑oò lo jùm wír ve vé‑eè dzə́ e Bet‑Shean, à ve vé‑eè dzə́ e Taanak, à ve vé‑eè dzə́ e Dor, fə̀m veé Ibleyam, à veé ntèʼ se sí‑iì dzəə̀n aáwuné ghaŋ si, e lì veé Megiddo. Á bèy, wír veé Kanane ku nèn gòʼ, a dzə e nsay foo fèy.

Atǎr Nsaʼ 5:19

«Afone‑eè wìy, a fùnèn Isray e Taanak. Afon veé Kanane‑eè funèn Isray e ghaa ndzəv yee Megiddo. Vé‑eè fùnèn, la wìr yòʼ kòóy nsàʼmboʼ, bó wìr yòʼ‑oò lo faàsì *kisha ke mbàm ke fəvír kí, e dù sho.

1 Samuel 28:7

Saul nèn sùúy e nsheèlav sə́ sí jii, «Vèn taʼ wiíy wo wù shóʼ ŋgàŋ, é m du tàr fo wun.» Áwune suúy jii, «Wùmòʼ dzə̀ é En‑Dor.»

1 Samuel 31:10

Vé‑eè lèm vifá ve rər vé Saul e kirə̀ʼ ké nyùy woo *Ashtoret, e kùr dzə́n rə́ é wǔn kày ye boméné yeé ŋkàlaʼ yee Bet‑Shan.

1 Samuel 31:12

vilum vév ve á kér melíví nèn ŋàʼáy, e ghàn vitsə́ʼ vifur, e dù, e mèé e Bet‑Shan, e sə̀ʼə́r dzə́n Saul wùn à sé won sí fó kày, e dù sho, e tòn e Jabesh.